Thoutonu Eigna Rut 1:6 - Buka Blahi Ka Cheke Holo

^6-7 Kate nomhini Naomi God te kokhonidi naiknodi Israel gre te toghodi ka gano na, naꞌa ne tarabana mala ke figri Juda baludi phei nanghognare. Aonu kate tei teu retilo ka nabrou na,

Thoutonu Eigna Rut 1:6 ပူးပေါင်းရင်းမြစ်များ

Nodi Khoje Hatimare Mae Jiu 132:15

Iara ginau tusu lao glepo kmana te keli ka naikno te au ka namono Saion are. Iara ginauna na tusu lao kmana gano ka iheire te kuma te au ka vido tuana mala glealeꞌa mare.

Nodi Khoje Hatimare Mae Jiu 111:5

Mana tusu lao gano koba ranghidi iheire te ghatho tahunire, naugna mana theome ghatho ihoni nogna nhaꞌa cheke teke mana ka tahati na.

Eksodas 4:31

Mare te gnafa na ne kafe fatutuani eigna Lord teke kuru meini Moses. Eghuteuna kate nomhini Lord te kokhonidi naiknore, nei filo glanidi nodi naꞌau papara re teuna, naiknore pogho soru ne tarai ka Lord.

Eksodas 3:16

“Iagho tei kilodi mae mala baubatu ka naiknodi Israel mala kafe mei, eghuteuna iagho cheke eghu ka mare: Lord, nogna God Ebraham, Isak, nei Jekop, nei keha kuꞌeda tahati tifa ra, mana neke mei ka iara, mala cheke eghu ka ghotilo, ‘Iara Lord neke taji ghami ghotilo, eghuteuna iara la filodihi puhi te diꞌa te edi naiknodi Ijep ka ghotilo ra.

Luku 19:44

Mare ginauna paꞌe nomi namono ghotilo gne, baludi naikno te gnafa te au ke lamnagna. Ginauna theo kaisei thina ka kaisei suga nate au ka vido teke au gna na. Naugna ghotilo ne theome filo glanini narane nate mei God te fakarha ghami ghotilo na.”

Luku 1:68

“Tahati kilo fnaknoni noda Lord God gna Israel! Mana mei mala togho ghita nogna naiknore nei tusu ranghi ghita u nasnagla.

Matiu 6:11

Tusu mei ranghi ghami gano te nabagna narane igne.

Profet Jeremaea 29:10

Igne unha te chekeni Lord na, “Babilonia ginauna au nogna nolaghi ke klignami ghotilo nabagna fitusalei finogha. Ke leghudi fitusalei finogha igre, iara ginauna mei ka ghotilo. Eghuteuna iara ginauna leghuni nogu nhaꞌa cheke na mala ke atha fapulo ghami ghotilo Jerusalem.

Profet Isaia 55:10

Chekegu iara na jateula nakhete te soru mei ka vido te gnafa ka nauthoglu igne te mala kotu te vuragha gano ka nagare ra eghu.

Profet Sefanaea 2:7

Eghuteuna naikno teke au faleghu teu Juda igre ginauna nake khotodi nomi vido glose ghotilo igre. Nodi sipure ginauna ghamu ghedi buburu ka vido igre, aonu maedi Juda igre ginauna ruma au ka suga teke jifla kokodi mare teke tei ka namono Askelon. Eghuteuna nodi Lord God mae Juda igne ginauna au baludi mala toghodi, mala ke au fakeli ka kantri igne.

Nodi Khoje Hatimare Mae Jiu 146:7

Mana toghodi fabrahu iheire te au papara, nei faghamudi iheire te rofo. Eghuteuna hata fajifladi iheire te au ka suga sosolo ka khamedi hatimare mae naoka.

Nodi Khoje Hatimare Mae Jiu 145:15

Lord God, gobigna lepo te karha gre filo ari ka iagho, eghuteuna iagho tusu ranghidi gano ka vido te rofo na.

Ululahu Samuel 2:21

Aonu Lord ne fablahini Hana, eghuteuna Hana ne karha thilo thugna nalhaꞌu nei phei gaꞌase. Nu mae Samuel ne biꞌo haghe ka nogna Sugablahi Lord na.

Jenesis 50:25

Aonu mae Josep ne cheke eghu ranghidi mae thabusigna re, “Ghotilo nhaꞌa cheke ka iara, ka narane God teke hata fapulo ghami ghotilo Kenan na, ghotilo ginauna na hata nhubragu iara gre tei balumi.”

Jenesis 48:15

Aonu mae Jekop ne toreni God mala fablahini vikegna mae Josep na. Mana ne cheke eghu, “Iagho nodi God kuꞌegu iara mae Ebraham nei mae kmagu iara Isak, phia mae igre mala leghudi fabrahu puhimu iagho re. Eghuteuna iagho neke reireghi fakeli ghau iara funu ka narane teke fakarhi ghau idogu ia ghilei posa ka narane gognaro gne.

Jenesis 28:20

Eghuteuna mae Jekop ne nhaꞌa cheke eghu ka God, “Jame te au iagho balugu iara, nei reireghi ghau iara teu ka nabrou te brahu te magnahaghei tei iara igne, iagho tusu ranghi ghau iara gano nei pohe,

Jenesis 21:1

Lord ne fablahini Sera jateula teke chekeni mana na neu.

Ululahu Pita 2:12

Gognaro na naikno te theome fatutuani ni God re cheke fadiꞌa ghami ghotilo fabrahu. Eghume puhimi ghotilo re mala keli nei doglo eghu ka tathadi naikno tuare mala tangomana mare te filodi glepo te keli te edi ghotilo re. Te eghu ghotilo na, ka narane ke pulo meigna mae Kraes na mare ginauna kilo fnaknoni God eidi puhimi ghotilo teke cheke fadiꞌadi mare tifa ra.

Ululahu Timoti 6:8

Eghume tahati nabada na gleale'a kolho jame te au gheda gano ba noda pohe na.

Nodi Khoje Hatimare Mae Jiu 147:14

Mana tusu ranghi ghita pharikeli mala au fakeli tahati ka kantri igne, nei tusu ranghi ghita gano te keli mala glealeꞌa tahati.

Proveb 30:8

Glepo ulu lahu na, iara theome mala chaichaghi. Fapea glepo na, iara theome mala kuma fara ba dedei fara. Khogla tusu mei naba gano leuleghu narane.

Thoutonu Eigna Rut 1:5

Ke leghu na mae Malon ghe mae Kilion gre ne jaola ne lehe jare Moab, eghuteuna Naomi ne theo khetogna nei thugna neu.

Nodi Khoje Hatimare Mae Jiu 102:14

Neuba hatimare mae nou naoka iagho gre ne mei roꞌeni namono igne, nu ghehati magnahagheni au ngala. Uve, neuba namono igne ne diꞌahi, nu ghehati diꞌa nagnafami kolho tagna eghu.

Profet Joel 2:19

Lord ne fanomho ka nodi tharai naiknore ne cheke eghu, “Iara ginauna tusu ari kmana gano, waen nei oliv oel eghu ka ghotilo mala keli tami ghotilo. Eghuteuna naiknodi keha kantri igre ginauna theome tangomana nate cheke fadiꞌa ghami ghotilo na.