Thoutonu Eigna Rut 4:1 - Buka Blahi Ka Cheke Holo

¹ Mae Boas ne tei ka grengathagna namono te mala faidu na ne gnokro ofo neu jare. Theome raugha mae Boas ne filo thafoni mae ihei teke chekeni mana ka Rut ia, mana ne mei salaꞌu jare. Mae Boas ne cheke eghu ka mana, “Ghema thabusigna, meigu sagho agne.” Aonu mana mei ne gnokro soru balugna mae Boas.

Thoutonu Eigna Rut 4:1 ပူးပေါင်းရင်းမြစ်များ

Thoutonu Eigna Rut 3:12

Tutuani fara, iara kaisei mae ka vike gna khetomu iagho na. Nu mae te au teu agne te thofno namo fara ke ulugu iarai ka mae teke tolaghi iagho tagna na te thofno nabagna te mala tolaghi ka iagho na.

Diutronomi 25:7

Nu jame thabusigna mae teke lehe igne tirogna tolaghi ka naikno biꞌo igne, naꞌa tei filodi mae lida rhegna grengathagna namono na. Naꞌa na cheke eghu ka mare, ‘Thabusigna khetogu iara te lehe ia tirogna te tolaghi ka iara na jateula te chekeni ka vetula na ia eghu. Naꞌa theome magnahagheni nanghagna thabusigna na te au fabrahu ka naiknodi Israel.’

Diutronomi 16:18

Aonu mae Moses ne cheke eghu, “Ghotilo ginauna vavahi keha mae mala fate, eghuteuna keha mae mala mae biꞌo ka namono te gnafa aheva nate tusu ari Lord ka ghotilo na. Mae igre mala fatedi gobigna lepo ka puhi te doglo ka fate na.

Profet Emos 5:15

Ghotilo lilisei puhi te diꞌa na mala leghuni kolho puhi te keli na. Eghuteuna ka fate na, ghotilo leghuni kolho puhi te doglo na. Jame te eni ghotilo igne na, God ginauna kokhoni ghami ghotilo naiknomi Israel te karha teu gognaro ra.

Thoutonu Eigna Mae Job 31:21

Jame te ei fagaglana iara ka khamegu na te mala tutidi iheire te theo kmadi, naugna iara laseni mae mala fate igne mana na phile balugu iara ka fate na,

Thoutonu Eigna Mae Job 29:7

“Ka narane tuana, iara gnokro ka faidu ka namono na, eghuteuna iara jaola tei faidu baludi goro mae biꞌo.

Diutronomi 21:19

Idogna kmagna mae sitei igne na hatani tei mana ka hatimare mae lida rhegna grengatha gna namono igne mala fateni mana.

Profet Sekaraea 2:6

Lord ne cheke eghu ka nogna naiknore, “Rikha mei! Jifla jare, naugna iara neke khi ghami ghotilo mala rikha tei Babilonia mala au tafri ka vido te gnafa.

Profet Isaia 55:1

Lord ne cheke eghu, “Ghotilo mei ka iara! ghotilo iheire te magnahaghei koꞌu ra, mei koꞌu ka iara. Khoꞌu na au ngala. Ghotilo iheire te theo nomi sileni ra, ghotilo mei ka iara. Ghotilo mei atha gano ka iara mala ima. Ghotilo mei mala koꞌu milk nei waen, uve, neubane theo sileni mei kolho.

Diutronomi 17:5

ghotilo ginauna hata tei mae igne ba gaꞌase ke kosi namono mala fada falehe ka thina.

Jenesis 23:10

Mae Efron vikegna mae Hit gne mana gnokro neu fari hoteidi vikegna re ka grengathagna namono na. Mare au neu jare ne nomhini mae Efron gne te cheke eghu ka mae Ebraham,

Jenesis 34:20

Aonu mae Hamo ghe mae thugna Sekem, phia mare ne tei ka vido te mala faidu te au rhegna grengathagna namono na ne cheke eghu ka keha mae biꞌogna namono na.

Josua 20:4

Jame kaisei mae eni igne, mana ginauna tangomana te tei poru ka kaisei namono ka igre, nu mana mala kulu tei filodi mae lida ka grengatha gna gringni thinagna namono igne mala chekeni eigna unha teke eni igne, mala tangomana mare te fateni mana na. Ke leghu, mare ginauna tangomana teke snakreni mana te mala au ka namono igne baludi mare, eghuteuna mare na tusu lao kaisei vido mala au mana tagna.

Thoutonu Eigna Rut 3:18

Naomi ne cheke eghu ka Rut. “Uve, tapa na ofoni kolho unha nate chekeni mae Boas na. Boas ginauna ghosei fadoglini puhi igne. Tapa theome laseni unha nate thakle mei ginauna.”

Fapea Samuel 15:2

Leuleghu narane na, mana kegra haghe hamerane boibongi tei kegra rhegna grengathagna namono biꞌo na. Kate filoni ihei te magnahaghei te tei filoni king te mala fadoglidi puhignare teuna, mae Absalom ne ghusna eghu ka naikno igne, “Iagho maemu ka namono aheva?” Eghuteuna ihei te chekeni ne maegna Israel teuna?

Fapea Kronikols 18:9

Ka narane tuana, phei mae king igre ne gnokro neu rhegna grengatha gna namono biꞌo Samaria te bara te ligoho ka thina na. Phiamare pipichi nogna famane pohe king na gnokro neu ka nodi sape nafnaknore. Phiamare au neu ka vido glalaba te mala fagagae wit naiknore. Eghuteuna fati gobi nogna profet mae Ehab kegra neu ke uludi phiamare ka vido tuana ne chekeni unha nate thoke mei ginauna.

Nodi Khoje Hatimare Mae Jiu 69:12

Leuleghu fata na mare salo fodu ka namono na mala buiburi ghau iara, eghuteuna mae te koꞌu te dranga re jaola edi keha khoje te diꞌa eigu iara.

Proveb 31:23

Khetogna na, naiknore ghatho tahuni mana, eghuteuna mana mae biꞌo ka nodi namono na.

Jenesis 19:1

Kaisei grafi, kate gnokro teu mae Lot ka grengathagna namono biꞌo Sodom, mana ne filodi phei engel teke tei balugna Lord teke filoni mae Ebraham ra ne mei ka mana. Mae Lot kegra haghe ne tei ne pogho soru pari ke uludi phia mare.