Thoutonu Eigna Rut 4:14 - Buka Blahi Ka Cheke Holo

¹⁴ Goro gaꞌasegna namono Betlehem ne cheke eghu ka Naomi, “Naomi, tahati cheke fakelini God! Gognaro na God la tusu ranghi nigho kaisei gramu la karha mei ka Rut mala reireghi nigho iagho. Sua igne mala kaisei mae biꞌo ka tahati agne Israel ginauna.

Thoutonu Eigna Rut 4:14 ပူးပေါင်းရင်းမြစ်များ

Luku 1:58

Eghuteuna, kheragna nei vikegna teu Elisabet re ne nomhini te thono keli fara Lord ranghini naꞌa na ne kafe gleale'a.

Ululahu Korin 12:26

Jame kaisei vido au papara, keha vidore na jaola au papara. Ba jame kaisei vido ka thinida na fnakno, keha vidore na mala jaola gleale'a.

Jenesis 12:2

“Iara ginauna na fabruarani vikemu iagho gne mala thovu. Eghuteuna iara ginauna na fablahi nigho nei naiknore ginauna na lase nigho iagho kaisei mae biꞌo fara. Eghuteuna keha naiknore ginauna na cheke fakeli nigho iagho, na cheke eghu fari thedi, ‘God na fablahi nigho jateula teke eni mana ka mae Ebram tifa ia eghu.’

Fapea Tesalonika 1:3

Ghehati cheke fakelini God leghu rane eimi ghotilo kheraguro. Nabami ghehati te eni igne, naugna nomi fatutuani ghotilo na bruara fara. Eghuteuna namha te sopa au ka ghotilo te gnafa na jaola bruara.

Ululahu Tesalonika 5:18

Cheke fakeli eidi gobigna lepo fateo, neubane unha te keli ba diꞌa. Tuana unha God te magnahagheni ka ghotilo naikno khiloau ra.

Letas Teke Riso Tei Mae Pol Ka Khiloau Rom 12:15

Ghotilo mala gleale'a baludi iheire te gleale'a, eghuteuna mala tanhi baludi iheire te tanhi.

Jenesis 29:35

Lea neke buklai neke karha keha thugna nalhaꞌu na. Eghuteuna naꞌa ne cheke eghu, “Gognaro na iara ginauna na cheke fakelini nanghagna Lord na.” Aonu naꞌa ne kiloni nanghagna fafati thugna nalhaꞌu na Juda. Nangha Juda teu igne gaoghathogna na “Cheke fakelini” eghu. Aonu Lea ne gnafa jare ghu te au sua na.

Jenesis 24:27

ne cheke eghu, “Iara magnahaghei te cheke fakelini nanghagna Lord, nogna God nogu mae funei iara Ebraham. Iagho ne kokhoni ni fabrahu nogu mae funei iara na ne eni fabrahu unha teke chekeni iagho ka mana na. Lord, iagho batu ghau iara doglo ne mei ka sugadi vikegna nogu mae funei iara na.”