Thakle 8:11 - Buka Blahi Ka Cheke Holo

¹¹ Eghuteuna nanghagna nathunu biꞌo igne mare ne kiloni “Raha”. Fatilodi kho'ure ne raha fara, eghuteuna kmana naikno ne lehe, naugna mare ne koꞌu ka khoꞌu te raha tuana.

Thakle 8:11 ပူးပေါင်းရင်းမြစ်များ

Profet Jeremaea 23:15

Eghume, Lord mae ihei te au nolaghi fateote'o igne mana ne cheke faparidi mae profet igre ne cheke eghu, “Iara ginauna tusu lao khori ka mae profet igre mala koꞌu mare kholo gna te diꞌa na mala fameomekro mare. Naugna mae profet igre ne batudi naikno heva heva ka kantri te gnafa igre ne au fakhaba ka iara.”

Profet Jeremaea 9:15

Naugna igne, iara nodi God maedi Israel te au nolaghi fateote'o na ginauna huhurudi mala ghamu mare mogo te faghughumhu na, nei koꞌu phinu raha na eghu.

Diutronomi 29:18

Eghume ghotilo fiofilo ghami eghuteuna thosei snakreni kaisei naikno mala figri thagrugna na ka Lord nomi God. Neuba kaisei mae, ba kaisei gaꞌase, ba kaisei tharakna, ba kaisei vikemi ghotilo, theo kaisei naikno te tangomana te tei tarai nei pogho soru ka nodi god keha naiknore. Theome keli kaisei ka ghotilo te biꞌo haghe jateula kaisei gaju te ure sisi poesen ra eghu.

Profet Emos 6:12

Hose na theome tangomana te chari ke kligna phegu, eghuteuna naikno na theome tangomana te joꞌu gano lamna thongna. Nu ghotilo tughu puhi te doglo na ka puhi fameomekro, eghuteuna tughu puhi te famane na mala ke jaola ke tughu ka glepo te raha mala ke diꞌa fara salaꞌui.

Profet Emos 5:7

Ghotilo mae iheire te paradi naikno te doglo puhidira, eghuteuna ke tughu ka puhimi themi te diꞌare teura, fanomho mei ka iara!

Lamentations 3:19

Leuleghu fata na iara ghathodi puhi biꞌo te thoke mei ka iara igre, eigna iara thono diꞌanagnafagu fara. Iara jateula te theo sugagu te mala gnafa ra eghu, eghuteuna iara jateula te koꞌu khori ra eghu.

Proveb 5:4

Eghuteuna jame te leghuni iagho nogna cheke naꞌa na, ke leghu na iagho ginauna na haimini te glepo diꞌa na, jateula meresin te raha, nei kabru jateula goru te fadi nigho ra eghu.

Thakle 8:7

Engel ulu lahu na ne ifu nogna khufli na. Aonu nakhete thina nei khaꞌaghi balu dadara ne thofa soru ka nauthoglu na. Eghuteuna ke lamnagna nauthoglu na, kaisei vido biꞌo gna glose baludi buburu te gnafa nei fatilo gaju gna nathua na ne nhako ka khaꞌaghi.

Hibru 12:15

Fiofilo fakeli ghotilo ia mala theome kaisei naikno figri tagruni nogna namha te biꞌo God na. Na eghunu jateula kaisei gaju te fahoihoti ia eghu kaisei naikno ke lamnami ghotilo. Nafnata naikno tuana tangomana te goigonidi kmana naikno.

Lamentations 3:5

Mana para ghau iara, eghuteuna lisa mei ke klignagu nafnata nakarha te ninhigrana fara, jateula naoka te kegra faligohoni namono na tarabana mala goigonini namono tuana.

Thoutonu Eigna Rut 1:20

Nu Naomi ne cheke eghu ka reꞌe, “Uve, iara Naomi ngala, nu ghotilo thosei ke kilo ghau iara Naomi gognaro na eghu. Eigna gaoghathogna nangha Naomi teu igne, ‘Glealeꞌa’ eghu. Te keli na ghotilo kilo ghau iara Mara, gaoghathogna na, ‘diꞌanagnafa’ eghu. Naugna God mae ihei te au nolaghi na ne fadiꞌa nagnafa ghau iara.

Eksodas 15:23

Kate tei posa mare kaisei vido na, mare ne filoni kaisei khoꞌu jare, nu mare theome tangomana te koꞌu na, naugna ne thono raha fara. Aonu mare ne kiloni khoꞌu igne Mara, gaoghathogna na “Raha”.

Profet Sekaraea 13:8

Heva heva ke lamnagna glose igne, jame thilo mae, phei ginauna lehe, eghuteuna kaisei kolho nate karha na.

Profet Sekaraea 13:9

Eghuteuna iheire te karha teure, iara ginauna kafe paradi hui, mala tangomana mare te klino ka tathagu iara na. Ginauna na jateula mae te gahu silva nei gol ka khaꞌaghi te mala koko thona ra eghu. Aonu mare ginauna tarai mei ka iara, iara ginauna tangomana te nomhidi mare na. Eghuteuna iara ginauna cheke eghu, ‘Naikno igre nogu iara.’ Eghuteuna mare ginauna cheke eghu, ‘Lord na nomi God ghehati.’ ”

Thakle 9:15

Ka vido tuana, fafamno engel na ne snakre teidi fati engel igre mala aknu falehe fatilo naiknogna nauthoglu igne. Fati engel igre, mare neke kulu kaikalitihi tifa malagna narane gognaro gne ngala.

Thakle 9:18

Mare ne falelehe fatilogna naikno na ka thilo papara biꞌo igre ka khaꞌaghi, ka gagahu, nei ka thina ngaja eghu teke mei ka foflodi hose igre. Hose igre jaola falelehe naikno ka sekodire naugna sekodire au pha'u jateula mogo eghu, igre glepo te mala goigonidi naiknore.

Thakle 12:4

Aonu sekogna na ne prosa ka maloa na ne khoko fatilogna nathunu na pari. Eghuteuna pholi na mei ne kegra ke ulugna gaꞌase te namo fakarha teu thugna na. Mana magnahaghei te ghamu thugna gaꞌase na kate karha mei majaghani na.