Ululahu Jone 1:5 - Buka Blahi Ka Cheke Holo

⁵ Gognaro na ghehati nake toutonu ari ka ghotilo cheke teke nomhini ka mae Jisas Kraes. Mana neke cheke eghu, “God na naphae, eghuteuna ka mana jare na theo kaisei gromno.”

Ululahu Jone 1:5 ပူးပေါင်းရင်းမြစ်များ

Jone 8:12

Ke leghugna igne, mae Jisas ne cheke eghu ka naiknore, “Iara jateula u naphae eghu ka naiknogna nauthoglu igne. Ihei te leghu ghau iara na, mana ginauna theome totokhei kate romno na, nu mana na au kau naphae mala filoi u nabrou te karha na.”

Jemes 1:17

Glepo te famane keli te gnafa igre neke mei funudi kligna ka God, eghuteuna mana theome tangomana teke tughu puhigna na. Mana theome jateula glepo teke hohoro thegna te siasigla mei ka maloa na are eghu, naugna glepo tuare jateula naungogna gaju te tuthughu vido fabrahu ra eghu. Tutuani, God na theome tangomana tughu puhigna thegna na.

Profet Isaia 60:19

Ka narane tuana naprai gne ginauna theome phae ka ghotilo, eghuteuna fei bongiro na glaba gne ginauna theome phae ka ghotilo. Nu iara Lord ginauna na au jateula naprai nei glaba eghu mala tusu ari fabrahu naphae na ka ghotilo. Nu iara Lord ginauna nomi naphae ghotilo fabrahu. Uve, naphaegna nogu nolaghi biꞌo iara nomi God ghotilo na ginauna agha mei fabrahu ka ghotilo.

Nodi Khoje Hatimare Mae Jiu 27:1

Lord ngala mae ihei te fakarhi ghau eghu iara. Eghume iara theome mhaghuni naikno na. Lord ngala te reireghi ghau iara na, eghume iara ginauna na theome mhaghuni kaisei glepo.

Jone 1:9

Thofno naphae igne ne mei kau nauthoglu gne mala kafe faphaedi naikno te gnafare.

Jone 1:4

Thofno karha na neke funu mei ka mana. Eghuteuna, karha tuana jateu langau u naphae eghu mala faphaedi naiknore.

Jone 9:5

Kani au nga teu iara kau nauthoglu igne, iara ngala u juta te mala faphaedi naikno te au kau nauthoglu igne.”

Thakle 22:5

Jare ginauna theome bongi. Tutuani, mare theome magnahaghei juta ba naprai, naugna noda Lord God ginauna tusu ranghidi u naphae. Mare ginauna funei fruni jateula king eghu fabrahu balugna God tifa tifa.

Thakle 21:23

Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.

Nodi Khoje Hatimare Mae Jiu 36:9

Iagho ngala nafugna te mala karhadi gobigna lepore. Eghuteuna iagho ngala nafugna u naphae na. Ghehati tangomana te filoni u naphae na ka iagho ngala.

Ululahu Timoti 6:16

Mana thegna ngala te theome tangomana te lehe na. Mana au ke lamnagna naphae biꞌo te theome tangomana naiknore te tei rhegnai. Theo kaisei naikno te filoni God, ba tangomana te filoni mana. Ranghini nafnakno nei nolaghi tifa tifa. Amen.

Nodi Khoje Hatimare Mae Jiu 84:11

Lord God, kaisei iagho ngala God na, eghuteuna iaghou ngala te saghe leghu ghami nei taji fakeli ghami teuna. Uve, iagho ngala te keli ranghi ghami nei tusu ranghi ghami teu u nafnakno na. Lord God, leuleghu fata na iagho tusu lao kolho glepo te kelire ka iheire te edi unha te doglore.

Ululahu Jone 3:11

Igne vetula te nomhini ghotilo tifa na: Tahati mala fari namhai.

Ululahu Korin 11:23

Farirhiu teke hata iara ka Lord na tela tusu arihi iara ka ghotilo ana. Tutuani, ka bongi mae Judas teke snakreni Jisas ka khamedi mae naokare, Lord Jisas neke hata bret na,

Nodi Khoje Hatimare Mae Jiu 139:12

igne theome ke nhogri ngala ka iagho. Naugna gromno na theome romno kolho ka iagho, eghuteuna bongi na phae kolho jateula narane eghu kolho ka iagho. Uve, bongi ghe narane gre kaisei nanaba ngala ka iagho.

Profet Isaia 2:5

Ghotilo vikegna mae Jekop ra, mei mala leghuni tahati Lord mae ihei teke falalase ranghi ghita nabrou karha na.

Profet Daniel 2:22

God tangomana te fakakhana glepo te poru, nei glepo te theome lasedi gaoghathodi. Mana lasedi gobigna lepo te poru kate romno na, eghuteuna leuleghu fata na naphae na au faligohoni mana.

Jone 1:19

Kaisei fata na, hatimare mae biꞌodi mae Jiu te au ka namono Jerusalem igre ne kurudi keha mae pris baludi keha mae te loku ka Sugablahi na mala mei ghusna eghu ka mae Jone, “Ghema, iagho mae hei?”