Thoutonu Eigna Rut 3:12 - Buka Blahi Ka Cheke Holo

¹² Tutuani fara, iara kaisei mae ka vike gna khetomu iagho na. Nu mae te au teu agne te thofno namo fara ke ulugu iarai ka mae teke tolaghi iagho tagna na te thofno nabagna te mala tolaghi ka iagho na.

Thoutonu Eigna Rut 3:12 ပူးပေါင်းရင်းမြစ်များ

Thoutonu Eigna Rut 4:1

Mae Boas ne tei ka grengathagna namono te mala faidu na ne gnokro ofo neu jare. Theome raugha mae Boas ne filo thafoni mae ihei teke chekeni mana ka Rut ia, mana ne mei salaꞌu jare. Mae Boas ne cheke eghu ka mana, “Ghema thabusigna, meigu sagho agne.” Aonu mana mei ne gnokro soru balugna mae Boas.

Ululahu Tesalonika 4:6

Eghume theome tangomana kaisei mae te eꞌei puhi diꞌa ranghini mae kheragna fofodu na ka puhi igne. God ginauna fatedi naikno te edi glepo igre. Ghehati kulu cheke faheta ka ghotilo eigna igne.

Matiu 7:12

Unha te magnahagheni ghotilo te mala eni ranghi ghami keha naiknore, glepo tuana la mala teke eni ghotilo ranghidi mare na. Igne gaoghathogna vetula nogna mae Moses nei chekedi hatimare mae profet.”

Thoutonu Eigna Rut 3:11

Naikno gna namono igne la kafe lase nigho iaghohi te kaisei gaꞌase keli fara iagho na. Eghume, iagho thosei mhaghu eghu, eigna iara ginauna na edi unha te toredi iagho igre.

Thoutonu Eigna Rut 3:13

Thofno keli fara te thuru teu iagho agne bongi gognaro gne. Iara na faghila tei hironi gaoghathogna mae ihei te chekeni iara igne. Jame te magnahaghei nigho mana na, thofno keli fara. Nu jame te tirogna teu mana na, iara cheke ka nanghagna Lord mae ihei te karha te tifa, iara ginauna tolaghi ka iagho. Iagho au agne ka iara ghilei hamerane nathuꞌu.”

Thoutonu Eigna Rut 2:20

Naomi ne cheke eghu, “Tutuani fara, Lord na fablahini mae igne! Lord na thofno keli fara ranghi ghita, eghuteuna mana theome ghatho ihoni nogna nhaꞌa cheke teke eni mana ka iheire tela lehehira nei ka iheire te karha nga teu gre eghu.” Naomi ne cheke eghui, “Uve, thau igne kaisei vike ngala ka thau teke tolaghi iara tagna ulu lahu ia. Eghume jame mana meu ngala jame te gijagna te mala reireghi ghita tapa na eghu.”

Thoutonu Eigna Rut 4:4

Iara magnahaghei te cheke ka iagho mae thabusigu ia glahula me magnahaghei iagho vido glose igne. Te magnahagheni iagho na, iagho na foli vido glose igne ke uludi hatimare mae funei te gnokro teu igre eghu ia. Nu jame te tirouni iagho na, iagho cheke mei ka iara gognarola mala laseni iara, naugna iagho ngala te au nolaghi te mala foli na vido glose igne. Nu jame te theome foli na, iara gne ngala fapea mae te au nogu nolaghi te mala foli na vido glose igne eghu.” Mae igne ne cheke eghu ka mae Boas, “Uve, keliu ngala, iara na foli vido glose igne.”