Thoutonu Eigna Rut 2:14 - Buka Blahi Ka Cheke Holo

¹⁴ Ka vido te ima teu mare na, mae Boas ne cheke eghu ka Rut, “Mei atha kaisei bret mala titihi ka waen igre mala famane mamahe mala ima.” Eghume, Rut leghuni nogna cheke mae Boas igne ne atha bret na ne mei gnokro baludi mae glokure ne ima baludi mare. Aonu mae Boas ne atha keha bali teke gahuhi ka khaꞌaghire ne tusu lao ka naꞌa. Rut ima ne boho ne salaꞌui keha gano.

Thoutonu Eigna Rut 2:14 ပူးပေါင်းရင်းမြစ်များ

Thoutonu Eigna Rut 2:18

Rut gnafa gloku ne atha ne posa balugna vido gano teke ima kokodi naꞌa fari hotei aublatha re ka Naomi.

Matiu 14:20

Naikno te gnafare kafe ghamu ne boho. Aonu ke leghugna te gnafa ghamu na mae fanomhore ne salofodu vido gano teke sala'uire ne fafofodu nabotho phei khara'o.

Diutronomi 8:10

“Ghotilo ginauna ghamu boho ka gano te vuragha te salaꞌudi unha te magnahaghedi ghotilo re, eghume ghotilo mala cheke fakelini Lord naugna mana neke tusu ranghi ghami ghotilo glose te keli igne.

Profet Isaia 58:7

Igne puhi te magnahagheni iara na, ghotilo fei ghegna ihei te rofo. Eghuteuna kate filoni ihei te kuma te theo nogna suga na, ghotilo atha meini ka sugamire. Eghuteuna kate filoni ihei te theo nogna pohe na, ghotilo tufa nogna pohe. Eghuteuna ghotilo thosei poruni ihei kherada te mei tore nogna glepo ka ghotilo na.

Profet Isaia 32:8

Nu mae te keli na sasaꞌa te mala toghodi keha naiknore, eghuteuna leuleghu fata na mana ghaoghatho te mala edi glepo te kelire.

Nodi Khoje Hatimare Mae Jiu 23:5

Iagho tarabana kaisei gaghamu biꞌo malagu iara ka tathadi nogu naokare. Iagho taji fakeli ghau iara jateula kaisei mae biꞌo eghu ka suga muna. Eghume nogu glealeꞌa iara na thono biꞌo fara jateula kaisei kapu khoꞌu te fodu te salauꞌi ra eghu.

Fapea Samuel 17:28

Thilo mae igre hata ne mei kmana glepo malagna mae Devet, nei iheire te mei balugna manare. Igre glepo tuaro: khifra, dis, sospen, wit, bali, flaoa, wit gata, bini, jurukuli, milk nei sipu. Thilo mae igre eni igne, naugna thilo mare laseni mae Devet nei naikno te balugna mana gre eghu jame rofo nodi, nei babaꞌo nodi nei mare jaola rodi koꞌu fara, naugna mare mei ka namono nagou.

Ululahu Samuel 25:18

Aonu Abigel ghosei ne atha phei gobi bret, phei baeg guli nanigot te fodu ka waen, glima sipu muita, kaisei gobi piha grep gata, nei phei gobi piha fig neu ne luja ka nogna dongki na.

Ululahu Samuel 17:17

Kaisei narane, mae Jesi ne cheke eghu ka mae Devet, “Thilo mae thabusimu ra au balugna king ka glogu Ila. Mare magra ka armi gna Filistia. Iagho faghose atha tei kaisei kharaꞌo wit muita nei nabotho bret eghu ka thilo mare. Eghuteuna iagho jaola atha tei ghedi nabotho vido gano thilomare teke edi ka milk igre mala tusu lao ka nodi komanda mare na. Eghuteuna iagho fariu tei sighodi thilo mare, te keli teu kolho ba unha. Kate pulo mei iagho na, iagho atha mei kaisei glepo mala laseni iara te keli teu kolho thilo mare na.”

Diutronomi 11:15

Eghuteuna ghotilo ginauna au kmana buburu mala ghamu ghedi nomi glepo tautagu te oho ghotilo are. Eghume, ghotilo ginauna au ghemi gano te gnafa te magnahaghedi ghotilo re.

Thoutonu Eigna Rut 2:13

Aonu Rut ne cheke eghu ka mana, “Mae funei, iagho thofno keli fara ranghi ghau iara, neubane theome kaisei nou naikno gloku iagho ngau iara, iagho ne thoghei ne famane cheke ranghi ghau iara. Eghume iara gognaro na thofno glealeꞌa fara gaoghathogu na.”

Thoutonu Eigna Rut 2:15

Ke leghugna ima te boho na, Rut kegra haghe neke funu salo phaꞌudi balire. Mae Boas ne cheke eghu ka nogna mae glokure, “Ghotilo lisa soru keha ka naꞌa na mala haru teu ghotilo are mala salo naꞌa, thosei khini naꞌa.”