Thakle 9:18 - Buka Blahi Ka Cheke Holo

^18-19 Mare ne falelehe fatilogna naikno na ka thilo papara biꞌo igre ka khaꞌaghi, ka gagahu, nei ka thina ngaja eghu teke mei ka foflodi hose igre. Hose igre jaola falelehe naikno ka sekodire naugna sekodire au pha'u jateula mogo eghu, igre glepo te mala goigonidi naiknore.

Thakle 9:18 ပူးပေါင်းရင်းမြစ်များ

Thakle 9:17

Aonu iara ne filodi hose igre baludi mae iheire te gnokro teu ke klignadi. Mare fahaghe phoko aean te ukru fara, pipito, nei rija eghu. Pha'udi hose igre jateula pha'u lion eghu. Hose igre jifla mei khaꞌaghi, gagahu, nei thina ngaja eghu ka foflodire.

Thakle 9:15

Ka vido tuana, fafamno engel na ne snakre teidi fati engel igre mala aknu falehe fatilo naiknogna nauthoglu igne. Fati engel igre, mare neke kulu kaikalitihi tifa malagna narane gognaro gne ngala.

Thakle 8:7

Engel ulu lahu na ne ifu nogna khufli na. Aonu nakhete thina nei khaꞌaghi balu dadara ne thofa soru ka nauthoglu na. Eghuteuna ke lamnagna nauthoglu na, kaisei vido biꞌo gna glose baludi buburu te gnafa nei fatilo gaju gna nathua na ne nhako ka khaꞌaghi.

Thakle 8:8

Aonu fapea engel na ne ifu nogna khufli na. Eghuteuna kaisei glepo jateula kaisei thogele biꞌo te nhako ka khaꞌaghi, ne tei khoko lamna nhorora. Eghuteuna kaisei vido biꞌo gna nhorora na ne vuhai dadara,

Thakle 8:9

eghuteuna fatilogna sasa ke lamnagna nhorora na ne lehe. Jaola fatilogna vaka ke lamnagna nhorora na ne thono diꞌa fara.

Thakle 8:10

Fatilo engel na ne ifu nogna khufli na. Eghuteuna kaisei nathunu biꞌo jateula juta jeklo teu filogna na ne soru mei ka maloa na ne khoko soru ke kligna fatilogna khoꞌu biꞌo nei glokha.

Thakle 8:11

Eghuteuna nanghagna nathunu biꞌo igne mare ne kiloni “Raha”. Fatilodi kho'ure ne raha fara, eghuteuna kmana naikno ne lehe, naugna mare ne koꞌu ka khoꞌu te raha tuana.

Thakle 8:12

Aonu fafati engel na ne ifu nogna khufli na. Eghuteuna kaisei vido biꞌo ka naprai na nei kaisei vido biꞌo ka glaba na eghu ne kafe blalho. Eghuteuna fatilodi nathunure jaola ne blalho. Eghume kaisei vido biꞌo ka narane na ne theome phae, eghuteuna kaisei vido biꞌo ka bongi na ne jaola.