Thakle 6:8 - Buka Blahi Ka Cheke Holo

⁸ Iara filo lao ne filoni kaisei hose ne jifla mei, eghuteuna thinigna hose tuana jateula teke lehehi eghu thono diꞌa fara filogna na. Nanghagna mae te gnokro ka hose tuana, “Glehe”. Eghuteuna “Hades”, namonodi naikno te lehehira, ne mei namo fara ke leghugna mana. Eghuteuna God ne tusu ranghidi ka Glehe ghe Hades u nolaghi te mala falelehe kaisei ka fati naikno te gnafa ka nauthoglu igne. Tutuani, Glehe ghe Hades tangomana te falehedi naiknore ka magra biꞌo, ka grofo, ka fogra nei ka bosu mata gna nauthoglu igne.

Thakle 6:8 ပူးပေါင်းရင်းမြစ်များ

Profet Hosia 13:14

“Nu iara ginauna na hata fafigridi ka namonodi mae tela lehehi ra. Glehe! Aheva nou nolaghi iagho te mala faleheni naikno na? Beku! Aheva nou nolaghi iagho te mala goigonini naikno na? “Uve, iara ginauna na fakarhidi nogu naiknore, eghuteuna iara na theome tughu nagnafagu na.

Thakle 1:18

Iara mae ihei te karha tifa te tifa. Tutuani! Tifa na iara neke lehehi, nu gognaro na iara kela karha fapulo mala au fabrahu tifa tifa. Iara au nolaghi te mala cheke ranghini ihei te mala au ka glehe nei ihei te mala au ka karha na. Iara jaola au nolaghi te mala cheke ranghini ihei nate tei Hades ka namonodi naikno tela lehehira.

Profet Sekaraea 6:3

Fatilo chariot, hose vegha te korho na, eghuteuna fafati chariot, hose te doadora vegha nei pipito eghu te korho na. Hose te gnafa igre nheta fara.

Profet Esikiel 5:12

Iara ginauna fofota ghami ghotilo ka thilo tothoghei. Tothoghei ulu lahu na mare ginauna lehe ka grofo ba fogra ke lamna namono. Fapea tothoghei ka ghotilo na, mae naokare ginauna aknu falehedi mare ka magra ke kosi namono. Eghuteuna fatilo tothoghei na, iara ginauna khidi tafri kolho ka keha kantri are, eghuteuna iara ginauna snakredi mae naoka re mala ngholhi tafridi balu naflahi.

Profet Jeremaea 16:4

“Naikno igre ginauna lehe. Kehare ginauna lehe ka fogra biꞌo. Eghuteuna kehare ginauna mei mae naoka aknu falehe. Eghuteuna kehare ginauna lehe ka grofo. Eghuteuna theo kaisei naikno nate kokhonidi nei tanhidi teure. Eghuteuna theo kaisei naikno nate giugilui thinidire. Eghuteuna thinidi re ginauna naga tafri ke kligna glose. Aonu saroko nei khuma mata ginauna mei ghamu fahui thinidi re.”

Thakle 9:18

Mare ne falelehe fatilogna naikno na ka thilo papara biꞌo igre ka khaꞌaghi, ka gagahu, nei ka thina ngaja eghu teke mei ka foflodi hose igre. Hose igre jaola falelehe naikno ka sekodire naugna sekodire au pha'u jateula mogo eghu, igre glepo te mala goigonidi naiknore.

Profet Isaia 25:8

Lord ginauna bobotho fabrahu u glehe na, eghuteuna mana ginauna nuju koko kholo ka tathadi naikno te gnafare. Eghuteuna mana ginauna hata fadelei mamaja te au ka naiknogna na. Lord thegna ngala teke chekeni igne.

Thakle 9:15

Ka vido tuana, fafamno engel na ne snakre teidi fati engel igre mala aknu falehe fatilo naiknogna nauthoglu igne. Fati engel igre, mare neke kulu kaikalitihi tifa malagna narane gognaro gne ngala.

Ululahu Korin 15:55

“Glehe, aheva nou nolaghi te mala funei frunidi iagho naiknore? Glehe, aheva nou nolaghi iagho te mala goigonidi naiknore?”

Profet Habaku 2:5

Uve, naikno te fahaehaghe fara igre magnahaghei dedei fara kolho. Nu mare ginauna na theome gle'ani kolho unha te au tadi na, eghuteuna puhi te magnahaghei glepo kmana mare igne theome gnafa jateula beku te thora fabrahu malagna ihei te lehe ra eghu. Naugna igne te uludi mare keha kantri igre na.”

Profet Jeremaea 16:16

Lord ne cheke eghu, “Iara ginauna kurudi mae naoka mala mei agne Juda, eghuteuna mare ginauna mei korho ghami ghotilo, jateula te korho sasa ra eghu. Eghuteuna ke leghugna igne, iara ginauna nake kurudi keha mae naokai mala mei hiro ghami ghotilo jateula mae te hiro gano tafri ka thogele, nei gukhu, nei khora thina teu ra eghu.

Matiu 11:23

Ghotilo naikno te au Kapanam ra, na eghunu nhaꞌa haghe ghami God kligna eghu jau si ghotilo gaoghathomi na? Theo fara! God ginauna koko soru ghami ghotilo Hades ka namonodi naikno tela lehehi ra. Nu jame filodi naikno te diꞌa ka namono Sodom kofubobhoi te edi God ka ghotilo igre meuna, naikno te diꞌa di Sodom igre jame tughu nagnafahi. Eghuteuna namono Sodom gne jame au ngala gognaro na.

Profet Jeremaea 43:11

Kate meigna mana na, mana ginauna magra Ijep, eghuteuna mana ginauna uludi naikno gna namono tuana. Eghuteuna iheire teke vahidi iara mala lehe ka fogra tekure ginauna lehe ka fogra. Eghuteuna iheire teke vahidi iara mala atha mae naoka tei au ka keha kantri delei teu igre, mare ginauna tei au jare. Eghuteuna iheire teke vahidi iara mala lehe ka magra teku igre, mare ginauna lehe ka magra.

Proveb 5:5

Nafnata gaꞌase igne ginauna batu nigho doglo tei ka namonodi naikno te lehe ra.

Thakle 12:4

Aonu sekogna na ne prosa ka maloa na ne khoko fatilogna nathunu na pari. Eghuteuna pholi na mei ne kegra ke ulugna gaꞌase te namo fakarha teu thugna na. Mana magnahaghei te ghamu thugna gaꞌase na kate karha mei majaghani na.

Profet Jeremaea 14:12

Neuba mare ne dangna gano ne theome ghamu fagaglanagna nodi diꞌanagnafa na, eghuteuna neuba mare ne tanhi mei ka iara mala toghodi neu, nu iara ginauna na theome fanomho ka mare. Eghuteuna jame te gahu fafara mare te tusu mei wit te keli ka iara na, iara ginauna theome gleale'adi naikno igre. Iara ginauna kurudi mae naokare mala mei aknu falehedi, eghuteuna grofo nei fogra biꞌo eghu ginauna thokedi mare.”

Profet Jeremaea 24:10

Iara ginauna kuru meidi mae naokare mala mei falehedi mare mala krogha theo naiknogna glose teke tufa iara ka mae kuꞌedi mare tifa ra.”

Profet Jeremaea 29:17

Uve, Lord mae ihei te au nolaghi fateote'o igne ne cheke eghu, “Iara ginauna kurudi mae naokare mala tei magra ka naikno te au ka kantri Juda. Eghuteuna naiknore ginauna thokedi grofo nei fogra biꞌo. Eghuteuna mare ginauna na jateula sisi fig te boto te theome naba te mala ghamu naikno ra eghu.

Profet Esikiel 29:5

Iara ginauna lisa lao nigho iagho baludi sasa te gnafa igre ke lamnagna namono nagou na. Thinimu iagho na ginauna au ka namono te theo kaisei naikno nate giugilu nigho iagho na. Eghuteuna iara ginauna lisa lao thinimu iagho na ka nanghaji nei ka khuma mata mala ghamu ghedi.

Matiu 24:7

Naiknogna kaisei namono na ginauna kegra haghe magra ka naiknogna keha namono na. Eghuteuna naiknogna kaisei nohi na ginauna kegra haghe magra ka naiknogna keha nohi na, heva heva kau nauthoglu igne. Namono te kmana ka nauthoglu na igre ginauna nghali tongana ka nakheu biꞌo. Eghuteuna naiknogna nauthoglu igne ginauna theome naba ghedi gano te mala ghamu na.