Thoutonu Eigna Rut 1:1 - Buka Blahi Ka Cheke Holo

^1-3 Ka narane ame kegra king nga Israel teuna, vido te theo gano ka kantri tuana na ne thoke mei. Aonu mae Elimelek, kaisei maegna ka namono Betlehem ne tei au keha finogha ka kantri Moab. Mana ne jifla baludi khetogna nei thugna nalhaꞌu teure ne tei au jare. Nanghagna khetogna mae Elimelek na Naomi, eghuteuna nanghadi phei mae thugna mana re, mae Malon ghe mae Kilion. Naiknodi ka vikegna Efrata, ka namono Betlehem ka provins Juda. Mare au neu jare Moab ne ghilei lehe mae Elimelek. Naomi au soru jare baludi phei mae thugna re.

Thoutonu Eigna Rut 1:1 ပူးပေါင်းရင်းမြစ်များ

Jenesis 12:10

Ka narane tuare jare na ne theo gano fara, eghuteuna mae Ebram balugna nogna vike na ne tei au Ijep.

Jenesis 26:1

Keha fata te theo gano jateula teke eni ka narane gna mae Ebraham tifa igne teuna ne thoke mei ka namono Kenan. Aonu mae Isak jifla ne tei ka namono Gerara mala filoni mae Abimelek, mae king gna Filistia.

Profet Esikiel 14:13

“Maegna ka nauthoglu. Jame naiknodi ka kaisei kantri tapla jafra ranghi ghau iara ka puhi te theome leghudi mare puhigu iara na, iara ginauna goigonidi ghedi gano mare re mala thokedi mare narane grofo na. Mare ginauna rofo fara na ghilei lehe, eghuteuna nodi glepo tautagu mare re ginauna jaola lehe.

Jajis 17:8

Mana jifla Betlehem ne tei hironi kaisei namono majaghani mala au tagna. Kate tei mana na, mana tei ne posa ka sugagna mae Maeka na ka thogele ka nohi vikegna Efrem.

Levitikas 26:19

Kate fahaehaghe nei thofno patu gama fara teu ghotilo na, iara ginauna faparidi kolho nomi gaoghatho ghotilo re. Uve, theo kaisei nakhete nate soru mei ka nomi vido ghotilo re, eghuteuna nomi glose ghotilo re ginauna khapra fara, eghuteuna maku jateula aean eghu.

Jenesis 43:1

Rofo na biꞌo fara jare ka kantri Kenan.

Profet Emos 4:6

Lord ne cheke eghu, “Iara ngala teke snakre meini ka ghotilo behu ia, nu neuba, ghotilo theome tangomana te tughu nagnafa teke pulo mei ka iara na. Thono theo fara.

Nodi Khoje Hatimare Mae Jiu 105:16

Lord na neke lilisei kaisei vido te ninhigrana mala theo gano ka kantri mare na, nei mana neke jaola neke fabehudi mare.

Diutronomi 28:38

“Neuba ghotilo ne joꞌu kmana sisi ka nagare biꞌo are, ghotilo ginauna theome tangomana te hata kmana gano tagna na, naugna cheche ginauna ghamu fahui ghemi gano ghotilo re.

Profet Esikiel 14:21

“Iara Lord iara cheke eghu: Ghotilo naiknomi Jerusalem. Ginauna na thono diꞌa fara salaꞌuni narane teke snakredi iara fati papara biꞌo igre ka ghotilo ra. Iara ginauna kuru mei narane mala magra, nei narane mala rofo, nei khuma mhata, nei kaisei fogra diꞌa mala lehe fahui naikno te gnafa nei glepo tautagu te gnafa eghu Jerusalem.

Profet Jeremaea 14:1

Lord ne cheke eghu ka mae Jeremaea ka narane te theome nakhete na:

Nodi Khoje Hatimare Mae Jiu 107:34

Eghuteuna mana na edi glose igre mala fodu ka solt mala theo kaisei glepo te kotu jare na. Naugna naikno te au ka vido tuana ra ne diꞌa fara puhidire.

Ululahu Kings 18:2

Aonu mae Elija kegra haghe ne tei filoni King Ehab. Ka narane igre, grofo na thofno diꞌa fara jare Samaria.

Jajis 12:8

Ke leghugna te lehe Jefta igne, Ibsan kegra funei Israel, kaisei maegna Betlehem.

Fapea Samuel 21:1

Ka narane te kegra funei King Devet igre, kaisei nhigra behu ne thoke mei. Eghuteuna naiknodi phei kantri Israel ghe Juda igre ne theome naba gano ne rofo nabagna thilo finogha. Aonu mae Devet ne tarai ka Lord mala laseni gaoghathogna te theo gano te rofo mare igne. Lord ne cheke tughuni nogna tharai mana igne, ne cheke eghu ka mana, “Puhi biꞌo igne thoke mei naugna King Sol nei vikegna teu mana igre ne falehe naikno. Uve, mana neke aknu falehe maedi Gibeon ra.”

Jajis 17:7

Kaisei mae majaghani ka vikegna Livae au Betlehem jare ka nodi glose vikegna Juda, nu mana theome maegna ka namono tuana.

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Ululahu Kronikols 2:54

Mae Salma igne neke kuꞌedi naikno te au ka namono Betlehem, naikno te au Netofat, naikno te au Atro-Betjoab, vike te au Sora nei vido vike te au Manahat.