Thoutonu Eigna Rut 2:20 - Buka Blahi Ka Cheke Holo

²⁰ Naomi ne cheke eghu, “Tutuani fara, Lord na fablahini mae igne! Lord na thofno keli fara ranghi ghita, eghuteuna mana theome ghatho ihoni nogna nhaꞌa cheke teke eni mana ka iheire tela lehehira nei ka iheire te karha nga teu gre eghu.” Naomi ne cheke eghui, “Uve, thau igne kaisei vike ngala ka thau teke tolaghi iara tagna ulu lahu ia. Eghume jame mana meu ngala jame te gijagna te mala reireghi ghita tapa na eghu.”

Thoutonu Eigna Rut 2:20 ပူးပေါင်းရင်းမြစ်များ

Fapea Samuel 2:5

Aonu mana ne kurudi keha mae mala tei cheke eghu ka mare, “Lord ginauna fablahi ghami ghotilo, naugna ghotilo ne giugiluni thinigna king Sol. Ka puhi igne, ghotilo falalase ghami themi te ghatho tahuni nomi king na.

Proveb 17:17

Kheramu iagho na namha nigho iagho fabrahu. Eghuteuna thabusimu na togho nigho ka vido te ninhigrana.

Levitikas 25:25

“Jame kaisei ka ghotilo thono kuma fara, eghuteuna mana sabiri nogna glose na, kheragna ka tharakna gna mana na mala ke foli mala ke hata fapulo glose tuana.

Filipae 4:10

Iara thofno gleale'a biꞌo fara nei cheke fakelini Lord, naugna neubane raugha ngau, gognaro na ghotilo kela funu togho fapulo ghau iara. Iara lase ghami ghotilo, ghotilo ghatho ghau iara koba, neubane theo kaisei nabrou te mala togho ghau iara na.

Thoutonu Eigna Mae Job 19:25

Iara laseni God mae ihei te kaisei phile balugu iara na mana karha ngau, eghuteuna mana ginauna mei ka nauthoglu igne mala hata fajifla ghau iara.

Fapea Samuel 9:1

Aonu kaisei narane, mae Devet ne ghusna eghu ka nogna mae biꞌore, “Keha mae karhau ka thugna mae king Sol ra, ba theo? Jame te au teu kaisei ka mare na, iara magnahaghei te toghoni mana, naugna mae Jonatan ia neke mae kheragu keli fara iara tifa na.”

Thoutonu Eigna Rut 4:14

Goro gaꞌasegna namono Betlehem ne cheke eghu ka Naomi, “Naomi, tahati cheke fakelini God! Gognaro na God la tusu ranghi nigho kaisei gramu la karha mei ka Rut mala reireghi nigho iagho. Sua igne mala kaisei mae biꞌo ka tahati agne Israel ginauna.

Thoutonu Eigna Rut 4:6

Nu mana ne cheke eghu ka mae Boas, “Tore theo, iara theome tangomana teke foli fapulo vido glose igne na. Tutuani glepo igne neke nogu iara, nu iara theome magnahaghedi glepo igre teke maladi mae thugure teku iara re teke tei ka keha mae suai na. Eghume foli iagho eghu.”

Thoutonu Eigna Rut 2:21

Aonu Rut ne cheke eghu, “Uve, tutuani fara, mae funei na neke cheke eghu langau ka iara, ‘Iagho mala loku fabrahu agne baludi goro gaꞌase nei mae gloku igre eghu mala ghilei gnafa salogna bali igne.’ ”

Thoutonu Eigna Rut 3:12

Tutuani fara, iara kaisei mae ka vike gna khetomu iagho na. Nu mae te au teu agne te thofno namo fara ke ulugu iarai ka mae teke tolaghi iagho tagna na te thofno nabagna te mala tolaghi ka iagho na.

Thoutonu Eigna Rut 4:4

Iara magnahaghei te cheke ka iagho mae thabusigu ia glahula me magnahaghei iagho vido glose igne. Te magnahagheni iagho na, iagho na foli vido glose igne ke uludi hatimare mae funei te gnokro teu igre eghu ia. Nu jame te tirouni iagho na, iagho cheke mei ka iara gognarola mala laseni iara, naugna iagho ngala te au nolaghi te mala foli na vido glose igne. Nu jame te theome foli na, iara gne ngala fapea mae te au nogu nolaghi te mala foli na vido glose igne eghu.” Mae igne ne cheke eghu ka mae Boas, “Uve, keliu ngala, iara na foli vido glose igne.”