Thakle 3:19 - Buka Blahi Ka Cheke Holo

¹⁹ Naikno te namhadi fara iara gre, iara tangomana te cheke faheta ranghidi mala lilisei nodi puhi te diꞌare, nei jaola tangomana te farirhiudi mala leghuni nabrou te doglo na. Eghume, ghotilo mala hati nhetami na mala koko puhi te diꞌare.

Thakle 3:19 ပူးပေါင်းရင်းမြစ်များ

Ululahu Korin 11:32

Nu kate farirhiu ghita na, Lord na togho ghita mala laseni tahati puhi te doglo na. Mana eni igne ka tahati mala theome au tahati kau fate ginauna baludi naikno te theome fatutuani ni mana re.

Thakle 2:5

Iara tore ghami mala ke ghatho fapuloni aheva te ari te jafrani ghotilo na. Tughu nagnafa nei ke pulo ka iara eghu mala tangomana ghotilo te namha ghau iara na, jateula teke eni ghotilo tifa ia eghu. Jame te theome tughu ghotilo na, iara ginauna ari hata fadelei nomi juta ghotilo na.

Thoutonu Eigna Mae Job 5:17

“Ihei God te fadoglini nakarhagna na, mana tangomana te glealeꞌa na. Aonu kate fadogli nigho God mae ihei te au nolaghi fateote'o igne na, iagho thosei thodoni.

Fapea Korin 7:11

Kate ghathoni ghotilo unha te diꞌanagnafani ghotilo na, ghotilo lasenihi puhi tuana mei ka ghotilo leghuni unha te magnahagheni God na. Tutuani, puhi tuana togho ghami ghotilo mala fariuriu fara te eni glepo te keli na. Diꞌanagnafa tuana jaola tangomana te falalaseni te theome jafra ghotilo na, nei falalase diꞌatami na ka mae ihei te eꞌei puhi na. Puhi tuana neke togho ghami mala mhaghuni God, mala magnahaghei fara te filo ghau iara, mala au nomi gaoghatho faheta ka God, nei mala fateni ihei te tapla jafra. Ka gobigna lepo te edi ghotilo re, ghotilo neke falalasenihi te theome jafra ghotilo ka puhi igne na.

Profet Jeremaea 31:18

“Iara nomhidihi nodi diꞌanagnafa nei natanhi teu vikegna mae Efrem ra. Mare tanhi ne cheke eghu, ‘Lord, ghehati gne jateula sua buluka mata te theome au snoto ra eghu. Nu iagho para ghami mala leghu nigho. Iagho Lord, nomi God ghehati, atha fapulo ghami ka iagho.

Profet Jeremaea 10:24

Lord fadoglini nakarhagu gne, nu eni ka puhi te doglo kolho. Jame te fadogli ghau iara iagho kate diꞌatamu na, iara ginauna na theo nafugu kolho.

Profet Jeremaea 7:28

Eghume, gognarona iara magnahaghei nigho iagho te cheke eghu ka mare, ‘Naikno igre tirodi leghuni nogna vetula nodi God na, ba tughu puhidi te diꞌare. Theo kaisei naikno te tajini nhaꞌa cheke teke eni mare ka iara na. Theo kaisei naikno te au famaku ka iara na. Uve, theo kaisei naikno te fariu riu eni igne na.

Profet Isaia 26:16

Lord! Kate mei te para ghami iagho na nou naikno themu gre, ghehati ke ghatho fapulo ka iagho neke tarai ari ka iagho.

Proveb 22:15

Gaoghatho fameomekro na fodu ka thiꞌagna sua na, nu te keli na puphuri ngala mala gnafa nafnata gaoghatho te fameomekro tuana.

Proveb 15:32

Mae te thodo hiohiro na, mana thodoni thegna. Nu mae te magnahaghei fanomho na, nogna glalase na ginauna keli fara.

Nodi Khoje Hatimare Mae Jiu 69:9

God, leuleghu fata na iara thono ghatho tahuni fara nou Sugablahi iagho gne, eghuteuna leuleghu fata na gaoghatho igne loku fabrahu ke lamnagu iara jateula khaꞌaghi eghu. Thua cheke te diꞌa te edi mare ranghi nigho iagho igre, fadiꞌa ghau iara.

Nodi Khoje Hatimare Mae Jiu 39:11

Kate diꞌatamu fara iagho ka mae ihei te tapla jafra ka nakhibo na, iagho fadidiꞌa unha te magnahaghedi fara mana re, jateula gnata te ghamu fadidiꞌa gobigna lepo ra eghu. Tutuani fara, nakarhagna nafnata naikno igne ghosei ari gnafa kolho.

Diutronomi 8:5

Ghotilo laseni, Lord nomi God ghotilo na tangomana te fadogli ghami ghotilo na jateula kaisei mae te fadoglini thugna na ia eghu.

Jemes 1:12

Mae ihei te kegra heta nei theome snakreni thegna teu ka fariuriu te mala eni puhi te diꞌa na, mana keli tagna fara. Mana ginauna na hata nogna taba na, karha fei tifa teke kulu nhaꞌa cheke God ranghidi iheire te namhani mana re.

Taetus 2:14

Mae Jisas Kraes neke snakreni thegna mala lehe tughu ghita tahati nei neke hata fajifla ghita kau nakhibo. Nu mana neke hata fadeleidi nakhiboda tahati re, mala tangomana tahati nogna naikno mana re te magnahaghe edi fara unha glepo te magnahaghedi mana re.

Letas Teke Riso Tei Mae Pol Ka Khiloau Rom 12:11

Thosei thodo kate loku ranghini God na, nu taji fakeli ghami themi mala au heta fabrahu ka nomi fatutuani. Uve, loku ranghini Lord ka nagnafami fateo.

Profet Jeremaea 30:11

Iara au balumi ghotilo, eghuteuna iara ginauna fakarhi ghami ghotilo. Neuba iara ne goigonihi kantri mala tei au ghotilo teku iara igne, iara ginauna na theome goigoni ghami ghotilo. Neuba, iara ginauna para ghami ghotilo, eidi nakhibo te edi ghotilo ranghi ghau iara, nu iara ginauna na theome para ghami fara ghotilo.” Igne cheke gna Lord.

Nodi Khoje Hatimare Mae Jiu 94:10

Mana ngala te paradi naiknodi kantri igre! Ba? Na theome para ghami mana neu si ghotilo ia? Mana ngala te mala farirhiudi naiknore! Ba? Ne theome laseni kaisei glepo mana neu si ghotilo ia?

Nodi Khoje Hatimare Mae Jiu 6:1

Lord, neubane diꞌatamu iagho ka iara, iagho thosei cheke fabiꞌo ghau nei para ghau eghu iara.

Fapea Samuel 7:14

Iara ginauna kmagna mana, eghuteuna mana ginauna thugu iara. Eghuteuna jame te eni mana kaisei puhi te diꞌa na, iara ginauna parani mana jateula kaisei mae te parani thugna na ia eghu.

Fapea Korin 6:9

Mare chekeni ne theome mae khuru tutuani ghehati teuna, nu naikno te gnafare lase ghami ghehati te thofno mae khuru tutuani na. Ghehati namo lehe, nu ghehati karha meu ngala. Mare tangomana te para ghami, nu mare theome tangomana te falehe ghami.

Jone 2:17

Kate chekeni mana igne, mae fanomhore neke ghatho fapuloni unha te cheke eghu ka grioriso te blahi na ia, “God, leghu fata na iara ghatho tahuni koba nou suga iagho gne.”

Proveb 15:10

Mae te theome leghuni puhi te doglo na, mare ginauna parani mana. Mae te theome magnahagheni kaisei naikno te fadoglini puhigna te diꞌa na, mana ginauna lehe.

Galesia 4:18

Glepo keli fara naiknore te magnahaghei fofodu ka ghotilo na, eghu jame te ghathoni mare glepo te keli na. Eghuteuna te keli na mare jame jateula tuana eghu fabrahu, thosei eni kolho kate au teu iara balumi ghotilo na.

Profet Sefanaea 3:2

Naikno igre theome nomhini chekegna Lord na, eghuteuna mare theome magnahagheni Lord te mala fadoglidi puhidi te diꞌa re. Eghuteuna mare theome fatutuani nei tirodi toreni Lord mala toghodi.

Profet Jeremaea 2:30

Iara neke para ghami ghotilo, naugna iara magnahaghei te fadoglodi puhimi ghotilore, nu ghotilo tiromi tughu puhimi te diꞌare. Eghuteuna ghotilo jateula lion te rofo ra neu ne falehedi koba nogu mae profet iara ra.

Matiu 25:7

“Rehati kafe dofra haghe ne tarabana nodi jutare.