Thoutonu Eigna Rut 2:12 - Buka Blahi Ka Cheke Holo

¹² God gna Israel ginauna taba nigho eidi unha gloku te keli teke edi iagho ra. Eghuteuna mana ginauna reireghi fakeli nigho, naugna iagho ne mei ka mana jateula kaisei sua nanghaji te deni nogna vido mala poru na ia neu.”

Thoutonu Eigna Rut 2:12 ပူးပေါင်းရင်းမြစ်များ

Nodi Khoje Hatimare Mae Jiu 36:7

God, puhimu iagho te namha ghami ghehati na thofno keli fara. Eghume ghehati tangomana te ari poru ka iagho na jateu sua khokorako te poru ke paridi bagi gna idodi na ia eghu mala taji fakeli ghami ghehati.

Nodi Khoje Hatimare Mae Jiu 91:4

Mana ginauna reireghi fakeli nigho jateula khokorako gaꞌasegna te toku tafrudi thugnare ke paridi bagigna ra eghu. Eghuteuna mana ginauna tajini nogna nhaꞌa cheke na mala reireghi nigho nei baubatu nigho eghu.

Nodi Khoje Hatimare Mae Jiu 63:7

Naugna iagho ne togho ghau iara koba. Iara gne au fakeli nogu ke parimu iagho jateula khokorako te toku tafru thugnare ke paradi phei bagi gnara eghu na. Eghume iara koje balu gleꞌa.

Nodi Khoje Hatimare Mae Jiu 17:8

Reireghi ghau jateula iagho te reireghi fakelidi tathamu are eghu. Pophoru fakeli ghau jateula khokorako gaꞌase gna te toku tafrudi thugnare ke paridi phia bagignara eghu.

Nodi Khoje Hatimare Mae Jiu 61:4

Iara magnahaghei te au fabrahu ka sugamu iagho na ghilei lehe. Eghuteuna iara magnahaghei te au fakeli nogu ke parimu iagho jateula khokorako te toku tafru thugnare ke parigna bagignara eghu.

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.

Hibru 11:26

Mana magnahaghei te au papara malagna Mesia mae ihei God nate kuru mei kau nauthoglu igne. Mana ghathoni naꞌau papara igne ke keli gnai te snori ka dedei fateo gna Ijep. Naugna mana filo faꞌulu kau taba nate tusu ranghini God nathuꞌu nauriha na.

Ululahu Samuel 24:19

Thono ninhigrana fara ranghini ihei te snakre teini nogna naoka na jame te auhi ka khamegna mana na. Iara toreni Lord mala tusu ranghi nigho glepo te keli, naugna iagho neke theome falehe ghau iara ginei ia!

Thoutonu Eigna Rut 1:16

Nu Rut ne cheke eghu ka Naomi, “Ido, iara theome magnahaghei te tei koko nigho iagho na, iara gne magnahaghei te tei ngala balumu iagho. Thosei ke kuru fafigri ghau iara. Aheva te tei iagho na, iara na jaola tei jare. Kheramu iagho re mala jaola kheragu iara, eghuteuna nodi God mae Israel te pogho soruni iagho na jaola pogho soruni iara.

Nodi Khoje Hatimare Mae Jiu 57:1

God, kokhoni ghau iara. Naugna iara au ka puhi biꞌo te jateula goigovi biꞌo teu igne. Iara mei mala poru ka iagho jateula sua nanghaji te poru ke paridi bagignai idodi na ia eghu mala au fakeli nogu ka iagho, ghilei salaꞌu ari u puhi biꞌo jateula goigovi biꞌo teu te goigoni ghau iara igne.

Hibru 11:6

Mae ihei te theome fatutuani ka God na, God ginauna na theome keli tagna ka mana. Naugna mae ihei te magnahaghei mei namo ka God na, mana kulu fatutuani ni God te karha nei jaola fatutuani ni God ginauna na tabadi naikno te hironi mana na.

Luku 6:35

“Nu ghotilo namhadi nomi naokare, nei lolokeli ranghidi. Ghotilo tufa glepo ka keha naikno are, eghuteuna thosei ghathoni nake tughu fapulo mare teuna. Te eghu ghotilo na, God ginauna na taba fabiꞌo ghami ghotilo, naugna puhimi ghotilo re ginauna gaglana fara te goro thugna God ghotilo na. Naugna God na toghodi fabrahu iheire te theome ghatho tahuni mana, nei iheire te diꞌa fara.

Matiu 23:37

Aonu mae Jisas ne cheke eghu, “Ghotilo naikno te au Jerusalem! Ghotilo falehedi hatimare mae profet ra nei fada falehedi ka thina mae teke kuru mei God ra. Kmana fata iara magnahaghei ghami ghotilo mala mei ka iara. Iara magnahaghei reireghi ghami ghotilo jateula khokorako gaꞌasegna te opo tafru thugnare ke pari baghigna ra eghu. Nu ghotilo tiromi magnahagheni ngala.

Matiu 5:12

Neuba, ghotilo gleꞌa nei keli tami eghu, naugna ginauna Kmada na taba fabiꞌo ghami ghotilo kligna. Naiknore ginauna para ghami ghotilo jateula teke edi hatimare mae Jiu ka nogna mae profet God tifa ra eghu.”

Fapea Timoti 4:8

Eghuteuna gognaro na u taba te mala uluni iara na la kulu auhi. Uve, ka narane leghu lahu na Lord mae ihei te tangomana te mala fatedi naiknore ka puhi te doglo na, mana ginauna cheke eghu ka iara, “Iagho kaisei mae te doglo ke ulugu iara. Igne nou taba iagho na.” Eghuteuna mana ginauna na theome eni igne ka iara kolho, nu jaola ranghidi naikno te gnafa te ofoni teu ke pulo meigna mana na.

Fapea Timoti 1:18

Iagho laseni fara igne, kmana glepo te togho ghau iara mae Onesifora ka namono Efesus. Iara toreni Lord mala khokonini mana ka narane leghu lahu na.

Matiu 6:1

Mae Jisas ne cheke eghu, “Fiofilo ghami ghotilo ia, thosei mala filo ghami nga eghu edi gloku te kelire ke uludi naiknore. Naugna mae Kmami ghotilo te au kligna na mana ginauna na theome taba ghami ghotilo.

Proveb 23:18

Jame te ghaoghatho eghu iagho na, nakarhamu iagho na ginauna thofno keli fara.

Proveb 11:18

Jame te eni iagho unha te diꞌa na, iagho ginauna hata taba te diꞌa. Nu te eni iagho unha te doglo na, naiknore ginauna tusu ranghi nigho glepo te keli.

Nodi Khoje Hatimare Mae Jiu 58:11

Naiknore ginauna cheke eghu, “Tutuani fara! God na tabadi naikno te keli re. Eghuteuna mana au na fatedi naiknogna nauthoglu igne!”

Nodi Khoje Hatimare Mae Jiu 19:11

Lord, nou farirhiu iagho gre tusu ranghi ghau iara gaoghatho te keli, eigna iara gne nou naikno gloku iagho. Iagho taba ghau iara, naugna iara ne leghudi nou cheke iagho na.

Kolose 2:18

Keha mae te fahaehaghedi fara nodi mifire, eghuteuna farirhiudi naiknore mala au faleghu ka puhi te theo nafugna, eghuteuna mala tufru soru ranghidi hatimare mae engel. Thosei snakreni kaisei mae ka mae igre mala batu fadelei ghami te mala theome fatutuani ni mae Kraes. Mare fiti fahaehaghe kolho, eigna gaoghathogna naikno ka nauthoglu na theome tutuani,

Thoutonu Eigna Rut 2:11

Nu mae Boas ne cheke eghu ka Rut, “Iara la nomhidihi unha te edi iagho ranghini nanghomu ia, funu ke leghugna teke lehe khetomu ia tela ghilei mei posa ka narane gognaro gne. Iara laseni te tei kokodi iagho idomu nei kmamu teura, nei iagho jaola jifla kokoni thofno namonomu na tela mei au balumi ghehati ka namono aheva iagho te theome lasedi puhidi naikno igre.

Thoutonu Eigna Rut 2:13

Aonu Rut ne cheke eghu ka mana, “Mae funei, iagho thofno keli fara ranghi ghau iara, neubane theome kaisei nou naikno gloku iagho ngau iara, iagho ne thoghei ne famane cheke ranghi ghau iara. Eghume iara gognaro na thofno glealeꞌa fara gaoghathogu na.”

Thoutonu Eigna Rut 4:15

Mana ginauna tusu ranghi nigho nakarha majaghani nei mala taji nigho eghu kate kaekavemu na. Rut gne ne namha nigho fara. Neuba iagho ne au fitu thumu nalhaꞌu te mala togho nigho na, mare ginauna na theome taji fakeli nigho kolho jateula te eni naꞌa ranghi nigho kate karha meigna thugna nalhaꞌu igne eghu.”

Profet Jeremaea 31:16

Nu iara ne cheke eghu: “Resel, thosei tanhi. Iagho famomoja kholodi tathamure, naugna iara ginauna tusu ranghi nigho glepo te keli eidi gloku te keli teke edi iagho ranghidi thumura. Goro sua igre ginauna jifla mei ka namonodi mae naokare mala ke pulo mei ka nodi namono na. Eghuteuna nakarhamu iagho na ginauna thofno keli fara.” Igne cheke gna Lord.

Ululahu Samuel 24:20

Tutuani, iara laseni, iagho ginauna mala king gna Israel, kate funei iagho na, Israel ginauna kaisei kantri rheta fara.