Thakle 6:16 - Buka Blahi Ka Cheke Holo

¹⁶ Aonu mare ne eha eghu lao ka thogele nei ka thina teure, “Khoko soru ke klignami mala pophoru ghami ka ihei te gnokro kau nogna sape nafnakno mae King na ana nei ka mae Lam te diꞌatagna ana.

Thakle 6:16 ပူးပေါင်းရင်းမြစ်များ

Luku 23:30

Aonu naiknore ginauna eha eghu fabiꞌo ka thogele na, ‘Khoko soru ke klignami ghehati’, ba cheke eghu ka gukhu na, ‘Tatafru ghami ghehati!’

Profet Hosia 10:8

Vido blahi te mala tarai mare ka mumuju Bet-Aven igre ginauna groꞌe theo tokadi, eghuteuna olta te au ka vido blahi tuana ginauna thafru ka soro nei ka phono eghu. Eghuteuna iheire te magnahaghei te tei porure, mare ginauna na cheke eghu ka thogelere, “Mei toku tafru ghami!” Eghuteuna cheke eghu ka gukhure, “Soru mei ke klignami!”

Thakle 4:2

Aonu nogna nolaghi Tharunga te Blahi na ne ghosei ne mei ka iara mala batuni gaoghathogu iara na. Eghuteuna iara ne filoni kaisei nogna sape nafnakno mae King te au kligna te gnokro teu kaisei mae tagna na.

Thakle 20:11

Aonu iara ne filoni kaisei nogna sape nafnakno biꞌo mae King te vegha fara na, eghuteuna iara jaola filoni mae te gnokro teu tagna na. Eghuteuna nauthoglu ghe maloa re ne rikha kokoni mana ne dofidi.

Matiu 26:64

Mae Jisas ne cheke eghu ka mana, “Uve, iara ngala! Nu te chekeni iara ka ghotilo na. Nauthuꞌu nauriha na ghotilo ginauna filo ghau iara mae teke mei funu ka God na gnokro fei nhetagna God mae te nolaghi tulao. Eghuteuna ghotilo ginauna filo ghau iara mei ke kligna grokho ka maloa na.”

Profet Jeremaea 8:3

Eghuteuna ihei te au faleghu ka naiknodi Juda te diꞌa igre, iara ginauna brue fajifladi ka kantri igne mala tei au ka keha vido delei. Mare gaoghathodi na mare jame nabadi na mala lehe kolho. Igne chekegna Lord mae ihei te au nolaghi fateote'o!’

Thakle 19:15

Mae igne au kaisei naflahi te fnonu fara te jifla mei ka foflogna na te mala tapla sorudi namono te gnafare. Eghuteuna mana ginauna heta fara kate funei frunidi naiknore. Tutuani mana ginauna fate falehedi nogna naokare te mala thokedi mare diꞌatagna God te biꞌo te au nolaghi na.

Thakle 10:6

Ka vido tuana, mana ne eni kaisei nhaꞌa cheke ka nanghagna God mae ihei te karha te tifa tifa. Tutuani, God neke vuavuhani kligna nei pari nei nhorora nei thua lepo te au ke lamnadi. Aonu engel na ne cheke eghu ka nanghagna God, “Ka narane nate ifu fafitu engel nogna khufli na, nogna gaoghatho God teke poru teku igre ginauna horoghoto tutuani. Igne u Nonomho te Keli teke chekeni mana tifa ka nogna mae gloku, hatimare mae profet ra. Narane te mala ofo na la gnafahi!”

Thakle 6:10

Tharunga igre ne eha eghu fabiꞌo ka God, “Lord, iagho thofno blahi fara nei tajini fabrahu nou nhaꞌa cheke na. Thosei faraugha te mala fate falehedi naiknogna nauthoglu igne. Eigna mare ne jafra fara. Gognaro na iagho mala paradi mare, naugna mare neke falehe ghami ghehati!”

Thakle 4:9

Glepo te karha igre ne koje ranghini mae ihei te gnokro teu ka nogna sape nafnakno mae King na, mae ihei te karha tifa tifa. Mare ne koje eghu, “Ghehati pala hagheni nanghamu na, fafnakno nigho, nei cheke fakeli nigho! Iagho au nolaghi ke klignadi gobigna lepo te gnafa ka nauthoglu igne!”

Thakle 4:5

Iara jaola ne filodi nakafli nei nomhidi naogladi fila biꞌo eghu ne mei funudi ka nogna sape nafnakno mae King na. Ke ulugna nogna sape nafnakno mae King na iara ne filodi fitu juta te deudeplu fabrahu, igre fitu tharunga te keli nogna God.

Nodi Khoje Hatimare Mae Jiu 14:5

Nu ka narane tuana, naikno te diꞌa igre ginauna mhaghu nodi fara. Naugna God na au baludi naikno te leghuni mana re.

Profet Isaia 2:10

Naiknore ginauna fariuriu rikha tei ka gluma, ba dokha khora mala poru lamna, naugna mare ne mhaghuni Lord mae ihei te au nolaghi biꞌo fateote'o!

Nonomho Te Keli Teke Risoi Mae Mak 3:5

Mae Jisas ne filo ka naiknore ne diꞌatagna fara, naugna mare ne maku fara pha'udire. Nu neuba ngau, mana ne kokhoni nognadi fara. Mana ne cheke eghu ka mae te lehe khamegna na, “Ngafa haghe khamemu ana.” Mana ngafa haghe khamegna na neke keli fapulo.

Thakle 5:1

Aonu iara ne filoni kaisei pepa brahu te louloku fei khame nhetagna mae ihei te gnokro teu ka nogna sape nafnakno mae King na. Pepa brahu igne mare haru phei gaju ikodi ka phei philegnare neke piphiri. Mare te rioriso ka phei philegnare. Eghuteuna, mare famamhaku pepa igne ka fitu loke.

Thakle 9:6

Aonu ke lamnadi glima nhigra igre, naiknore ginauna fariuriu filoni kaisei nabrou te mala lehe nodi na, nu mare ginauna theome tangomana te filo deni na eghu. Tutuani, mare ginauna magnahaghei fara te lehe, nu mare ginauna theome tangomana kolho te lehe na.