Thoutonu Eigna Rut 4:10 - Buka Blahi Ka Cheke Holo

¹⁰ Eghuteuna Rut, thaugna Moab teke lehe kokoni mae Malon ia kela khetogu hi iara gognaro na, mala ke au sua Rut ke au nanghagna mana mala ke atha kasa teke nogna vido glose mana re. Eghume nanghagna mae ihei teke lehehia ginauna na theome luvu ka tathadi mae kheragnare, ba ka tathada tahati te hui kau namono igne. Ghotilo te gnafa na mae igre la filonihi unha te eni iara gognaro gne.”

Thoutonu Eigna Rut 4:10 ပူးပေါင်းရင်းမြစ်များ

Diutronomi 25:6

Mae sua nalhaꞌu teke kulu karha ka repa na, igne thofno thugna mae teke lehe ia, eghuteuna nanghagna na ke fangangha ka mae teke lehe na. Ka puhi igne nanghagna mae teke lehe na theome tangomana te gnafa ke lamnadi naiknodi Israel.

Efesus 5:25

Ghotilo mae tholaghi ra, namhadi khetomi are jateula Kraes te namhani fara khiloau gne eghu. Naugna mana namhani khiloau na. Mana neke snakreni thegna neke lehe mala fakarhani khiloau na.

Hibru 13:4

Naikno te gnafa gre mala ghatho tahuni puhi tholaghi na. Mae tholaghi nei gaꞌase tholaghi teure mala reireghidi thedi jateula teke nhaꞌa cheke thedi repa ia eghu, naugna God ginauna na fatedi naikno te theome leghuni vetula gna tholaghi na baludi iheire te eni tafri puhi te diꞌa are.

Profet Malakai 2:14

Ba? Naugna unha site eghu ghotilo gnea? Mana theome magnahaghedi unha te tufa ghotilo ka mana re, naugna mana lasedi te theome tajini ghotilo nomi nhaꞌa cheke teke eni ghotilo ka tholaghi ia kate tolaghi. Kani teke majaghani na ghotilo neke nhaꞌa cheke ka khetomire. Eghuteuna neubane eghu ngau, ghotilo theome leghuni kolho nomi nhaꞌa cheke na.

Profet Sekaraea 13:2

“Jaola ka narane tuana, iara ginauna atha fadelei mumuju blahi te gnafa ka glose igne, mala theome tangomana naiknore teke ghathodi nanghadi re. Iara ginauna ngolhi fajifladi profet chaichaghi te kilodi thedi nogna profet God nu theome tutuani, baludi iheire te magnahaghei fara te mala tarai ka mumuju blahi igre.

Profet Hosia 12:12

Tifa na kuꞌeda mae Jekop ia neke rikha neke tei ka namono Mesopotemia. Ka namono igne mana neke reireghi sipu. Mana neke eni gloku igne mala tolaghi ka thugna gaꞌase mae ihei teke khotodi sipu igre.

Profet Hosia 3:2

Eghume, iara neke foli Goma gne ka nabotho glima silva nei kaisei gobi phiatutu kilo bali.

Profet Isaia 48:19

Eghuteuna jame te leghu ghau iara ghotilo na, thumi ghotilore ginauna kmana fara jateula nusu ka grathara eghu. Iara ginauna reireghi fakelidi, eghuteuna nanghadire na theome gnafa ka nauthoglu igne.”

Proveb 19:14

Ido ghe mama tangomana te tufa suga nei sileni ka thudi na. Nu kaisei Lord kolho te tufa gaꞌase te keli na.

Proveb 18:22

Kate deni iagho gaꞌase te mala tolaghi na, iagho deni kaisei glepo te keli. Igne kaisei fablahi Lord te falalase ka iagho na.

Nodi Khoje Hatimare Mae Jiu 109:15

Ghehati magnahagheni God te thosei atha kokodi nakhibodi kuꞌegna mana re, nei theo kaisei naikno nate ghatho fapulodi vikegna mana ra eghu!

Nodi Khoje Hatimare Mae Jiu 34:16

Nu Lord na theome magnahaghedi naikno te diꞌa puhidire. Eghuteuna ka glehedire naikno tuare ginauna, na theo kaisei naikno ka nauthoglu igne na teke ghatho fapulodire.

Josua 7:9

Jame nomhini naiknogna kantri igne eigna igne meuna, mare ginauna mei falehe ghami ghehati. Nafnata puhi igne naiknore ginauna cheke faparini nanghamu iagho na, eghume iagho togho ghami ghehati!”

Jenesis 29:27

Iagho ofou nabagna kaisei wik mala ghilei gnafa ghu u gaghamu tholaghi gne ame tangomana nga ghehati te jaola te snakre arini ka iagho Resel gne teuna. Eghume iagho ginauna nake loku fapulo keha fitu finogha.”

Thoutonu Eigna Rut 4:9

Mae Boas ne cheke eghu ke uludi hatimare mae funeire nei keha mae biꞌola ngau teure, “Filo ghotilo ia. Gognaro na iara la foli fajifla hila ka khamegna Naomi gobigna lepo teke khotodi naꞌa ra. Gobigna lepo teke nodi mae Elimelek, mae Kilion nei mae Malon teku ra gognaro na kela noguhi iara.

Jenesis 38:9

Nu mae Onan ne theome magnahagheni u vetula igne, naugna mana magnahaghei te au thugna thegna. Nu kate thuru balugna gaꞌase igne na, mana ne totofa kolho kholognare ka glose na, mala theome tangomana te au sua malagna mae tighagna na.