Thoutonu Eigna Rut 2:15 - Buka Blahi Ka Cheke Holo

^15-16 Ke leghugna ima te boho na, Rut kegra haghe neke funu salo phaꞌudi balire. Mae Boas ne cheke eghu ka nogna mae glokure, “Ghotilo lisa soru keha ka naꞌa na mala haru teu ghotilo are mala salo naꞌa, thosei khini naꞌa.”

Thoutonu Eigna Rut 2:15 ပူးပေါင်းရင်းမြစ်များ

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.

Levitikas 23:22

“Iara Lord, nomi God ghotilo, eghume kate tei ghotilo te hata gano ka nomi nagare are, ghotilo thosei hata hui tei thoke ka gerigna nagare na. Eghuteuna ghotilo thosei ke pulo mala ke hata gano teke lisei faleghu teku ghotilo ra. Ghotilo khudau gano igre maladi iheire te kuma nei naikno phosa te au balumi ghotilo.”

Thoutonu Eigna Rut 2:14

Ka vido te ima teu mare na, mae Boas ne cheke eghu ka Rut, “Mei atha kaisei bret mala titihi ka waen igre mala famane mamahe mala ima.” Eghume, Rut leghuni nogna cheke mae Boas igne ne atha bret na ne mei gnokro baludi mae glokure ne ima baludi mare. Aonu mae Boas ne atha keha bali teke gahuhi ka khaꞌaghire ne tusu lao ka naꞌa. Rut ima ne boho ne salaꞌui keha gano.

Levitikas 19:9

“Kate hata mei gano ghotilo ka nomi nagare re, ghotilo thosei kafe hata gano ka gerigna nagare na, eghuteuna ghotilo thosei figri ke hata kaisei glepo ka unha teke lisei ghotilo ke leghu re.