Thakle 6:15 - Buka Blahi Ka Cheke Holo

¹⁵ Aonu naikno te gnafa ka nauthoglu gne ne mhaghu nodi fara ne poru lamna gluma nei ke leghu thina biꞌo ke kligna thogele. Neuba hatimare mae king gna nauthoglu igne, baludi hatimare mae funei biꞌo nei hatimare mae funeidi mae armi, baludi naikno te dedei nei naikno te au nolaghi, baludi naikno te gnafa, neubane mae sneka ba theome sneka, naikno te gnafa ne poru.

Thakle 6:15 ပူးပေါင်းရင်းမြစ်များ

Profet Isaia 2:19

Ka narane Lord mae ihei te king nei mae ihei te au nolaghi fateote'o igne te diꞌatagna nei fakakhana nogna nolaghi na teuna, naiknore ginauna mhaghu nodi fara na rikha tei ka gluma thina, ba dokha khora mala poru lamna.

Profet Isaia 2:21

Jaola ka narane igne, naiknore ginauna mhaghu rikha tei poru lamna khora glose nei ka thogele, naugna Lord mae ihei te king, mae au nolaghi fateote'o, eghuteuna mana ginauna fakakhana nogna nolaghi na kate diꞌatagna na.

Profet Isaia 2:10

Naiknore ginauna fariuriu rikha tei ka gluma, ba dokha khora mala poru lamna, naugna mare ne mhaghuni Lord mae ihei te au nolaghi biꞌo fateote'o!

Hibru 11:38

Nauthoglu igne theome keli nabadi mare! Mae fatutuani gre au tafri kolho ka namono nagou ba kau thogele, ba lamna gluma thina ba ka khora glose.

Profet Maeka 7:17

Mare ginauna agra pari jateula mogo eghu. Eghuteuna kate jifla mei mare ka nodi vido mala poru na, mare ginauna mhaghu fififri fara. Eghuteuna naugna te mhaghu fara mare na, mare ginauna tughu gaoghathodi re mala ghatho tahuni Lord nomi God ghehati.

Profet Isaia 42:22

Nu gognarona ghotilo mae Israel gre la au fadiꞌa tutuani fara. Naugna mae naoka ra neke mei blau nomi gobigna lepo ghotilo re, eghuteuna jaola koko lao ghami ka khora ke lamna glose, ba bibilakhi ghami ke lamna suga sosolo. Mae naoka gre neke goigoni ghami ghotilo fara, eghuteuna theo kaisei mae tangomana teke hata fapulo ghami ghotilo ka khamedi mare na.

Nodi Khoje Hatimare Mae Jiu 76:12

Mana tapla sorudi nodi gaghatho mae biꞌo te thono fahaehaghe fara ra. Tutuani, mana famamhagudi hatimare mae king.

Ululahu Samuel 13:6

Aonu mare ne magra ka armi gna Israel. Eghuteuna kate haimini armigna Israel gne nate faꞌiho fara na, mare ne kafe rikha. Mare tei ne poru ke lamna gluma, nei ke lamna soro, ka thina biꞌo, ke lamna khora nei ke lamna khora seu.

Jajis 6:2

Naiknodi Midian igre rheta fara eghuteuna naiknodi Israel igre rikha ne tei ka thogelero ne tei poru ke lamna khora nei ka keha vido mala poru.

Jenesis 3:8

Ka vido te riurifu fei grafi na repa ne nomhini Lord God te nonolo ka nagare na, aonu repa ne poru fari hoteidi gajure ke lamnagna nagare na.

Thakle 18:23

Ginauna jaola theo kaisei juta nate phae na, eghuteuna ginauna theo kaisei naikno nate tangomana te jaola te tolaghi ke lamnamu iagho na. Tifa na, nou mae mala foifoli iagho re neke mae biꞌo fara ka nauthoglu igne. Eghuteuna iagho neke chaichaghidi naiknodi namono te gnafare te mala leghudi kolho nou cheke themure nei mala ghatho ihoni God.”