Thakle 6:17 - Buka Blahi Ka Cheke Holo

¹⁷ Naugna gognaro gne, la thokenihi nodi narane biꞌo phiamare te mala para ghami ghehati na! Theo kaisei naikno te tangomana te kegra fanograni glepo igne ginauna!”

Thakle 6:17 ပူးပေါင်းရင်းမြစ်များ

Profet Malakai 3:2

Nu ihei gne te nabagna te mala au heta teu ka narane nate mei mana na? Uve, theo kaisei mae nate tangomana te kegra heta kate filoni mana na. Mana ginauna na jateula mae ihei te gahu ka khaꞌaghi silva te mala khoko thonara eghu, ba jateula mae ihei te sopu nogna pohe te thona na te mala gaera eghu.

Profet Joel 2:11

Aonu Lord ne eha fabiꞌo ka cheche te jateula nogna mae soldia teu mana igre. Aonu naoglagna mana igne thono biꞌo fara jateula te poha fila ra eghu. Neuba, cheche igre ne kmana fara nei nolaghi fara neu, rehati na leghuni kolho nogna cheke mana na. Eghume, nogna Narane Lord igne ginauna ninhigrana fara. Ihei gne te nabagna nate khegra heta kate thoke mei Narane igne na? Thono theo fara.

Nodi Khoje Hatimare Mae Jiu 76:7

God, naikno te gnafare kafe mhaghu nigho iagho. Kate diꞌatamu iagho na, theo kaisei naikno te frane te ari kegra ke ulumu iagho na.

Thakle 16:14

Thilo naitu igre au nodi nolaghi mala eꞌei kofubobhoi. Aonu thilomare ne tei mala filodi hatimare mae king te gnafa ka nauthoglu gne, mala salo fodudi mare ka narane tuthuana na mala magra balugna God, mae ihei te au nolaghi fateote'o.

Profet Joel 2:31

Naprai gne ginauna romno soru, eghuteuna glaba gne ginauna ukru jateula dadara eghu. Aonu ke leghugna igne, Nogna Narane Lord te mala fatedi naiknore igne ginauna thoke mei. Igne kaisei narane te mala mhaghuni naiknore.

Profet Jeremaea 30:7

Tore. Narane igne ginauna na thono ninhigrana fara. Theo kaisei narane te jateula igne teuna. Ginauna puhi biꞌo fara na thoke mei ka vikegna Israel, nu theo kaisei naikno nate lehe na.

Letas Teke Riso Tei Mae Pol Ka Khiloau Rom 2:5

Nu ghotilo patugama fara nei theome magnahaghei tughu nagnafa. Eghume u fate ginauna biꞌo fara ke klignami ghotilo. Eghuteuna fate igne ginauna thoke mei ka ghotilo ka narane God nate falalase diꞌatagna na, nei puhigna te doglo na eghu mala fatedi naikno te gnafare.

Thakle 11:18

Naikno te tirodi fatutuani nigho re ne thofno diꞌatadi fara, nu gognaro la mei nou narane iagho te mala diꞌa tamu na. Igne narane mala fatedi naikno tela lehehira. Igne narane mala tabadi nou mae gloku hatimare mae profet ra baludi nou naikno te gnafa teke ghatho tahu nigho, neuba mare ne mae nafnakno ba theome mae nafnakno. Igne narane te mala paradi naikno teke goigonidi naiknogna nauthoglu igne.”

Letas Teke Rioriso Mae Jud 1:6

Eghuteuna ghotilo ke ghatho fapulo dila hatimare mae engel. God neke tusu ranghidi nolaghi biꞌo. Nu keha ka mare theome magnahagheni nolaghi igne ne rikhani nodi famane namono nafnakno na. Aonu God ne reridi ka chen te maku ne koko laodi ka namono te romno fara na. Mare na ofou ka namono tuana ghilei thokeni narane biꞌo te mala fatedire.

Luku 21:36

Eghuteuna ghotilo mala tarabana fabrahu. Tarai fabrahu eghu mala tangomana ghotilo te nheta teu te mala nabami te kafe rikhadi glepo te diꞌa fara nate mei ginau igre. Jaola ghotilo tarai fabrahu mala tangomana te mei kegra ke ulugu iara mae teke mei funu ka God.”

Ululahu Samuel 6:20

Naiknodi Bet-Semes igre tanhi ne cheke eghu, “Lord na blahi fara! Tahati theome nabada te au rhegna Lord na. Tahati na hata tei aheva si Bokis Blahi ignea?”

Nodi Khoje Hatimare Mae Jiu 2:12

Ghotilo mala mhaghuni nei tufru soruni eghu mana. Te theo ghotilo na, ghotilo ginauna ghosei lehe kate diꞌatagna fara mana na. Nu ihei te fatutuani God nei au famaku ka mana teuna, mae tuana keli tagna fara.

Nodi Khoje Hatimare Mae Jiu 110:5

Lord na kegra balumu iagho mala faheta nigho iagho. Kate diꞌatagna na, mana ginau magra mala falehedi hatimare mae king.

Profet Isaia 63:4

Narane teke vahini iara mala teke atha fapulodi nogu naiknore la thoke meihi, eghume gognarona nogu narane iara mala paradi mae naokare.

Profet Joel 1:15

Naugna nogna narane Lord te mala fatedi naiknore ginauna ninhigrana fara. Narane igne la namo meihi, eghuteuna Lord mae ihei te au nolaghi fateoteꞌo igne ginauna mei goigoni fahui gobigna lepo ka nauthoglu igne.

Profet Joel 2:1

Nogna Narane Lord te mala fatedi naiknore la namohi gognarona. Eghume, ghotilo kufli nei belo eghu ke kligna Thogele blahi Saion mala kulu laseni naiknore. Eghuteuna naikno te au ka kantri Juda igre ginauna mhaghu nei fififri eghu ka narane igne.

Profet Nahum 1:6

Eghume, ihei gne te nabagna nate kegra heta kate diꞌatagna mana na? Theo kaisei te nabagna! Kate diꞌatagna na, phei tathagna manare ginauna ukru jateula khaꞌaghi eghu, eghuteuna thina biꞌore ginauna nghuja vuhai nakrofu kolho.