Thoutonu Eigna Rut 3:10 - Buka Blahi Ka Cheke Holo

¹⁰ Mae Boas nomhidi nogna cheke Rut igre ne cheke eghu ka naꞌa, “God te fablahi nigho, thuguo, naugna puhi te eni iagho igne tei la salaꞌuni fara unha teke eni iagho ranghini nanghomu Naomi ia. Eghume, iara thofno jaglo nogu fara te tirou hironi iagho kaisei mae te majaghani te thofno dedei ba mae majaghani te kuma, nu iagho na theome gaoghatho te mala tolaghi ka nafnata mae majaghani igre na.

Thoutonu Eigna Rut 3:10 ပူးပေါင်းရင်းမြစ်များ

Thoutonu Eigna Rut 2:20

Naomi ne cheke eghu, “Tutuani fara, Lord na fablahini mae igne! Lord na thofno keli fara ranghi ghita, eghuteuna mana theome ghatho ihoni nogna nhaꞌa cheke teke eni mana ka iheire tela lehehira nei ka iheire te karha nga teu gre eghu.” Naomi ne cheke eghui, “Uve, thau igne kaisei vike ngala ka thau teke tolaghi iara tagna ulu lahu ia. Eghume jame mana meu ngala jame te gijagna te mala reireghi ghita tapa na eghu.”

Thoutonu Eigna Rut 1:8

Naomi ne cheke eghu ka Opa ghe Rut, “Jame te keli na ghopa ke figri ka namono mala ke au keu ka kmami, idomi nei vikemi teure. Iara na toreni God mala falalase ranghi ghami nogna namha na, jateula te eni ghopa te namha ghau iara gne eghu. Phei thugu nalhaꞌu iara ra la lehehi eghu ra. Eghuteuna ghopa neke jaola neke keli ranghidi phei thugu nalhaꞌu iara ra.

Thoutonu Eigna Rut 2:4

Ke leghugna igne, mae Boas jifla ka namono na ne mei ka nagare na ne cheke eghu, “Hamerane keli,” neu ka nogna mae gloku te kato bali teure ne cheke eghu, “Lord te au balumi.” Aonu mare ne cheke eghu, “Lord te fablahi nigho.”

Jenesis 24:31

Mae Laban ne cheke eghu ka mana, “Mae biꞌo, Lord na la fablahi nigho iagho hi! Mei sagho mala ari ka suga na. Iagho theome tangomana te au teu agne na. Iara la kulu tarabanahi suga malamu iagho na nei jaola kaisei vido maladi nou kamel iagho re eghu.”

Thoutonu Eigna Rut 3:9

Mana ne ghusna eghu, “Ihei sagho ia?” Rut ne cheke eghu, “Iara Rut, kaisei nou gaꞌase gloku iagho. Iara magnahaghei nigho iagho te atha ghau iara mala khetomu iagho, naugna iagho vikegna ngala ihei teke tolaghi iara tagna tifa ia.”

Ululahu Samuel 15:13

Aonu mae Samuel tei ne filoni King Sol ka vido igne. Eghuteuna King Sol ne cheke eghu ka mana, “Iara toreni Lord mala fablahi nigho! Iara la edihi gobigna lepo teke chekedi Lord ra.”

Thoutonu Eigna Rut 2:11

Nu mae Boas ne cheke eghu ka Rut, “Iara la nomhidihi unha te edi iagho ranghini nanghomu ia, funu ke leghugna teke lehe khetomu ia tela ghilei mei posa ka narane gognaro gne. Iara laseni te tei kokodi iagho idomu nei kmamu teura, nei iagho jaola jifla kokoni thofno namonomu na tela mei au balumi ghehati ka namono aheva iagho te theome lasedi puhidi naikno igre.