Thoutonu Eigna Rut 4:13 - Buka Blahi Ka Cheke Holo

¹³ Aonu mae Boas ne atha Rut na ne tei ka sugagna na. Eghuteuna ke leghugna, God te fablahidi repa. Eghume, Rut ne bukla ne karha kaisei thugna nalhaꞌu.

Thoutonu Eigna Rut 4:13 ပူးပေါင်းရင်းမြစ်များ

Jenesis 33:5

Mae Iso ne filo teidi gaꞌase te balu thudi re ne cheke eghu, “Iheire te mei balumu iagho igre?” Mae Jekop ne cheke eghu, “God neke fablahi ghau iara nou mae gloku iagho gne ne tusu mei sua igre ka iara.”

Jenesis 29:31

Lord ne filoni mae Jekop gne mana ne theome raꞌe magnahagheni Lea gne, aonu mana ne toghoni Lea, ne bukla. Nu Resel gne ne khara ne theo thugna kolho.

Thoutonu Eigna Rut 3:11

Naikno gna namono igne la kafe lase nigho iaghohi te kaisei gaꞌase keli fara iagho na. Eghume, iagho thosei mhaghu eghu, eigna iara ginauna na edi unha te toredi iagho igre.

Nodi Khoje Hatimare Mae Jiu 127:3

Goro sua te karha mei ka tahati igre, igne kaisei nogna namha biꞌo Lord ranghi ghita tahati.

Nodi Khoje Hatimare Mae Jiu 113:9

Mana neke fablahidi goro gaꞌase te theo thudire mala ke au kmana thudi nei glealeꞌa eghu reꞌe. Cheke fakelini nanghagna Lord!

Ululahu Samuel 2:5

Mae teke kulu ghamu fakeli ra, gognarona mare mala loku ranghidi keha maei, mala tangomana mare te au gano na. Nu mae teke kulu rofo teku ra, gognarona, mare theome rofo. Gaꞌase teke theo thugna ia, gognarona, kela au fitu thugna, nu gaꞌase teke au kmana thugna ia, gognarona, naꞌa kela diꞌanagnafa nei tanhi eghu.

Ululahu Samuel 1:27

Iara neke toreni ka Lord sua igne, eghuteuna mana neke tusu mei unha teke toreni iara na.

Thoutonu Eigna Rut 4:12

Goro thumi ghopa nate tusu ari God re ginauna fnakno jateula teke tharaknagna mae Peres tifa ra eghu, mae Peres ia neke thudi mae Juda ghe Tama.”

Jenesis 30:2

Mae Jekop ne diꞌatagna ka Resel ne cheke eghu ka naꞌa, “God na theome snakreni te au sua iagho na. Eghume iara theome tangomana te eni unha God thegna ngala te tangomana te eni unha te chekeni iagho na eghu.”

Jenesis 25:21

Nu khetogna mae Isak gne neke khara neke theo thugna kolho, aonu mae Isak gne neke tarai ka Lord eigna Rebeka. Lord neke cheke tughuni nogna tharai mae Isak na. Aonu Rebeka bukla ne au phei thugna nalhaꞌu.

Jenesis 20:17

Lord ne theome snakredi khetogna nei nogna gaꞌase gloku eghu mae Abimelek gre te au sua na. Igne ke tughugna puhi teke eni mae Abimelek ka Sera khetogna mae Ebraham na. Aonu mae Ebraham ne toreni God mala ke fakarha fapuloni mae Abimelek, khetogna nei nogna gaꞌase gloku teu mana re neke tangomana teke au sua na.