Thakle 6:10 - Buka Blahi Ka Cheke Holo

¹⁰ Tharunga igre ne eha eghu fabiꞌo ka God, “Lord, iagho thofno blahi fara nei tajini fabrahu nou nhaꞌa cheke na. Thosei faraugha te mala fate falehedi naiknogna nauthoglu igne. Eigna mare ne jafra fara. Gognaro na iagho mala paradi mare, naugna mare neke falehe ghami ghehati!”

Thakle 6:10 ပူးပေါင်းရင်းမြစ်များ

Thakle 19:2

Tahati cheke fakelini God! Naugna puhigna te mala fatedi naiknore tutuani nei doglo fara. Mana neke fatenihi namono biꞌo Babilon igne, ihei te goigonidi gaoghathodi naiknogna nauthoglu igne balu puhigna te gnognoro igne. God neke parani gaꞌase igne eigna naꞌa neke falehedi nogna mae gloku God re.”

Thakle 11:18

Naikno te tirodi fatutuani nigho re ne thofno diꞌatadi fara, nu gognaro la mei nou narane iagho te mala diꞌa tamu na. Igne narane mala fatedi naikno tela lehehira. Igne narane mala tabadi nou mae gloku hatimare mae profet ra baludi nou naikno te gnafa teke ghatho tahu nigho, neuba mare ne mae nafnakno ba theome mae nafnakno. Igne narane te mala paradi naikno teke goigonidi naiknogna nauthoglu igne.”

Letas Teke Riso Tei Mae Pol Ka Khiloau Rom 12:19

Kheraguro, thosei foli fapulo unha najafra teke eni naiknore tami na, lisa lao ka God mala foli fapulodi jateula Lord te cheke ka grioriso te blahi ia eghu, “Iara ginauna foli fapulo ka mae iheire te tapla jafra eghuteuna iara ginauna paradi.”

Nodi Khoje Hatimare Mae Jiu 9:12

God na kokhonidi iheire te au papara. Mana theome ghatho ihodi nodi tharaire. Eghuteuna ke tughu fapulo naꞌau papara na ka iheire teke paradi naikno te au diꞌanagnafa re.

Thakle 3:7

Mae igne neke cheke eghu ka iara, “Iagho rioriso tei kaisei letas ranghini engel gna khiloau Filadelfia, eghuteuna iagho cheke eghu ka mana: Igre nogu cheke iara mae ihei te blahi nei taji fabrahuni teu nogu nhaꞌa cheke na. Iara au nolaghi te mala funei frunidi naiknore jateula mae King Devet tifa ia eghu. Tutuani iara au nolaghi te mala chekeni ihei te ruma haghe ka nogna nauthoglu majaghani God na, nei ihei nate theome ruma haghe jare na. Jateula iara te au kaisei ki ka khamegu na te mala tothora grengatha na ranghidi kehare nei bobotho ranghidi kehare teuna.

Luku 21:22

Naugna narane tuana narane God mala fatedi naikno tuare, eghuteuna gobigna lepo teke chekedi ka grioriso te blahi na igre ginauna tutuani fara.

Profet Sekaraea 1:12

Engel nogna Lord igne ne cheke eghu, “Lord, iagho au nolaghi fateote'o. Nabagna fitusalei finogha te diꞌatamu iagho ka naiknodi Jerusalem nei ka keha namono lithui ni Juda. Niha fata diꞌatamu eghu fabrahu ka mare sagho ia? Niha nau nate falalase iagho te kokhonidi mare na?”

Thakle 18:20

Eghuteuna engel ne cheke eghu, “Gleale'a ka ghotilo te au kligna baludi nogna naikno God ra! Gleale'a ka ghotilo hatimare mae khuru nei hatimare mae profet! Naugna God neke fateni namono igne eidi puhi te diꞌa teke edi naꞌa ka ghotilo ra.”

Thakle 18:24

Papara igne thokeni Babilon naugna naiknogna namono tuana neke falehedi hatimare mae profet nei keha nogna naikno God teke au ka namono tuana. Tutuani, mare neke falehedi naikno te gnafa ka nauthoglu igne.

Nodi Khoje Hatimare Mae Jiu 79:10

Theome keli naiknodi keha kantri gre te cheke eghu ka ghehati na, “Aheva gne nomi God ghotilo na?” God, ghehati thono magnahaghei nigho iagho fara te paradi naikno igre, naugna mare neke falelehe nou naikno iagho re.

Ululahu Samuel 24:12

Lord ginauna fate ghita tapa, mala laseni mae ihei ka tapa te jafra na! Nu snakreni Lord mala para nigho iagho eidi glepo te edi iagho ka iara igre, naugna iara ginauna theome eni kaisei glepo te mala goigoni nigho iagho na!

Thakle 3:10

Ghotilo jaola leghuni nogu farirhiu iara te mala kegra heta fabrahu ghotilo ka nomi fatutuani na. Eghume, iara na togho ghami ghotilo mala fatutuani ghau iara fabrahu, neuba nogu mae naoka iara re ne fariuriu goigonidi nodi fatutuani naikno te gnafa ka nauthoglu igne.

Jenesis 4:10

Aonu Lord ne cheke eghu ka mae Kein, “Thono diꞌa fara unha te eni iagho ranghini mae tahimu na. Filo sagho! Dadara gna mae tahimu iagho na la tanhi hi ka iara te mala foli fapuloni unha najafra teke eni iagho na.

Hibru 12:24

Ghotilo mei ka Jisas, mae ihei teke thofno farhetani nogna nhaꞌa cheke majaghani God na. Ghotilo mei mala fagagae ka dadaragna mae Jisas te au kaisei nonomho te keli te uluni dadaragna mae Ebol. Naugna mae Jisas neke lehe te mala falalase ka naiknore nogna namha biꞌo God, nu mae Ebol neke lehe naugna mae thabusigna thegna na neke faleheni mana.

Profet Daniel 12:6

Kaisei mae ka phei mae igre ne cheke eghu ka mae te pipichi famane pohe kegra teu delei ka khoꞌu na, “Niha nau gnafadire nafnata glepo igre?”

Profet Isaia 61:2

Lord neke kuru ghau iara mala cheke thakleni narane Lord nate fablahidi nogna naiknore, eghuteuna mana ginauna uludi nodi naokare. Mana neke kuru ghau iara mala fameomegodi nagnafadi naikno te diꞌanagnafa nei tanhi teure,

Nodi Khoje Hatimare Mae Jiu 35:17

God, niha fata fifilo kolho ka glepo te diꞌa gre sagho ia? Mare goigoni ghau iara jateula lion te magnahaghei ghamu ghau iara ia eghu. Mei sagho mala fakarhi ghau iara ka khamedi mae igre.

Nodi Khoje Hatimare Mae Jiu 13:1

God, niha nau iagho nate ghatho ghau iara na? Ba, iagho la ghatho iho ghauhila iara fabrahu tifa e tifa? Ba niha nau iagho nate snakre ghau iara te mala filoni tathamu na?

Jajis 16:28

Aonu Samson ne tarai, “Lord God, ghatho ghau iara. God, ke farheta ghau kaisei fata. Naiknodi Filistia igre bilo kokohi phei tathagu iara gre, eghume iara magnahaghei nigho iagho teke tughu fapulo unha teke eni mare ka iara na.”

Profet Daniel 8:13

Iara ne nomhini kaisei engel ne ghusna eghu ka keha engel na, “Niha nau gnafadire gobigna lepo te fakakhana God ka mifi na igre? Niha nau gnafadire puhi te diꞌa te tughu fabrahu nodi fafara nogna naikno God igre? Niha fata tapla fabrahu ke klignadi nogna naikno God igre balugna Sugablahi igne si hona ikoi ignea?”

Nodi Khoje Hatimare Mae Jiu 119:84

Niha fata ofo nigho te mala mei fakarhi ghau na sara gnea? Niha nau ame paradi nga eghu sagho naikno te fakokhoana ghau iara igrea?

Luku 2:29

“Lord, gognaro nou nhaꞌa cheke iagho na la horoghoto tutuani, eghume iagho tangomana te snakre teini nou mae gloku na mala au mana kau pharikeli.

Fapea Pita 2:1

Tifa na kmana mae profet chaichaghi farihotei naiknodi Israel. Eghuteuna hatimare mae velepuhi chaichaghire ginauna jaola kegra haghe farihoteimi ghotilo. Mare ginauna farirhiu chaichaghi ghami ghotilo nu theo kaisei naikno ghosei te filo glanini u najafra te eni mare na. Eghuteuna mare ginauna fariuriu fadiꞌa ghami ghotilo, naugna mae velepuhi igre neke figri tagruni nodi Lord Jisas, mae ihei teke fakarhidi ka nakhibo. Eghume God ginauna ghosei roꞌedi mare naugna mare neke leghuni nodi puhi thedire.

Lamentations 3:64

Lord, tughu fapulo sagho ka mare gobigna lepo fateote'o teke edi mare ka ghehati ra.