Thakle 4:2 - Buka Blahi Ka Cheke Holo

² Aonu nogna nolaghi Tharunga te Blahi na ne ghosei ne mei ka iara mala batuni gaoghathogu iara na. Eghuteuna iara ne filoni kaisei nogna sape nafnakno mae King te au kligna te gnokro teu kaisei mae tagna na.

Thakle 4:2 ပူးပေါင်းရင်းမြစ်များ

Thakle 1:10

Ka kaisei narane Sade, nogna nolaghi Tharunga te Blahi na neke mei ka iara mala batuni gaoghathogu iara na. Ka narane tuana iara neke nomhini naoglagna God te cheke fabiꞌo ke leghugu iara jateula kaisei khufli neu.

Ululahu Kings 22:19

Nu profet Maekaea tudu ne cheke eghu, “Fanomho fakeli ka unha te chekeni Lord igne! Iara filoni ka kaisei mifi Lord te gnokro teu ka nogna sape nafnakno na kligna. Eghuteuna nogna engel mana re kegra fei nhetagna, eghuteuna kehare fei mairigna.

Profet Isaia 6:1

Ka finogha te lehe King Usia igne, iara neke filoni kaisei mifi. Ka mifi igne, iara filo haghe ne filoni Lord mae ihei te fnakno fara te gnokro teu ka nogna sape nafnakno na, eghuteuna nogna phoko brahu mana na ne thafru Sugablahi igne.

Profet Esikiel 1:26

Ke klignadi mare ka suga igne, kaisei glepo jateula nogna sape nafnakno king teke horo ka famane thina te kiloni sapia eghu au tagna. Eghuteuna iara ne filoni kaisei glepo jateula kaisei mae eghu gnokrou tagna.

Thakle 5:1

Aonu iara ne filoni kaisei pepa brahu te louloku fei khame nhetagna mae ihei te gnokro teu ka nogna sape nafnakno mae King na. Pepa brahu igne mare haru phei gaju ikodi ka phei philegnare neke piphiri. Mare te rioriso ka phei philegnare. Eghuteuna, mare famamhaku pepa igne ka fitu loke.

Thakle 4:9

Glepo te karha igre ne koje ranghini mae ihei te gnokro teu ka nogna sape nafnakno mae King na, mae ihei te karha tifa tifa. Mare ne koje eghu, “Ghehati pala hagheni nanghamu na, fafnakno nigho, nei cheke fakeli nigho! Iagho au nolaghi ke klignadi gobigna lepo te gnafa ka nauthoglu igne!”

Thakle 4:5

Iara jaola ne filodi nakafli nei nomhidi naogladi fila biꞌo eghu ne mei funudi ka nogna sape nafnakno mae King na. Ke ulugna nogna sape nafnakno mae King na iara ne filodi fitu juta te deudeplu fabrahu, igre fitu tharunga te keli nogna God.

Profet Daniel 7:9

“Kate filo teu iara na, “kaisei mae hata ne mei sape nafnakno na. Eghuteuna God mae te au funu tifa igne mei ne gnokro ka nogna sape nafnakno te mala fate naikno na. Nogna pohe na vegha fara, eghuteuna khaklagnare vegha fara la. Nogna sape nafnakno mana igne deudeplu ka khaꞌaghi, eghuteuna wil gna sape nafnakno igne ngire jateula khaꞌaghi eghu.

Thakle 5:13

Aonu iara ne nomhidi gobigna lepo teke vuavuha God te au kligna ba ka nauthoglu igne ba ka namonodi iheire tekela lehehira ba ke lamna thongna. Mare ne kafe koje eghu, “Tahati cheke fakelini fabrahu mae ihei te gnokro ka nogna sape nafnakno mae King na nei balugna mae Lam tifa tifa. Tahati fafnaknodi phiamare nei pala haghe nanghadire, nei cheke fakelini nodi nolaghi te biꞌo nei nanheta.”

Thakle 21:10

Nogna nolaghi Tharunga te Blahi na mei ka iara, eghuteuna engel na batu ghau iara ne haghe ka kaisei thogele biꞌo te tei fara kligna. Mana ne falalase ka iara namono blahi, Jerusalem, funugna ka God ne soru mei.

Hibru 8:1

Unha te chekeni ghehati na igne: tahati au kaisei noda mae pris biꞌo mala kegra tughu ghita. Mana gnokro fei nhetagna God ka sape nafnakno kligna.

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.

Profet Esikiel 10:1

Ka mifi igne, iara ne filo haghe ne filoni kaisei glepo jateula nogna chea biꞌo king teke horo ka famane thina sapia ra eghu, eghuteuna chea igne au ke kligna phaꞌudi engel igre.

Profet Esikiel 1:28

Juta te siasigla fabiꞌo falithuini mana igne thono famane fara jateula maja eghu. Juta biꞌo igne agha fabiꞌo ka nogna nolaghi biꞌo God na. Kate filodi iara glepo igre, iara ne pogho soru pari ka glose na, aonu ka vido igne, iara ne nomhini kaisei naogla ne cheke mei ka iara.

Thakle 20:11

Aonu iara ne filoni kaisei nogna sape nafnakno biꞌo mae King te vegha fara na, eghuteuna iara jaola filoni mae te gnokro teu tagna na. Eghuteuna nauthoglu ghe maloa re ne rikha kokoni mana ne dofidi.

Thakle 19:4

Aonu varadaki fati mae biꞌo ka khiloaure baludi fati glepo te karha igre, mare turupuku ne pogho soru ka God mae ihei te gnokro teu ka nogna sape nafnakno na. Eghuteuna mare ne cheke eghu, “Amen! Tahati cheke fakelini God!”

Thakle 21:5

Aonu mae ihei te gnokro ka nogna sape nafnakno mae King na ne cheke eghu, “Filo sagho, iara nake hohoro famajaghani thua lepore!” Aonu mana neke cheke eghu ka iara, “Iagho rioriso soru cheke igre, naugna cheke igre thofno tutuani fara eghuteuna iagho tangomana te fatutuanidire.”

Thakle 17:3

Aonu nogna nolaghi Tharunga te Blahi na ne mei ka iara eghuteuna engel na ne baubatu ghau iara ne tei ka kaisei namono nagou. Ka vido tuana iara ne filoni kaisei gaꞌase gnokro neu ke kligna gna kaisei bosu te ukru fara thinigna na. Bosu igne iko tongana nangha lausasaba ka thinigna na. Nangha igre thofno cheke faparini God. Eghuteuna aula fitu pha'u nei nabotho honagna.

Thakle 12:5

Aonu gaꞌase na ne fakakarha kaisei mae sua nalhaꞌu. Mae sua nalhaꞌu igne mala funei frunidi namono te gnafa ka nauthoglu gne balu nolaghi biꞌo. Nu kate karha sua na, mare hatani ne haghe ka God ka nogna sape nafnakno na.

Thakle 6:16

Aonu mare ne eha eghu lao ka thogele nei ka thina teure, “Khoko soru ke klignami mala pophoru ghami ka ihei te gnokro kau nogna sape nafnakno mae King na ana nei ka mae Lam te diꞌatagna ana.

Profet Jeremaea 17:12

Lord, funu ka narane teke babana iagho nou Sugablahi na farihoteimi ghehati ia ne jateula nogna sape nafnakno mae king te ghatho tahuni naikno te gnafa ra neu.

Nodi Khoje Hatimare Mae Jiu 11:4

Lord na au ka nogna Sugablahi na. Mana au kligna mala funei frunidi naiknore, eghuteuna tathagna na mana filou ngala ka naiknore. Mana lasedi ngala unha te edi naiknore.

Matiu 22:43

Mae Jisas ne cheke eghu ka mare, “Keli fara. Naugna unha si mae Devet te kiloni mana ‘nogu Lord’ ka nogna baubatu Tharunga te Blahi gnea? Mana neke cheke eghu,

Thakle 4:10

Kate kojeni mare khoje igne na, hatimare varadaki fati mae biꞌo ka khiloaure ne pogho soru ke ulugna mae ihei te gnokro teu ka nogna sape nafnakno mae King na. Mare tufru soru ne lilisei nodi khepi nafnaknore ke ulugna nogna sape nafnakno mae King na ne cheke eghu,