Thakle 7:15 - Buka Blahi Ka Cheke Holo

¹⁵ Naugna igne mare kegra ke ulugna nogna sape nafnakno God na mala fafnaknoni mana. Mare theome gnafa bongi narane na pogho soru ranghini mana ke lamnagna nogna Sugablahi igne. Eghuteuna God mae ihei te gnokro ka sape nafnakno na ginauna au baludi mala reireghi fakelidi.

Thakle 7:15 ပူးပေါင်းရင်းမြစ်များ

Thakle 22:3

Eghuteuna gobigna lepo te diꞌare theome tangomana te au ke lamnagna namono biꞌo igne. Nu nogna sape nafnakno God nei nogna Lam eghu nate au ke lamnagna namono biꞌo igne. Eghuteuna nogna naikno gloku God re ginauna pogho soru ka mana.

Fapea Korin 6:16

Nogna Sugablahi God na theome mala fodu ka mumuju. Jaola ghotilo laseni eigna tahati na nogna Sugablahi God mae ihei te karha te tifa! Naugna God neke cheke eghu, “Iara ginauna mala au baludi nogu naiknore, eghuteuna iara ginauna mala tei baludi. Iara ginauna mala nodi God mare, eghuteuna mare ginauna mala nogu naikno iara.”

Hibru 12:2

Fifilo kolho ka mae Jisas. Mana neke fatutuani ni God, eghuteuna kate eni igne mana neke batu ghita ka nabrou te mala fatutuani ni God na nei mana jaola toghoni noda fatutuani na ghilei thoke ka narane leghu lahu na. Mana neke lehe ka gaju fafatha na. Nu mana neke theome ghathoni u mamaja eigna u glehe papara ke kligna gaju fafatha igne, naugna mana tangomana te filoni thofno gleale'a ofoni teu mana. Eghuteuna mana gognaro gnokro fei nhetagna God mala funei fruni balugna mana.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Ululahu Kronikols 23:25

King Devet ne cheke eghu, “Lord, noda God tahati maeda Israel igne mana neke tusu mei pharikeli ka nogna naiknore, eghuteuna mana ginauna au fabrahu Jerusalem.

Thakle 22:5

Jare ginauna theome bongi. Tutuani, mare theome magnahaghei juta ba naprai, naugna noda Lord God ginauna tusu ranghidi u naphae. Mare ginauna funei fruni jateula king eghu fabrahu balugna God tifa tifa.

Thakle 11:19

Aonu grengathagna nogna Sugablahi God te au kligna na ne thora, eghuteuna iara ne filoni bokis te au nogna nhaꞌa cheke God teke rioriso ranghidi nogna naiknore. Ka vido tuana nakafli, fila, nakheu, nei nakhete thina eghu ne khoko soru mei ka maloa na.

Thakle 7:9

Ke leghugna igne, iara ne filodi kmana naikno fara, te theome tangomana kaisei naikno te kahadire. Naikno igre mei funudi ka tharakna te gnafa nei ka vike te gnafa nei ka namono te gnafa nei ka cheke te gnafa teu ka nauthoglu igne. Mare ne kafe kegra ke ulugna nogna sape nafnakno mae King na nei ke ulugna Lam. Mare pipichi pohe vegha nei louloku grege thubo ka khamedire mala kilo fnaknoni God.

Thakle 4:4

Eghuteuna falithuni nogna sape nafnakno mae King na, varadaki fati sape nafnakno aula jare. Aonu ka sape nafnakno igre iara filodi varadaki fati mae biꞌo ka khiloaure ne gnokro neu ke klignadi. Eghuteuna mare pipichi pohe vegha, nei fahaghe khepi nafnakno teke hohoro ka gol.

Hibru 8:1

Unha te chekeni ghehati na igne: tahati au kaisei noda mae pris biꞌo mala kegra tughu ghita. Mana gnokro fei nhetagna God ka sape nafnakno kligna.

Ululahu Korin 3:16

Ghotilo lasenihi igne, eigna ghotilo jateula nogna Sugablahi God eghu, eghuteuna Tharunga gna God na auhi ka ghotilo.

Ululahu Kings 6:13

Uve, iara ginauna au balumi ghotilo naiknomi Israel, eghuteuna iara ginauna na theome tei koko ghami ghotilo nogu naikno iara ra.”

Eksodas 29:45

Iara ginauna au baludi naiknodi Israel mala nodi God mare fabrahu.

Thakle 20:10

Aonu mare ginauna koko laoni mae Satan ka kholo khaꞌaghi te ngire ka thina te ngaja fara. Satan, mae ihei te chaichaghidi naiknore, ginauna au baludi bosu ghe mae profet chaichaghi. Thilomare na au jare mala papara bongi narane tifa tifa.

Levitikas 26:11

Iara ginauna au balumi ghotilo, eghuteuna iara ginauna theome thodo ghami ghotilo.

Profet Esikiel 37:27

Iara ginauna au fabrahu baludi mare ka namono igne tifa tifa. Uve, iara ginauna nodi God mare, eghuteuna mare nogu naikno iara.

Thakle 4:8

Fati glepo te karha igre sopa au namno baghi. Glepo te karha igre thinidire iko tongana ka tatha, ke lamna nei ke kosi. Bongi narane na mare theome gnafa te kojeni, “Blahi, blahi, blahi Lord God thofno nolaghi, teke au tifa, nei gognaro gne nei nake pulo mei nathuꞌu nauriha.”

Thakle 4:9

Glepo te karha igre ne koje ranghini mae ihei te gnokro teu ka nogna sape nafnakno mae King na, mae ihei te karha tifa tifa. Mare ne koje eghu, “Ghehati pala hagheni nanghamu na, fafnakno nigho, nei cheke fakeli nigho! Iagho au nolaghi ke klignadi gobigna lepo te gnafa ka nauthoglu igne!”

Thakle 13:6

Mana ne tothora foflogna na mala cheke faparini God. Mana cheke faparani nanghagna God na nei cheke faparini vido aheva te au mana na, nei cheke faparidi iheire te au balugna mana kligna re.

Thakle 21:22

Iara theome filoni kaisei Sugablahi ke lamnagna namono biꞌo na. Naugna noda Lord God mae ihei te nolaghi na phiamare Lam au fabrahu baludi naiknore, eghuteuna naikno te gnafare pogho sorudi phiamare heva heva ke lamnagna namono tuana.