Ululahu Jone 1:6 - Buka Blahi Ka Cheke Holo

⁶ Eghume te chekeni tahati, “Tahati gne kheragna God, nu au fabrahu meu ngala ka gromno teuna”, tahati chaghi kolho. Eghuteuna tahati theome leghuni u nabrou te tutuani na.

Ululahu Jone 1:6 ပူးပေါင်းရင်းမြစ်များ

Ululahu Jone 4:20

Jame kaisei naikno cheke eghu, “Iara namhani God,” nu tirognani kheragna fofodu na teuna, mana kaisei mae chaichaghi. Eigna mana theome tangomana te namhani God, mae ihei mana te theome filoni, jame te theome namhani mana mae kheragna fofodu na, mae ihei mana te filoni.

Ululahu Jone 2:4

Jame kaisei naikno cheke eghu, “Iara laseni God!” nu theome leghuni chekegna God teuna, mana kaisei mae chaichaghi. Eghuteuna cheke tutuani na theome au ke lamnagna mana.

Ululahu Jone 1:10

Te chekeni tahati, “Tahati theo kaisei nakhiboda teuna”, tahati chaghi nei kiloni God kaisei mae chaichaghi naugna mana chekenihi tahati kafe tapla jafra ka nakhibo. Eghuteuna u chekegna God na theome au ke lamnada.

Proveb 2:13

Nafnata naikno igre la snivihi, eghuteuna gognarona auhi kate romno.

Jone 8:12

Ke leghugna igne, mae Jisas ne cheke eghu ka naiknore, “Iara jateula u naphae eghu ka naiknogna nauthoglu igne. Ihei te leghu ghau iara na, mana ginauna theome totokhei kate romno na, nu mana na au kau naphae mala filoi u nabrou te karha na.”

Jone 12:35

Mae Jisas ne cheke eghu ka mare, “Gognarona naphae na ginauna au balumi ghotilo katha vido. Eghume te keli na ghotilo nonolo kani au ngau naphae na. Eghuteuna gromno na ginauna theome tangomana te mei ka ghotilo na. Mae ihei te nonolo kate romno na, mana na theome laseni nabrou na.

Jemes 2:14

Kheraguro, theome keli kaisei mae te cheke eghu kolho na, “Iara fatutuani ni God” teu, nu theome eni kolho mana kaisei glepo te keli teu te mala fagaglana gna nogna fatutuani na. Nafnata fatutuani tuana theome mala fakarhini mana.

Jone 12:46

Iara mei jateula juta eghu mala faphaedi naikno te au ka nauthoglu igne. Eghuteuna iheire te fatutuani ghau iara re mare ginauna theome tei tafri ke lamna gromno.

Ululahu Jone 1:3

Gognaro na ghehati toutonuni ka ghotilo unha ghehati teke filoni nei nomhini, naugna ghehati magnahaghe ghami ghotilo te kaisei fofodu balumi. Tahati mala kaisei fofodu ngala balugna God Mama nei Thugna, Jisas Kraes.

Jone 11:10

Nu mae ihei te tei bongiro na, mana tangomana te totokhei na naugna theo naphae te mala batuni mana na.”

Jemes 2:18

Nu jame kaisei mae ka ghotilo cheke eghu, “Tahati naikno khiloau gre, kehare mala fatutuani ni God kolho, eghuteuna kehare mala toghodi keha naiknore eghu.” Te chekeni iara na, jame kaisei mae cheke eghu mana kaisei mae fatutuani nu mana theome edi gloku te mala toghodi keha naiknore teuna, mae tuana theome fatutuani ni God kolho. Mae ihei te thofno fatutuani ni God na, mana theome khogla cheke eghu kolho, nu mana edila unha te kelire mala toghodi keha naiknore.

Nodi Khoje Hatimare Mae Jiu 82:5

“Ghotilo thono fameomekro fara! Ghotilo theome laseni kaisei glepo! Puhimi ghotilore thofno diꞌa parilahu. Gognarona gobigna lepo te edi ghotilo kau nauthoglu igne theome doglo kolho.

Ululahu Jone 1:8

Te chekeni tahati, “Tahati theo kaisei nakhiboda teuna”, tahati chaghi ghita theda kolho, eghuteuna u tutuani na theome au ke lamnada.

Jemes 2:16

Eghuteuna kaisei mae ka ghotilo na cheke eghu ka mana, “Kubae ghema! God fablahi nigho. Tei sagho mala hiro gheu gano nei nou pohe eghu themu mala totoku branau.” Nu ghotilo theome toghoni kolho mana kaisei glepo! Ba, unha eghu ghotilo gaoghathomi na, chekemi ghotilo re ngala nate toghoni mana re? Theo!

Matiu 7:22

Kau narane leghu lahu nate fatedi God naiknore, kmana naikno ginauna mei cheke eghu ka iara, ‘Lord, Lord! Ghehati neke toutonuni chekegna God na kau nanghamu iagho na. Nu ka nanghamu iagho na ghehati neke bruedi naiture nei edi kmana nafnata kofubobhoi.’

Ululahu Timoti 4:2

Nafnata farirhiu igre mei ka puhidi naikno te theome doglo nu lase chaichaghi fara, eigna gaoghathodi teke doglore la lehehi, jateula teke nhako ka khaꞌaghi te ngaja ia eghu.

Nodi Khoje Hatimare Mae Jiu 94:20

Iagho tiroudi fara hatimare mae funei te diꞌa fara puhidire. Uve, iagho hongo nigho fara ka hatimare mae funei te mala eni kaisei vetula mala huhurudi naiknore mala leghuni vetula igne. Nu vetula igne theome raꞌe keli kolho eghu.

Jone 8:55

Neubane chekeni ghotilo ‘Mana na noda God tahati’ neu, ghotilo theome thofno laseni mana. Nu iara ngala te laseni mana na. Jame chekeni iara ne theome laseni mana teuna, iara jame kaisei mae chaghi jateula ghotilo eghu. Nu iara laseni fara mana nei leghudi chekegna mana re.