Thakle 6:13 - Buka Blahi Ka Cheke Holo

¹³ Eghuteuna nathunu ka maloa na re jaola ne khoko soru pari jateula sisi gaju khebu te khoko pari ka nuri biꞌo ia eghu.

Thakle 6:13 ပူးပေါင်းရင်းမြစ်များ

Profet Isaia 34:4

Naprai, glaba, nei nathunu teu ka maloa na are ginauna dofidi, eghuteuna maloa gne ginauna pipiri jateula vido pepa eghu. Eghuteuna nathunure ginauna khoko soru funu kligna jateula khakla grep ba gaju fig te moja ra eghu.

Matiu 24:29

“Theome raugha ke leghudi puhi biꞌo te edi ka narane igre, “ ‘Naprai na ginauna romno soru. Glaba na ginauna theome agha. Nathunure ginauna khoko soru funudi ka maloa na. Aonu gobigna lepo te au ka maloa na are ginauna na thugha tafri.’

Thakle 9:1

Aonu falima engel na ne ifu nogna khufli na. Eghuteuna iara ne filoni kaisei nathunu khoko funu kligna ne soru ka nauthoglu na. Mare ne tusu lao kaisei ki ka nathunu igne mala tothora grengathagna glave te mamhara fara na. Glave igne namonodi naitu te au ka sosolo.

Profet Daniel 8:10

Hona ikoi tuana thono nheta fara, eghuteuna mana ne magra ka armigna kligna na. Nathunu ba ka maloa klignare mana ne koko sorudi kolho pari ka nauthoglu igne ne tapla kolho ke klignadi.

Profet Esikiel 32:7

Kate para nigho na, iara ginauna toku tafri maloa thongana gne, eghuteuna fanogra nathunu gre mala theome agha. Iara ginauna chekeni khoveo mala toku tafru naprai gne, eghuteuna glaba na ginauna theome agha.

Luku 21:25

Mae Jisas ne cheke eghu, “Keha fagaglana mamhaghuana ginauna thakle mei kau naprai, kau glaba, ba kau nathunu ka maloa gne. Naiknogna nauthoglu igne ginauna na thono mhaghu fara ka taitanhi gna galo na, ba ka longagna goighovi na.

Profet Isaia 7:2

Kate nomhini King Ehas baludi nogna naiknore te loku fodu nodi soldia phei king igre te mala magra Juda na, mare ne mhaghu nodi fara.

Profet Nahum 3:12

Nu vido te gnafa te mala poru ghotilo are ginauna theome maku. Vido tuare ginauna na jateula sisi gaju fig te muita hira eghu kolho. Jame te tei kaisei mae te vighoni gaju igne na, sisi te muitare ginauna kafe brusu pari ka foflogna mana na.

Profet Daniel 4:14

Engel igne ne eha eghu fabiꞌo, ‘Ghotilo kato soru gaju igne, eghuteuna ghotilo kato gregegnare, haglu tei khaklagnare, eghuteuna raba tafri fuꞌagnare eghu. Ghotilo brue tei delei buluka, sipu, nanigot nei hose teu te au ke parigna gaju igne. Eghuteuna ghotilo bruedi nanghaji te horo gnoku ka gregegna na are.

Profet Isaia 33:9

Nagare te au ka glose igne ra la dofidi, eghuteuna theo kaisei naikno te loku tagna na. Gaju biꞌo te au ka namhata gna kantri Lebanon ra la mojadila. Famane glose Saron ia la mojahi jateula namono nagou te falithuini Thongna Lehe ia eghu, eghuteuna khakladi gaju te gnafa Besan ghe Kamel ra la jaola la kafe brusu soru.

Profet Isaia 13:10

Ka narane igne, nathunu nei glaba teu igre ginauna theome agha bongiro na, eghuteuna neuba naprai na ne haghe hamerane, naꞌa ginauna theome agha kolho.”

Profet Joel 2:31

Naprai gne ginauna romno soru, eghuteuna glaba gne ginauna ukru jateula dadara eghu. Aonu ke leghugna igne, Nogna Narane Lord te mala fatedi naiknore igne ginauna thoke mei. Igne kaisei narane te mala mhaghuni naiknore.

Nonomho Te Keli Teke Risoi Mae Mak 13:25

Nathunure ginauna khoko soru funudi ka maloa na. Aonu gobigna lepo te au ka maloa na are ginauna thugha tafri.’

Thoutonu Eigna Mae Job 15:33

Mana ginauna na jateula grege gaju te brusu sisigna te theome muita teura eghu, ba jateula gaju oliv te brusu chechenge gna na ra eghu.