Thoutonu Eigna Rut 3:7 - Buka Blahi Ka Cheke Holo

⁷ Ke leghugna ima nei koꞌu teu te boho na, mae Boas ne keli tagna ne tei ne thuru soru rhegnai bukrei bali na. Rut thoghei ne tei ne pagli haghe thotoku na ne tei thuru rhedi ghahegna mae Boas re.

Thoutonu Eigna Rut 3:7 ပူးပေါင်းရင်းမြစ်များ

Nogna Buka Esta 1:10

Ka fafitu narane na, king Sekses ne thofno keli tagna fara, naugna mana ne koꞌu waen ne salaꞌui. Aonu mana ne kilo meidi fitu nogna mae gloku igre: mae Mehuman, mae Bista, mae Habona, mae Bikta, mae Abakta, mae Seta nei mae Kakas.

Jajis 19:6

Aonu phiamare gnokro fodu ne ghamu nei koꞌu neu. Nu kate ghamu te gnafa na, kmagna gaꞌase gne ne cheke eghu ka mana, “Te keli na iagho na aughu bongi na mala gleꞌa noughu themu.”

Fapea Samuel 13:28

Mae Absalom ne cheke eghu ka nogna mae glokure, “Kate ghamu teu tahati na, ghotilo filo fakelini mae Amnon. Kate filoni ghotilo te koꞌu te salaꞌui mana na, iara na eni kaisei fagaglana ka ghotilo. Eghuteuna ghotilo tei mala faleheni mana. Ghotilo thosei nanga nomi. Naugna iara te cheke ghami ghotilo te mala faleheni mana na. Eghume ghotilo famamhaku nagnafami re mala thosei mhaghu!”

Jajis 19:9

Kate tarabana mala tei teu retilo na, kmagna gaꞌase igne neke cheke eghu, “Gognarogne la rafihi. Te keli na aughu bongi na mala gleꞌa noughu themu. Hamerane boibongi nathuꞌu ame tei nga ghotilo eghu.”

Eklesiasti 10:19

Gano te keli na mala maꞌe naikno na, eghuteuna waen na mala fagleꞌa naikno, eghuteuna sileni na mala edi thua nafnata gloku.

Eklesiasti 9:7

Eghume, iagho tangomana te gleale'a fara kate ghamu fakeli nei koꞌu waen teu kate karha nga teu iagho ka nauthoglu igne. Naugna igne te thofno doglo ka tathagna God na.

Eklesiasti 8:15

Eghume te ghathoni iara na, tahati mala glealeꞌa fabrahu, naugna kaisei nabrou aheva nga te mala leghuni tahati na. Nabrou te mala leghuni tahati igne, tahati mala ima, koꞌu nei glealeꞌa eghu ka unha teke loku hetadi tahati ka nakarha teke tusu ranghi ghita God ka nauthoglu igne.

Eklesiasti 2:24

Eghume, glepo ulu te mala eni tahati na igne kolho, tahati mala ima nei koꞌu nei glealeꞌa eghu kolho ka unha te au ka thedare. Te laseni iara na, glepo igre mei ka khamegna God.

Ululahu Korin 10:31

Uve, tutuani, jame te ima, ba koꞌu ba eni ghotilo unha na, ghotilo mala edi gobigna lepore ka puhi te mala kilo fnaknoni God.

Ululahu Kings 21:7

Jesebel ne cheke eghu ka mana, “Ba, iagho theome king gna Israel sia? Khegra haghe sagho ghamu, thosei nanga nou! Iara ginauna tusu ari ka iagho nagare tuana.”

Jajis 19:22

Kate ghamu glealeꞌa teu mare na, kaisei tothoghei mae te diꞌa ka namono igne falithuini suga na tutini grengatha na ne eha eghu, “Iagho hata mei mae te mei ka sugamu iagho agne ia, mala lalahu nomi ka mana.”

Jajis 16:25

Ka narane tuana, mae funei re ne glealeꞌa fara aonu mare ne cheke eghu, “Tei hata fajifla mei Samson ka sosolo, mala maꞌe nodani!” Mae funei igre hatani mana ne mei, eghuteuna mare maꞌe ne maꞌeni mana. Aonu, mare ne fakegra mana farihoteidi khegra biꞌo ke lamnagna nodi Sugablahi na.

Jenesis 43:34

Hatimare mae gloku gre mei hata ghedi gano hatimare mae thabusigna gre ka tevo mae Josep na. Kate hata gano te mala faꞌimadi hatimare mae thabusignai igre na, mare hata fananaba kolho. Nu ghegna mae Benjamin na mare hata fabiꞌo fara naba te mala ima glima mae. Aonu mare ne ima nei ko'u nei glealeꞌa neu balugna mae Josep ne ghilei dranga.

Efesus 5:18

Thosei koꞌu me dranga ka waen, naugna igne ginauna batu fadiꞌadi puhimi ghotilo re. Nu snakreni mae Tharunga te Blahi na mala fodu ke lamnami mala batu fakeli ghami.

Thoutonu Eigna Rut 3:6

Aonu Rut kegra haghe ne tei ka vido aheva te mala fifliti khunedi balire ne leghudi nogna cheke Naomi re.

Thoutonu Eigna Rut 3:8

Fari hotei bongiro kate figri te dofra haghe na, mae Boas ne jaglo nogna kaisei gaꞌase te thuru teu rhedi ghahegnare ne dofra haghe.