Ululahu Jone 1:9 - Buka Blahi Ka Cheke Holo

⁹ Nu te cheke thakledi tahati ka God nakhibodare, mana ginauna hata fadeleidi. Tahati fatutuani ni God te eni unha te doglo na. Eghume mana ginauna na hata fadelei nakhiboda nei fagae ghita ka thua najafra fateo.

Ululahu Jone 1:9 ပူးပေါင်းရင်းမြစ်များ

Nodi Khoje Hatimare Mae Jiu 32:5

Nu, Lord, u gaoghathogu na iara magnahaghei te cheke thakledi nakhibogure ka iagho. Eghume, iara neke eni tuana. Ke leghugna te cheke thakledi iara nakhibogure ka iagho na, iara neke theome porudi nakhibogure. Kate cheke thakledi te hui iara re, iagho hata kokodi najafragu nei nakhibogu teu iara re.

Proveb 28:13

Jame te pophoru iagho nakhibomure, iagho ginauna na theome au fakeli. Nu jame te cheke thakledi iagho nakhibomure, eghuteuna figri tagrudi iagho nakhibo igre teuna, God ginauna kokhoni nigho iagho.

Profet Jeremaea 33:8

Mare figri tagru ghau iara ne edi kmana nakhibo, nu iara ginauna nake fagae fapulodi. Uve, iara ginauna atha koko nakhibo teke edi mare kate figri tagru ghau iara na.

Ululahu Jone 1:7

Nu te au tahati ka naphae ke ulugna God jateula mae Jisas Kraes teuna, tahati na kaisei au fodu fari theda, eghuteuna dadaragna mae Jisas Kraes Thugna God na fagaedi nakhiboda fateote'o re.

Profet Esikiel 36:25

Iara ginauna na jateula te tofa khoꞌu te klino ke klignami ghotilo ra eghu mala klino ghotilo ka puhimi te diꞌare, nei theome tarai ghotilo ka mumuju.

Hibru 10:23

Tahati mala kegra haghe balu rouronu kau nonomho te keli eidi glepo te fatutuani ni tahati nate thoke mei ginau. Eghume thosei ghatho peapea naugna God neke kulu nhaꞌa chekehi ka tahati. Mana ginauna edi glepo igre.

Ululahu Timoti 1:15

Mae Jisas Kraes neke mei ka nauthoglu igne mala fakarhi ghita ka nakhibo fateote'o. U cheke tuana thofno tutuani fara, mala nomhini nei fatutuani ni eghu naiknore. Iara tifa na neke diꞌa pari lahu ka nakhibo ke uludi naikno te gnafare gre.

Nehemaea 1:6

Lord, filo mei ka iara eghuteuna fanomho mei ka nogu cheke iara nou mae gloku gne. Ka narane nei bongi teu igre iara tarai fabrahu ka iagho malami ghehati nou mae gloku iagho agne Israel. Ghehati naiknomi Israel gre theome gnafa te tapla jafra ranghi nigho iagho na. Iara nei vikegu iara teu igre, ghehati te gnafa na kafe tapla jafra ka nakhibo.

Profet Esikiel 37:23

Mare ginauna na theome tarai ka mumuju ba edi glepo te theome magnahaghedi iara re. Iara ginauna hata fadelei nakhibodi re mala gae, eghuteuna iara ginauna bara fothidi ka gobigna lepo te thona ka tathagu iara na. Mare ginauna nogu naikno iara, eghuteuna iara nodi God mare.

Ululahu Korin 1:9

God na tathaji fabrahu nogna nhaꞌa cheke na ranghidi nogna naiknore. Mana kilo ghami ghotilo mala au fakeli balugna Thugna Jisas Kraes noda Lord.

Diutronomi 7:9

Te mala laseni ghotilo na Lord nomi God ghotilo na, mana ngala God mae ihei te ghatho tahu ghami ghotilo na. Eghuteuna mana tajini nogna nhaꞌa cheke na, eghuteuna mana namha ghami ghotilo iheire te namhani nei leghudi teu nogna vetula mana re. Kate namhani nei leghuni teu ghotilo mana na, mana tangomana te tajini u nhaꞌa cheke na balumi ghotilo nei thumi ghotilo re eghu fabrahu ghilei posani kmana thogha finogha.

Mae Khuru 19:18

Kmana naikno fatutuani ne funu cheke thakledi nakhibodire ke uludi keha naiknore nei kafe chekedi glepo te diꞌa teke edi thedi tifa re.

Nonomho Te Keli Teke Risoi Mae Mak 1:5

Ka narane tuana, kmana naiknodi Jerusalem nei naiknodi ka keha namono ka Provins Judia eghu ne mei fanomho ka mana. Mare ne mei cheke thakledi nakhibodire ka mae Jone ne apublahi ka mana ka Kho'u Jordan.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Nodi Khoje Hatimare Mae Jiu 19:12

Lord, theo kaisei naikno te filo glanidi nakhibogna thegnare. Hata fadeleidi nakhibo teke edi iara nu ihodi iara teugre.

Ululahu Korin 6:11

Tifa na, keha naikno ka ghotilo neke jateula tuana neku! Nu ka nanghagna noda Lord Jisas Kraes nei ka nogna nolaghi Tharunga gna noda God, mana neke hata fadelei nakhibomire mala nogna naikno nei mala au doglo ka tathagna God na.

Lamentations 3:23

Uve, puhigna Lord na au fabrahu, jateula narane majaghani te haghe fabrahu hamerane boibongi ra eghu. “Uve, Lord, iara cheke fakeli nigho eigna iagho ne namhadi fabrahu nou naiknore!”

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.

Ululahu Kings 8:47

Jateula teke au mare ka keha kantri delei ra eghu, glahu te figri gaoghathodi mare te tarai ari ka iagho te mala cheke thakledi puhidi te diꞌa, nei nakhibodi.

Thakle 15:3

Mare ne kojeni kaisei khoje teke rioriso mae Moses, nogna mae gloku God. Tutuani, mana kilo fnaknoni God naugna God neke toghodi mare ka nogna tothogho mae Lam, ne cheke eghu, “Nomi Lord God, te nolaghi fara, nou gloku iagho re thono biꞌo fara, eghuteuna ghehati ne jaglo nomi fara. Iagho nodi King namono te gnafa ka nauthoglu igne, eghuteuna puhimu iagho re doglo nei tutuani fara eghu.

Hibru 11:11

Mae Ebraham ne fatutuani ni God. Naugna igne, neuba mana ne kuekuꞌehi, eghuteuna Sera khara theo sua hi, God ne tusu lao nolaghi ka mae Ebraham mala kmagna mae Isak. Naugna mana fatutuani ni God na theome ghatho ihoni nogna nhaꞌa cheke na.

Matiu 3:6

Mare ne cheke thakledi nakhibodire, eghuteuna mae Jone ne faꞌapublahidi mare ka Kho'u Jordan.

Profet Isaia 45:21

Ghotilo mei mala chekedi ka iara nomi cheke re ke lamnagna fate igne. Ghotilo tangomana te kulu cheke ghu fari themi mala doglo ghu ka gaoghathomi re. Ihei teke chekedi glepo igre tifa na ame thoke mei nga teku na? Ba? Ghotilo theome laseni? Iara Lord! Iara God mae ihei te doglo fabrahu, eghuteuna iara fakarhi ghami ghotilo. Theo kaisei god ahevanga te jateula iara teuna!

Efesus 5:26

Mana neke eni igne mala fablahini nei mala tihi fagaeni eghu khiloau na ka khoꞌu nei ka chekegna.

Profet Sekaraea 9:9

Lord ne cheke eghu, Ghotilo naiknomi Saion! Ghotilo glealeꞌa! Ghotilo naiknomi Jerusalem! Ghotilo mala eha fabiꞌo! Filo ghotilo! Nomi King ghotilo la mei gognarona. Puhigna na doglo fabrahu, eghuteuna mana la uludihi nogna naokare. Nu mana nhaꞌa faparini thegna, eghuteuna mana saghe mei ka kaisei sua dongki.

Eksodas 34:7

Iara thofno namhadi koba nogu naiknore, nei iheire nate karha mei ke leghudi mare ghilei thokeni kmana thogha finogha. Iara tangomana te atha koko nakhibodi re jame te edi mare glepo te diꞌare, ba figri tagru ghau iara, ba edi thua nafnata nakhibo. Nu iheire te gnafa te leghudi fabrahu puhi te diꞌa re, iara ginauna paradi mare, baludi thudi te gnafa nei gradi te ikodi te gnafa teu mare re, ghilei thokeni fapea gradi nei fatilo gradi nate karha mei ke leghudi mare.”

Ululahu Kings 8:30

Lord, fanomho mei ka nogu tharai iara nou mae gloku gne, eghuteuna filo mei ka vido igne kate tharai nou naikno gre. Neuba iagho ne au kligna fanomho mei ka nomi tharai gre. Kate fanomho na, iagho hata fadeleidi nakhibomi gre.

Profet Jeremaea 3:13

Uve, ghotilo nabami te au papara na, naugna ghotilo ne huhughu ghau iara ne eni fabrahu puhi te diꞌa na ne tei tarai koba ka mumuju god ka vido te keli ke pari gaju.

Jone 17:25

“Mama, iagho ngala te thofno keli fara na. Naiknogna nauthoglu igne theome lase nigho iagho, nu iara lase nigho iagho. Eghuteuna nogu naikno iara igre lase nigho iagho mae teke kuru mei ghau iara na.

Luku 22:57

Mae Pita ne thufu ne cheke eghu, “Gaꞌase, iara iho noguni mae tuana.”