Thakle 7:13 - Buka Blahi Ka Cheke Holo

¹³ Aonu kaisei mae ka hatimare mae biꞌodi ka khiloau gre ne ghusna eghu ka iara, “Ghema, iheire si naikno te pipichi pohe vegha igrea? Neke mei funudi aheva?”

Thakle 7:13 ပူးပေါင်းရင်းမြစ်များ

Thakle 7:9

Ke leghugna igne, iara ne filodi kmana naikno fara, te theome tangomana kaisei naikno te kahadire. Naikno igre mei funudi ka tharakna te gnafa nei ka vike te gnafa nei ka namono te gnafa nei ka cheke te gnafa teu ka nauthoglu igne. Mare ne kafe kegra ke ulugna nogna sape nafnakno mae King na nei ke ulugna Lam. Mare pipichi pohe vegha nei louloku grege thubo ka khamedire mala kilo fnaknoni God.

Thakle 4:10

Kate kojeni mare khoje igne na, hatimare varadaki fati mae biꞌo ka khiloaure ne pogho soru ke ulugna mae ihei te gnokro teu ka nogna sape nafnakno mae King na. Mare tufru soru ne lilisei nodi khepi nafnaknore ke ulugna nogna sape nafnakno mae King na ne cheke eghu,

Thakle 5:11

Kate filo lao iara na, iara ne nomhini khojedi kmana mola mola engel, theome tangomana te kahadi. Mare ne kegra falithuni nogna sape nafnakno mae King na baludi fati glepo te karhare nei hatimare mae biꞌo ka khiloaure.

Thakle 5:5

Nu kaisei mae biꞌo ka khiloau na ne cheke eghu ka iara, “Ghema, thosei tanhi. Filo sagho! Igne lion ka vikegna mae Juda. Mana neke karha mei ka vikegna mae King Devet mala baubatudi vikegna mae Juda, eigna mana la tapla sorudihi nogna naokare kau magra na. Eghume, mana nabagna te hata koko fitu loke igre te mala tothora pepa na.”

Thakle 4:4

Eghuteuna falithuni nogna sape nafnakno mae King na, varadaki fati sape nafnakno aula jare. Aonu ka sape nafnakno igre iara filodi varadaki fati mae biꞌo ka khiloaure ne gnokro neu ke klignadi. Eghuteuna mare pipichi pohe vegha, nei fahaghe khepi nafnakno teke hohoro ka gol.

Jone 7:28

Kate farirhiudi naiknore teu ka Sugablahi na mae Jisas ne cheke eghu fabiꞌo, “Uve, ghotilo lase ghau iara, eghuteuna ghotilo laseni funu aheva teke mei iara na. Nu iara theome mei ka nogu gaoghatho thegu. Mae ihei te tutuani na teke kuru mei ghau iara na. Ghotilo theome laseni mana!

Jajis 13:6

Gaꞌase igne tei ne cheke eghu ka mae Manoa, “Kaisei profet jateula kaisei engel nogna God eghu filogna na ne mei ka iara. Iara ne thono mhaghu nogu fara. Iara theome ghusnani neke mei funugna ka namono aheva, eghuteuna mana theome chekeni nanghagna na ka iara.

Jenesis 16:8

Eghuteuna engel na ne cheke eghu ka naꞌa, “Hega, iara lase nigho iagho nogna naikno gloku Sarai. Iagho neke mei funu aheva neku? Iagho mala tei aheva, naugna unha?” Naꞌa ne cheke eghu, “Iara ne rikhani Sarai.”

Profet Daniel 7:16

Aonu iara kegra haghe ne tei filoni kaisei engel kegra neu ka vido tuana. Iara ne cheke ka mana mala rurutha ranghi ghau gaoghathodi glepo igre. “Aonu mana ne cheke eghu ka iara,

Mae Khuru 3:12

Kate filoni mae Pita igne, mana ne cheke eghu ka naiknore, “Ghotilo mae Israel, naugna unha site jaglo nomi ghotilo ka glepo ignea? Ba, naugna unha site filo tutuni ghotilo ka ghepa gnea? Ba, ne fakelini ghepa mae igne ka nomi nolaghi themi, ba, ne keli ghepa ke ulugna God neu si ghotilo ia? Theo!

Thakle 3:4

Nu kehaghu kolho ka ghotilo jare Sadis te au doglo ke ulugna God te theome leghuni u puhi nakhibo na. Mare reireghi fakelidi thedi jateula kaisei mae te reireghi fakelidi nogna pohere te mala theome thona teu ia eghu. Mare ginauna pipichi pohe vegha eghuteuna mare ginauna na au balugu iara. Mare nabadi te eni igne naugna nodi gloku na keli fara ke ulugu iara.