Thoutonu Eigna Rut 1:14 - Buka Blahi Ka Cheke Holo

¹⁴ Aonu repa neke funu orio tanhi fabiꞌo, kate tanhi te gnafa na, Opa ne kubae ka Naomi tanhi neke figri. Nu Rut ne tirogna tei kokoni Naomi.

Thoutonu Eigna Rut 1:14 ပူးပေါင်းရင်းမြစ်များ

Proveb 18:24

Mae te au kmana kheragna na mana theo nafugna kolho. Nu thofno kheramu na, keli fara salaꞌuni thabusimu na.

Matiu 16:24

Ke leghugna igne mae Jisas ne cheke eghu ka nogna mae fanomhore, “Mae ihei te magnahaghei mei ke leghugu iara na, mana thosei ghathoni kolho nakarhagna thegna na, nu mana sasaꞌa mala pala nogna gaju fafatha na, eghuteuna mei leghu ghau iara.

Matiu 10:37

“Ihei te namhadi fara kmagna ba idogna ba thugna nalhaꞌu ba thugna gaꞌase ke tulaogu iarai na, mana theome nabagna te nogu mae fanomho iara na.

Hibru 10:39

Nu tahati gne theome naikno mala figri fapulo mala au ka glehe te theo gnafagna. Theo. Tahati naikno mala fatutuani ni God mala au ka karha tifa tifa.

Matiu 19:22

Kate nomhini cheke igne mae majaghani na, diꞌanagnafagna fara, naugna mana kaisei mae dedei fara. Aonu mana ne tei kokoni mae Jisas.

Profet Sekaraea 8:23

“Ka narane tuana, nabotho mae phosa te nhogri nodi cheke re ka nauthoglu igne ginauna hata nogna pohe kaisei Jiu, na cheke faheta eghu ka mana, ‘Iagho snakre ghami ghehati mala tei balumi ghotilo Jerusalem, naugna ghehati nomhini God na au balumi ghotilo.’ ”

Profet Isaia 14:1

Lord ginauna kokhoni ghita tahati naikno teke vikegna Israel ra. Eghuteuna mana ginauna vahi ghita mala ke nogna naikno mana. Mana ginauna snakre ghita mala au ka noda namono igne. Eghuteuna naiknodi keha kantri igre mala jaola mei au baluda ka namono igne.

Proveb 17:17

Kheramu iagho na namha nigho iagho fabrahu. Eghuteuna thabusimu na togho nigho ka vido te ninhigrana.

Ululahu Kings 19:20

Mae Elisa lisa soru nogna plao na ne leghuni mae Elija. Mana ne cheke eghu, “Snakre ghau iara mala tei kubaedi iara ido ghe mama ra, eghuteuna iara ginauna nake pulo mei mala leghu nigho iagho.” Elija ne cheke eghu ka mana, “Iagho ke pulo. Nu iagho ghaoghatho fakeli ka unha te eni iara ka iagho igne.”

Diutronomi 10:20

Ghotilo mala ghatho tahuni Lord nomi God, nei leghudi unha te chekedi mana re. Ghotilo ghatho tahuni kolho mana. Eghuteuna nomi nhaꞌa cheke re, ghotilo edi ka nanghagna mana kolho.

Fapea Timoti 4:10

Iagho lasenihi, mae Dimas ia la tei koko ghauhi iara, naugna mana namhani fara puhigna nauthoglu igne, eghuteuna mana la teihi ka namono Tesalonika. Eghuteuna mae Kriseni la teihi ka Provins Galesia, eghuteuna mae Taetus la teihi ka nohi Dalamatia.

Mae Khuru 17:34

Nu keha naiknore ne fatutuani ni mae Pol ne tei balugna mana. Kaisei mae te fatutuani ni mae Pol na, mae Dionesias kaisei mae ka tothoghei Ariopagus, balugna kaisei gaꞌase nanghagna na Damaris nei keha naikno langau eghu.

Jenesis 31:55

Hamerane boibongi ka keha narane na, mae Laban ne kubaedi nei fablahidi neu thugna gaꞌase nei gragna teure neke jifla neke pulo ka namono gna na.

Jenesis 31:28

Iagho neke theome snakre ghau iara mala kubaedi ghu iara thugu gragu teu igre. Iagho thono fameomekro fara te megei nga te rikha igne.

Diutronomi 4:4

Nu, ghotilo iheire teke ghatho tahuni Lord nomi God ra, ghotilo kafe karha teu gognaro gre.

Thoutonu Eigna Rut 1:15

Aonu Naomi ne cheke eghu ka Rut, “Filo sagho, kheramu gaꞌase ia keli figri hila ka kheragna nei nogna god eghu te pogho soruni naꞌa Moab na. Eghume, jame te keli na iagho ke figri balugna.”

Fapea Samuel 19:39

Aonu king baludi naikno teke tei balugna manare tei ne kasa ka khoꞌu Jordan. King gnanghoni mae Basilae ne fablahini mana. Aonu mae Basilae figri neke pulo ka nogna namono na.

Thoutonu Eigna Rut 2:11

Nu mae Boas ne cheke eghu ka Rut, “Iara la nomhidihi unha te edi iagho ranghini nanghomu ia, funu ke leghugna teke lehe khetomu ia tela ghilei mei posa ka narane gognaro gne. Iara laseni te tei kokodi iagho idomu nei kmamu teura, nei iagho jaola jifla kokoni thofno namonomu na tela mei au balumi ghehati ka namono aheva iagho te theome lasedi puhidi naikno igre.