Thoutonu Eigna Rut 3:2 - Buka Blahi Ka Cheke Holo

² Fanomho fakeli ka iara iagho ia! Boas, mae funei te loku teu iagho baludi nogna gaꞌase gloku na are, naꞌa kaisei vike ngala ka mae biꞌo teke tolaghi iara ia. Eghume mana ngala tangomanau te tolaghi ka iagho na. Ginau bongi na mana na tei ka vido te mala fifliti khunedi balire.

Thoutonu Eigna Rut 3:2 ပူးပေါင်းရင်းမြစ်များ

Thoutonu Eigna Rut 2:8

Mae Boas ne cheke eghu ka Rut, “Thughuo, fanomho sagho ka iara, iagho thosei tei salo phaꞌu bali ka keha nagare are. Iagho mala atha phaꞌu bali ka nagare igne kolho. Iagho au agne mala loku baludi nogu gaꞌase gloku iara igre.

Thoutonu Eigna Rut 2:1

Mae Boas gne khetogna Naomi. Mana kaisei mae dedei nei mana jaola kaisei mae biꞌo eghu ka namono tuana.

Jenesis 50:10

Hatimare ne tei ka vido Atad, ke maghati khoꞌu Jordan. Jare mare ne tanhi fabiꞌo nei diꞌanagnafa eghu eigna mae Jekop. Eghuteuna mae Josep ne diꞌanagnafa nei tanhi neu nabagna fitu narane.

Thoutonu Eigna Rut 3:1

Naomi neke cheke eghu ka Rut, “Nanghona, iara magnahaghei te hironi kaisei khetomu iagho, mala taji nigho nei fiofilo nigho eghu.

Thoutonu Eigna Rut 3:3

Eghume iagho na tei apu nou ghiha sedi nei famane pipichi nou eghu ia! Eghuteuna iagho na tei ka vido aheva nate tei loku mana na eghu, nu iagho thosei tei fakakhana eghu. Te keli na iagho ofou ghilei gnafa ghamu nei koꞌu eghu mana.