Thoutonu Eigna Rut 1:20 - Buka Blahi Ka Cheke Holo

²⁰ Nu Naomi ne cheke eghu ka reꞌe, “Uve, iara Naomi ngala, nu ghotilo thosei ke kilo ghau iara Naomi gognaro na eghu. Eigna gaoghathogna nangha Naomi teu igne, ‘Glealeꞌa’ eghu. Te keli na ghotilo kilo ghau iara Mara, gaoghathogna na, ‘diꞌanagnafa’ eghu. Naugna God mae ihei te au nolaghi na ne fadiꞌa nagnafa ghau iara.

Thoutonu Eigna Rut 1:20 ပူးပေါင်းရင်းမြစ်များ

Thoutonu Eigna Mae Job 6:4

God mae ihei te au nolaghi te gnafa igne ne famei papara igne ka iara jateula te fada mei kaisei mae jata khaꞌaghi na ka nagnafagu iara na ia eghu. Jata khaꞌaghi igne tei lamna ka nakarhagu iara na. Iara mhaghu nogu fara te au papara ka puhi biꞌo te kuru mei God ka iara igre.

Hibru 12:11

Ka narane te para ghita God na, tahati theome gleale'a nu tahati kabru gheda fara. Eghuteuna, ke leghugna igne, kate gnafa farirhiu ghita God ka puhi igne na, tahati ginauna na au ka pharikeli nei au doglo ke ulugna mana eghu.

Profet Isaia 38:13

Iara ofou kolho ghilei hamerane boibongi. Iara ghathoni Lord nate lolhopa nhubragu gre, jateula lion te ghamu sasaka bosu teke kathu falehe ra eghu. Lord, bongi narane na, iagho fagnafani nakarhagu iara na.

Nodi Khoje Hatimare Mae Jiu 88:15

Funu ka narane teke mae majaghanigu te mei posa gognaro na, iara au papara fabrahu ngala ka fogra igne, iara la namo lehe. Iagho thono para ghau fara iara, eghume, iara la thono glaꞌe soru fara. Uve, puhi te para ghau iara iagho igne, thofno goigoni ghau fara iara.

Thoutonu Eigna Mae Job 19:6

Nu te mala laseni ghotilo na God neke para ghau iara. Eghuteuna mana neke loki ghau iara ka nogna phighoro na.”

Thoutonu Eigna Mae Job 5:17

“Ihei God te fadoglini nakarhagna na, mana tangomana te glealeꞌa na. Aonu kate fadogli nigho God mae ihei te au nolaghi fateote'o igne na, iagho thosei thodoni.

Thoutonu Eigna Mae Job 11:7

“Ba, iagho gaoghathomu na iagho tangomana te lasedi gobigna lepo te mamhara eigna God? Ba, iagho tangomana te thokeni khukrugna nogna nolaghi God mae ihei te au nolaghi fateote'o igne?

Eksodas 6:3

Tifa na, iara neke thakle ka Ebraham, ka Isak, nei ka Jekop, eghuteuna mare lase ghau iara te iara ‘God mae ihei te au nolaghi fateote'o.’ Nu iara neke theome falalase ghau thegu ka mare te iara Lord.

Jenesis 43:14

Iara toreni God mae ihei te nolaghi fara na mala toghoni gaoghathogna mae funei igne mala kokhoni ghami ghotilo. Iara toreni God mala snakredi mae Simion ghe mae Benjamin gre mala ke pulo mei balumi ghotilo. Nu jame teke gaoghathogna God teke mala hata fadeleidi mae thugu iara gre teku na, mare na hata fadeleidi ka iara.”

Jenesis 17:1

Kate nheva salei nheva finogha gnahi mae Ebram na, Lord ne thakle ka mana ne cheke eghu, “Iara God te nolaghi fara. Iagho mala leghu ghau iara fabrahu, nei eni unha te doglo ka tathagu iara na eghu.

Thakle 21:22

Iara theome filoni kaisei Sugablahi ke lamnagna namono biꞌo na. Naugna noda Lord God mae ihei te nolaghi na phiamare Lam au fabrahu baludi naiknore, eghuteuna naikno te gnafare pogho sorudi phiamare heva heva ke lamnagna namono tuana.

Thakle 1:8

Noda Lord God neke cheke eghu, “Iara teke au tifa, gognaro gne, nei nake pulo mei nathuꞌu nauriha balu nolaghi fateote'o tifa tifa.” Tutuani, mana kulu au neke vuavuha nga gobigna lepore nei mana na au fabrahu kate ari te gnafadi gobigna lepore.

Eksodas 15:23

Kate tei posa mare kaisei vido na, mare ne filoni kaisei khoꞌu jare, nu mare theome tangomana te koꞌu na, naugna ne thono raha fara. Aonu mare ne kiloni khoꞌu igne Mara, gaoghathogna na “Raha”.

Thoutonu Eigna Mae Job 9:18

Mana ginauna theome snakre ghau iara mala ke phanga ghu iara, eghuteuna mana ginauna eni nakarhagu iara na mala diꞌa fara.