Thakle 6:12 - Buka Blahi Ka Cheke Holo

¹² Aonu kate filo teu iara na, mae Lam na ne hata koko fafamno loke gna buka na. Kaisei nakheu biꞌo ne nghali tongana, eghuteuna naprai na ne theome agha. Heva te heva ka nauthoglu igne na ne kafe romno soru, eghuteuna glaba na ne ukru jateula dadara neu.

Thakle 6:12 ပူးပေါင်းရင်းမြစ်များ

Matiu 24:29

“Theome raugha ke leghudi puhi biꞌo te edi ka narane igre, “ ‘Naprai na ginauna romno soru. Glaba na ginauna theome agha. Nathunure ginauna khoko soru funudi ka maloa na. Aonu gobigna lepo te au ka maloa na are ginauna na thugha tafri.’

Profet Joel 2:10

Kate kafe thugha mei cheche igre na, nauthoglu ghe maloa igre na kafe nghali. Naprai ghe glaba igre ginauna na kafe romno soru, eghuteuna nathunu are ginauna theome agha.

Profet Joel 3:15

Ka narane tuana, naprai, nei glaba, nei nathunu teu igre ginauna kafe romno soru.

Profet Emos 8:9

Igne nogna cheke Lord God na, “Ka narane tuana, iara ginauna chekeni naprai na mala plulu farihotei naublatha, eghuteuna nauthoglu igne ginauna romno soru kate agha teu narane na.

Thakle 16:18

Ka vido tuana ne nakafli, fila, nei nakheu biꞌo. Nakheu igne ngala te thofno biꞌo fara na. Funu ka narane teke vuvuhani God naikno na te mala au ka nauthoglu igne, theo kaisei nakheu te biꞌo jateula igne teuna.

Thakle 11:13

Ka vido tuanala ne kaisei nakheu biꞌo. Eghuteuna kaisei vidogna namono biꞌo na ne groꞌe, eghuteuna fitu thogha naikno ne lehe ka nakheu tuana. Eghuteuna naikno teke theome lehere mhaghu nodi fara ne cheke fakelini nanghagna God gna kligna na.

Profet Isaia 50:3

Eghuteuna iara tangomana te eni maloa gne mala ke romno soru, jateula kaisei mae te diꞌanagnafa fara te tanhini ihei te lehe ra eghu.”

Profet Isaia 29:6

Lord mae ihei te au nolaghi fateote'o igne ginauna mei balu fila nei nakheu biꞌo, nei maraghata biꞌo, nuri biꞌo, nei khaꞌaghi biꞌo eghu. Glepo igre ginauna mei mala goigonidi gobigna lepo re.

Thakle 8:5

Aonu engel na ne hata tapera insens na ne fafodu khaꞌaghi ka olta na ne koko soru ka nauthoglu na. Ka vido tuana nakafli nei fila nei nakheu biꞌo.

Profet Isaia 24:23

Ka narane igne, naprai ghe glaba gre ginauna jaola theome agha. Naugna Lord mae ihei te au nolaghi fateote'o igne ginauna funei fruni jateula king eghu. Mana ginauna funei Jerusalem ke kligna Thogele blahi Saion, eghuteuna noda mae mala baubatu tahati igre ginauna filoni siasiglagna nogna nolaghi biꞌo mana na.

Matiu 24:7

Naiknogna kaisei namono na ginauna kegra haghe magra ka naiknogna keha namono na. Eghuteuna naiknogna kaisei nohi na ginauna kegra haghe magra ka naiknogna keha nohi na, heva heva kau nauthoglu igne. Namono te kmana ka nauthoglu na igre ginauna nghali tongana ka nakheu biꞌo. Eghuteuna naiknogna nauthoglu igne ginauna theome naba ghedi gano te mala ghamu na.

Nonomho Te Keli Teke Risoi Mae Mak 15:33

Tanhi nabotho phei fari hotei naublatha, namono te gnafa kau nauthoglu igne ne kafe romno soru ne ghilei posa ka tanhi thiloi fei grafi.

Matiu 28:2

Aonu, kaisei nakheu biꞌo ne nghali ne kheu tongana gobigna lepore ka vido tuana. Eghuteuna, nogna engel Lord na ne soru mei funu kligna ne tei ka gluma na, ne pili fadelei thina biꞌo teke fofothogna gluma na ne gnokro ke kligna thina.

Matiu 27:54

Ka vido tuana kaisei mae biꞌodi hatimare mae armi nei keha mae soldia teke reireghini mae Jisas igre ne mhaghu nodi fara ka nakheu igne, nei gobigna lepo te edi ka narane tuana. Mare ne cheke eghu, “Tutuani fara, mae igne thofno Thugna God!”

Matiu 27:45

Fari hotei naublatha, namono te gnafa ke lamnagna nauthoglu igne ne kafe romno funu tanhi nabotho phei thoke ka tanhi thiloi.

Profet Sekaraea 14:5

Ghotilo ginau rikha tei salaꞌu ka glogu igne, glogu igne ghilei tei thoke ka namono Asal. Uve, ghotilo ginauna rikha faghose jateula kuꞌemi ghotilo teke rikha ka narane gna King Iusaea, mae ihei teke king gna Juda tifa. Aonu nogu Lord God iara ginauna mei balu nogna engel blahi.

Profet Emos 1:1

Cheke igre neke cheke thegna Lord ka profet Emos. Mae Emos gne kaisei mae au nogna kmana sipu, ka namono Tekoa ka kantri Juda. Mana neke chekedi cheke igre ke lamnadi phei finogha neke thoke mei nga nakheu biꞌo na ka mare. Ka narane igre, king Iusaea neke funei Juda, nei king Jeroboam thugna mae Jehoas neke King Israel.

Profet Isaia 34:4

Naprai, glaba, nei nathunu teu ka maloa na are ginauna dofidi, eghuteuna maloa gne ginauna pipiri jateula vido pepa eghu. Eghuteuna nathunure ginauna khoko soru funu kligna jateula khakla grep ba gaju fig te moja ra eghu.

Matiu 11:21

Mana ne cheke eghu, “Puhi biꞌo ka ghotilo naiknomi ka namono Koresin! Puhi biꞌo ka ghotilo naiknomi ka namono Betsaeda! Naugna ghotilo ne tiromi leghuni chekegna God. Kofubobhoi te edi iara ka ghotilo ra, jame edi ka namonodi mae bongihehe Taea ghe Sidon gre meuna, mare jame gnokrohi pari balu pohe thapa nei ghiha nakrofuhi eghu ka thinidire, fagaglana gna tela tughu nagnafahi nei koko nakhibohi teuna.

Thakle 8:12

Aonu fafati engel na ne ifu nogna khufli na. Eghuteuna kaisei vido biꞌo ka naprai na nei kaisei vido biꞌo ka glaba na eghu ne kafe blalho. Eghuteuna fatilodi nathunure jaola ne blalho. Eghume kaisei vido biꞌo ka narane na ne theome phae, eghuteuna kaisei vido biꞌo ka bongi na ne jaola.

Thakle 16:8

Fafati engel na ne tei ne totofa nogna dis na ke kligna naprai. Eghuteuna God ne snakreni naprai na mala thunu naiknore naugna brana fara.