Thakle 9:6 - Buka Blahi Ka Cheke Holo

⁶ Aonu ke lamnadi glima nhigra igre, naiknore ginauna fariuriu filoni kaisei nabrou te mala lehe nodi na, nu mare ginauna theome tangomana te filo deni na eghu. Tutuani, mare ginauna magnahaghei fara te lehe, nu mare ginauna theome tangomana kolho te lehe na.

Thakle 9:6 ပူးပေါင်းရင်းမြစ်များ

Profet Jeremaea 8:3

Eghuteuna ihei te au faleghu ka naiknodi Juda te diꞌa igre, iara ginauna brue fajifladi ka kantri igne mala tei au ka keha vido delei. Mare gaoghathodi na mare jame nabadi na mala lehe kolho. Igne chekegna Lord mae ihei te au nolaghi fateote'o!’

Luku 23:30

Aonu naiknore ginauna eha eghu fabiꞌo ka thogele na, ‘Khoko soru ke klignami ghehati’, ba cheke eghu ka gukhu na, ‘Tatafru ghami ghehati!’

Thakle 6:16

Aonu mare ne eha eghu lao ka thogele nei ka thina teure, “Khoko soru ke klignami mala pophoru ghami ka ihei te gnokro kau nogna sape nafnakno mae King na ana nei ka mae Lam te diꞌatagna ana.

Profet Isaia 2:19

Ka narane Lord mae ihei te king nei mae ihei te au nolaghi fateote'o igne te diꞌatagna nei fakakhana nogna nolaghi na teuna, naiknore ginauna mhaghu nodi fara na rikha tei ka gluma thina, ba dokha khora mala poru lamna.

Profet Hosia 10:8

Vido blahi te mala tarai mare ka mumuju Bet-Aven igre ginauna groꞌe theo tokadi, eghuteuna olta te au ka vido blahi tuana ginauna thafru ka soro nei ka phono eghu. Eghuteuna iheire te magnahaghei te tei porure, mare ginauna na cheke eghu ka thogelere, “Mei toku tafru ghami!” Eghuteuna cheke eghu ka gukhure, “Soru mei ke klignami!”

Fapea Samuel 1:9

“Aonu mana ne cheke eghu ka iara, ‘Mei agne sagho mala falehe ghau iara, iara ghoreho ka mae naoka igre la namo lehehi.’