Thoutonu Eigna Rut 2:11 - Buka Blahi Ka Cheke Holo

¹¹ Nu mae Boas ne cheke eghu ka Rut, “Iara la nomhidihi unha te edi iagho ranghini nanghomu ia, funu ke leghugna teke lehe khetomu ia tela ghilei mei posa ka narane gognaro gne. Iara laseni te tei kokodi iagho idomu nei kmamu teura, nei iagho jaola jifla kokoni thofno namonomu na tela mei au balumi ghehati ka namono aheva iagho te theome lasedi puhidi naikno igre.

Thoutonu Eigna Rut 2:11 ပူးပေါင်းရင်းမြစ်များ

Luku 14:33

Ghotilo jateula tuana eghu mala kulu ghatho fakeli eigna puhi te mala leghu ghau iara na. Naugna mae ihei te tirogna lisa fadelei nogna gobigna lepore te mala leghu ghau iara na, mana theome tangomana te kaisei nogu mae fanomho iara na.”

Luku 5:11

Aonu mare pala famata phia nodi molare ne lisei soru nodi gobigna lepore ne leghuni mae Jisas.

Nodi Khoje Hatimare Mae Jiu 45:10

Iagho sua gaꞌase te magnahaghei tolaghi ka king teu ia, fanomho fakeli ka unha nate chekeni iara gne nei ghathoni eghu. Iagho na theome fanomho ka nodi farirhiu kheramu nei vikemu te au teu ka namonodire.

Luku 5:23

Thono bligi fara te cheke eghu na, ‘Thuguo, iara la hata fadeleihi nakhibomu iagho re teuna’, naugna theo kaisei naikno tangomana te filoni te au nolaghi iara te mala eni gloku igne na. Nu ninhigrana fara te cheke eghu na, ‘Kegra haghe, hata nou sape na tei teuna,’ naugna naikno na tangomana te filoni jame te au nolaghi iara te mala eni tuana na.

Thoutonu Eigna Rut 1:11

Nu Naomi ne cheke eghu ka repa, “Theo, theome raꞌe keli jame te mei ghopa balugu iara na. Te keli na ghopa ke figri, naugna iara gne na theome tangomanahi nate ke au sua nalhaꞌu mala teke tolaghi ghopa na.

Thoutonu Eigna Rut 2:10

Eghuteuna Rut tufru soru pari ne cheke eghu ka mae Boas, “Iara gaꞌasegu ka keha vidoi. Naugna unha sagho te keli fara ranghi ghau iara gnea?”

Thoutonu Eigna Rut 2:12

God gna Israel ginauna taba nigho eidi unha gloku te keli teke edi iagho ra. Eghuteuna mana ginauna reireghi fakeli nigho, naugna iagho ne mei ka mana jateula kaisei sua nanghaji te deni nogna vido mala poru na ia neu.”

Thoutonu Eigna Rut 4:15

Mana ginauna tusu ranghi nigho nakarha majaghani nei mala taji nigho eghu kate kaekavemu na. Rut gne ne namha nigho fara. Neuba iagho ne au fitu thumu nalhaꞌu te mala togho nigho na, mare ginauna na theome taji fakeli nigho kolho jateula te eni naꞌa ranghi nigho kate karha meigna thugna nalhaꞌu igne eghu.”

Thoutonu Eigna Rut 3:10

Mae Boas nomhidi nogna cheke Rut igre ne cheke eghu ka naꞌa, “God te fablahi nigho, thuguo, naugna puhi te eni iagho igne tei la salaꞌuni fara unha teke eni iagho ranghini nanghomu Naomi ia. Eghume, iara thofno jaglo nogu fara te tirou hironi iagho kaisei mae te majaghani te thofno dedei ba mae majaghani te kuma, nu iagho na theome gaoghatho te mala tolaghi ka nafnata mae majaghani igre na.

Fapea Samuel 21:11

Kate nomhini king unha te eni Rispa igne,