Thakle 6:14 - Buka Blahi Ka Cheke Holo

¹⁴ Eghuteuna u maloa na jaola ne pipiri jateula khifra neu ne tei delei. Eghuteuna thogele te gnafa nei moumolu te gnafa teure ne riu fadelei ka mala au dire.

Thakle 6:14 ပူးပေါင်းရင်းမြစ်များ

Profet Isaia 34:4

Naprai, glaba, nei nathunu teu ka maloa na are ginauna dofidi, eghuteuna maloa gne ginauna pipiri jateula vido pepa eghu. Eghuteuna nathunure ginauna khoko soru funu kligna jateula khakla grep ba gaju fig te moja ra eghu.

Thakle 16:20

Eghuteuna moumolu te gnafa nei thogele te gnafa teure ne dofidi.

Fapea Pita 3:10

Nu narane mala ke pulo meigna noda Lord na ginauna megei nga mei jateula kaisei mae te mala mei blau te theome laseni tahati narane meigna na ia eghu. Eghuteuna ka narane tuana kaisei naogla biꞌo na mei ka maloa na, eghuteuna maloa na ginauna luvu. Eghuteuna kaisei khaꞌaghi biꞌo ginauna ghamu fateo gobigna lepo te au ke lamnagna maloa na. Nauthoglu igne ginauna jaola dofini baludi gobigna lepo te au ke lamnagna re.

Nodi Khoje Hatimare Mae Jiu 102:26

Gobigna lepo igre ginau hui, nu iagho themu ngala nate au fabrahu na. Uve, gobigna lepo igre ginauna na theome raugha diꞌa jateula pohe tiatifa te koko teke tughu kate majaghani ra eghu.

Thakle 20:11

Aonu iara ne filoni kaisei nogna sape nafnakno biꞌo mae King te vegha fara na, eghuteuna iara jaola filoni mae te gnokro teu tagna na. Eghuteuna nauthoglu ghe maloa re ne rikha kokoni mana ne dofidi.

Profet Esikiel 38:20

Sasa te gnafa, nei nanghaji te gnafa, nei glepo tautagu te gnafa, nei glepo karha te gnafa, nei naikno te gnafa teu ka nauthoglu igne ginauna mhaghu fififri ke ulugu iara. Thogele igre ginauna bagra, eghuteuna phegu igre ginauna krango soru pari, eghuteuna gringni thina igre ginauna groꞌe khoko soru pari.

Profet Isaia 54:10

Neuba thogele nei gukhu teu igre ne bruja ne vuhai nakrofu, puhigu iara te ghatho ghami ghotilo fabrahu igne theo ka gnafa gna. Nhaꞌa cheke teke eni iara te au fakeli ghotilo ka pharikeli igne, iara ginauna tathaji fabrahu.” Igne chekegna Lord mae ihei te kokhoni ghami ghotilo.

Thakle 21:1

Ke leghu na, iara ne filoni kaisei nauthoglu majaghani balugna kaisei maloa majaghani, nu theo kaisei nhorora te au teu jare na. Eghuteuna nauthoglu balugna maloa teke kulu au ra ne dofidi.

Profet Habaku 3:6

Kate kegra haghe iagho na, nauthoglu igne nghali. Kate filo iagho ka naiknore, naiknore ginauna suaraghi balu mhaghu. Thogele biꞌo nei gukhu teu teke au funu tifa igre ginauna diha soru pari. Tutuani, God na neke au funu tifa neke au nga gobigna lepo ka nauthoglu igne.

Profet Nahum 1:5

Kate thakle mei mana na, thogele biꞌo te gnafa igre ginauna nghali tongana. Eghuteuna gukhu ikodi te gnafa igre ginauna ngali nei blalho eghu. Eghuteuna nauthoglu igne baludi iheire te au ke lamnagna igre ginauna mhaghu balu fififri.

Profet Jeremaea 51:25

“Babilonia! Iagho pala haghe nigho themu kligna fara jateula thogele biꞌo eghu. Iagho neke loku ka nou nolaghi biꞌo neke goigonini nauthoglu igne. Nu iara nou naoka iagho! Iara ginauna tapla fapari nigho iagho, eghuteuna nako nigho ka khaꞌaghi mala vuhai nakrofu kolho iagho.

Profet Jeremaea 3:23

Tutuani fara, puhi te tarai tafri ghehati ke kligna thogele igne theome mala togho ghami ghehati. Lord, nomi God, kaisei iagho ngala te nabamu nate fakarha ghami ghehati maemi Israel.