Thoutonu Eigna Rut 1:16 - Buka Blahi Ka Cheke Holo

¹⁶ Nu Rut ne cheke eghu ka Naomi, “Ido, iara theome magnahaghei te tei koko nigho iagho na, iara gne magnahaghei te tei ngala balumu iagho. Thosei ke kuru fafigri ghau iara. Aheva te tei iagho na, iara na jaola tei jare. Kheramu iagho re mala jaola kheragu iara, eghuteuna nodi God mae Israel te pogho soruni iagho na jaola pogho soruni iara.

Thoutonu Eigna Rut 1:16 ပူးပေါင်းရင်းမြစ်များ

Fapea Samuel 15:21

Nu mae Itai ne cheke eghu ka mae Devet, “Ka nanghagna Lord mae ihei te karha te tifa, eghuteuna iagho mae ihei te mae king gna Israel, iara thofno nhaꞌa cheke kate tutuani. Namono aheva te tei iagho na, neuba iagho ne tei karha ba lehe, iara ginauna tei balumu.”

Nodi Khoje Hatimare Mae Jiu 45:10

Iagho sua gaꞌase te magnahaghei tolaghi ka king teu ia, fanomho fakeli ka unha nate chekeni iara gne nei ghathoni eghu. Iagho na theome fanomho ka nodi farirhiu kheramu nei vikemu te au teu ka namonodire.

Matiu 8:19

Kaisei mae velepuhigna vetula nogna mae Moses ne mei ne cheke eghu ka mana, “Mae velepuhi, iara magnahaghei te mala kaisei nou mae fanomho iagho, mala tei balumu iagho ka namono aheva nate tei iagho na.”

Jone 13:37

Mae Pita ne cheke eghu ka mana, “Lord, naugna unha site theome tangomana iara te leghu nigho iagho gognaro na ia? Tutuani fara, iara tarabana mala lehe ranghi nigho iagho.”

Ululahu Tesalonika 1:9

Eigna naikno te gnafa re chekeni koba unha teke eni ghotilo ranghi ghami ka teke ari sigho ghami jarea. Eghuteuna te chekeni mare na ghotilo figri tagruni mumuju god na neke pogho soruni nei loku ranghini thofno God te karha nei tutuani.

Profet Isaia 14:1

Lord ginauna kokhoni ghita tahati naikno teke vikegna Israel ra. Eghuteuna mana ginauna vahi ghita mala ke nogna naikno mana. Mana ginauna snakre ghita mala au ka noda namono igne. Eghuteuna naiknodi keha kantri igre mala jaola mei au baluda ka namono igne.

Mae Khuru 21:13

Nu mae Pol ne cheke eghu, “Ba, naugna unha site tanhi ghotilo te diꞌanagnafagu fara iara gnea? Iara gne tarabanau ngala te mala haru ghau mare Jerusalem na. Eghuteuna iara gne tarabanau ngala te mala lehe ranghini noda Lord Jisas!”

Profet Hosia 13:4

Lord ne cheke eghu, “Iara Lord nomi God ghotilo, iara neke hata fajifla kuꞌemi ghotilo ra Ijep. Eghuteuna iara ngala nomi God ghotilo na, theo kaisei god aheva nga te mala fakarhi ghami ghotilo na.

Profet Daniel 2:47

Mana ne cheke eghu ka mae Daniel, “Tutuani fara, nou God iagho igne haghe fara salaꞌudi keha god te gnafa te tufru sorudi ghehati igre. Mana nodi Lord hatimare mae king te gnafa igre. Eigna Mana tangomana te fakakhana gaoghathodi gobigna lepo te poru ka iara igre. Gognarona iara laseni igne, naugna iagho la rurutha la thofno glola fakeli ka iara.”

Thakle 14:4

Mae igre neke theome eni kaisei nakhibo jateula iheire te gnognoro. Nu mare au klino nodi fabrahu. Mare leghuni Lam fabrahu ka namono te gnafa aheva te tei mana na. God neke foli fajifladi ka naiknogna nauthoglu gne, mala thofno naikno malagna thegna nei malagna Lam.

Josua 24:18

Eghuteuna kate ruma mei tahati ke lamnagna glose igne, Lord neke ngolhi fajifladi vikegna Amoa baludi keha naikno teke au ka namono igne. Eghume ghehati ginauna mala jaola leghuni mana, naugna mana ngala noda God tahati na.”

Profet Daniel 4:37

Iara mae Nebukadnesa, iara gognarona cheke fakelini God mae king gna kligna. Gobigna lepo fateote'o te edi Mana igre thofno keli fara nei doglo eghu. Eghuteuna Mana tangomana te nhaꞌa faparini ihei te magnahaghei nhaꞌa hagheni thegna kligna lahu na.”

Profet Daniel 3:29

Eghume, igne nogu cheke iara na. Jame ihei te cheke faparini nodi God thilo mae igre na, neubane unha kantri, ba kokholo, ba cheke, iara ginauna puri faleheni mana, eghuteuna iara ginauna paꞌe soru nogna suga mae tuana. Naugna theo kaisei god te fakarha naikno jateula God te fakarhidi thilo mae igre teuna.”

Thoutonu Eigna Rut 1:15

Aonu Naomi ne cheke eghu ka Rut, “Filo sagho, kheramu gaꞌase ia keli figri hila ka kheragna nei nogna god eghu te pogho soruni naꞌa Moab na. Eghume, jame te keli na iagho ke figri balugna.”

Thoutonu Eigna Rut 1:17

Ka vido aheva te lehe iagho na, iara mala jaola lehe jare mala giugilu balumu iagho ka vido tuana. Eghume, thofno glepo te tutuani na ngala te cheke arini iara ka iagho igne. Theo kaisei glepo te tangomana ni te fota ghita, nu kaisei glehe ngala te tangomana ni te mala fota ghita na eghu. Jame te cheke chaichaghi nogu kolho iara ke ulumu iagho na, God ginauna fate ghau iara.”

Thoutonu Eigna Rut 4:15

Mana ginauna tusu ranghi nigho nakarha majaghani nei mala taji nigho eghu kate kaekavemu na. Rut gne ne namha nigho fara. Neuba iagho ne au fitu thumu nalhaꞌu te mala togho nigho na, mare ginauna na theome taji fakeli nigho kolho jateula te eni naꞌa ranghi nigho kate karha meigna thugna nalhaꞌu igne eghu.”

Proveb 17:17

Kheramu iagho na namha nigho iagho fabrahu. Eghuteuna thabusimu na togho nigho ka vido te ninhigrana.

Thoutonu Eigna Rut 2:6

Mae funeigna gloku na ne cheke eghu ka mae Boas, “Gaꞌase ana thaugna Moab neke mei agne balugna Naomi.

Profet Sekaraea 8:23

“Ka narane tuana, nabotho mae phosa te nhogri nodi cheke re ka nauthoglu igne ginauna hata nogna pohe kaisei Jiu, na cheke faheta eghu ka mana, ‘Iagho snakre ghami ghehati mala tei balumi ghotilo Jerusalem, naugna ghehati nomhini God na au balumi ghotilo.’ ”