Thakle 22:9 - Buka Blahi Ka Cheke Holo

⁹ Nu mana ne cheke eghu ka iara, “Ghema, theo, thosei pogho soru ka iara! Pogho soruni God kolho! Naugna iara kaisei mae gloku jateula iagho eghu kolho, nei mae thabusimu hatimare mae profet ra. Iara kaisei mae gloku jateula iheire te gnafa te leghudi u cheke te au ke lamnagna buka igne.”

Thakle 22:9 ပူးပေါင်းရင်းမြစ်များ

Thakle 19:10

Iara ne tuturupuku soru ke ulugna engel na mala pogho soru ka mana, nu mana ne cheke eghu ka iara, “Thosei pogho soru ka iara! Iagho pogho soruni God kolho! Naugna iara kaisei nogna mae gloku God kolho jateula iagho nei hatimare mae thabusida ka khiloau gne teke fatutuanidi thofno cheke teke toutonudi mae Jisas ra.” Mana ne chekeni igne naugna thofno cheke teke toutonudi mae Jisas igre ngala teke thofno toutonudi la hatimare mae profet ra.

Thakle 14:7

Engel na ne cheke eghu fabiꞌo, “Ghotilo mala ghatho tahuni God nei mala pala hagheni nanghagna na, naugna nogna narane mana te mala fatedi naiknore la meihi. Eghume ghotilo mala pogho soru ranghini mae ihei teke vuavuhani kligna nei nauthoglu nei nhorora nei glokha kho'ure.”

Ululahu Jone 5:20

Eghuteuna tahati lasenihi Thugna God ne mei tusu ranghi ghita glalase mala laseni tahati thofno God. Eghuteuna tahati au balugna mae ihei te tutuani, tulao balugna mae Jisas Kraes. Mana thofno God nei mae ihei te tusu ranghi ghita u karha fei tifa na.

Thakle 4:10

Kate kojeni mare khoje igne na, hatimare varadaki fati mae biꞌo ka khiloaure ne pogho soru ke ulugna mae ihei te gnokro teu ka nogna sape nafnakno mae King na. Mare tufru soru ne lilisei nodi khepi nafnaknore ke ulugna nogna sape nafnakno mae King na ne cheke eghu,

Eksodas 34:14

Ghotilo thosei pogho soru tarai ka keha god delei, naugna iara Lord theome magnahaghei ghami ghotilo te ghatho tahuni kaisei god delei.

Thakle 22:10

Mae engel na ne cheke eghu ka iara, “Thosei pophoru chekegna God te au ke lamnagna buka na igre, naugna ginauna glepo igre na theome raugha thakle mei.

Thakle 15:4

Naikno te gnafare ginauna ghatho tahu nigho, eghuteuna pala hagheni nanghamu na. Naugna iagho themu ngala te blahi na. Naikno te gnafa ka namono te gnafa igre ginauna mei mala pogho soru nigho, naugna mare laseni nou gloku iagho te doglore.”

Thakle 9:20

Keha naikno ka nauthoglu igne re ne theome lehe ka papara biꞌo igre. Nu mare tirodi tughu nagnafa nei figri tagrudi eghu mumuju teke horo thedi ka khamedire. Tutuani, mare theome gnafa ka puhi te pogho soru ka naitu nei mumuju eghu teke hohoro ka gol, silva, bras, thina, nei gaju. Glepo igre theome tangomana te fifilo ba nonomho ba nonolo.

Nodi Khoje Hatimare Mae Jiu 45:11

Te eghu iagho na, king ginauna filo nigho nei magnahaghei nigho eghu iagho, naugna iagho kaisei famane gaꞌase fara. Mana mala nou mae funei iagho, eghume iagho mala ghatho tahuni mana.

Diutronomi 4:19

Ghotilo fiofilo ghami glahu chaghi ghami mare korhi ghami mala pogho soru nei tarai eghu ka glepo te filodi ka maloa na are, naprai nei glaba, nei nathunu. Lord neke tusu mei glepo igre ka keha naikno te au heva heva ka nauthoglu igne mala tarai nei pogho soruni eghu God.

Thakle 22:18

Iara mae Jone cheke faheta ka ghotilo te nomhidi chekegna God te au ke lamnagna buka igne. Tutuani jame ihei teke lisei lao keha cheke baludi cheke tela auhi ka buka na igre, God ginauna nake lisei lao keha papara ka mana tela kulu chekenihi ka buka igne.

Luku 4:7

Te tuturupuku soru iagho ke ulugu iara na, gobigna lepo igre nou iagho.”

Fapea Kings 17:36

Ghotilo mala leghu ghau iara kaisei Lord ngala, mae ihei teke hata fajifla ghami ghotilo Ijep balu nolaghi biꞌo nei nanheta. Ghotilo mala pogho soru ka iara eghuteuna ghotilo mala fafara ka iara.

Matiu 4:9

Eghuteuna Satan ne cheke eghu, “Gobigna lepo igre iara na snakre ari ka iagho, eghu jame te tuturupuku te pogho soru iagho ranghi ghau iara na.”

Thakle 1:1

Igne buka thoutonu eigna narane God ginauna nate funei frunidi gobigna lepore. Glepo te au ke lamnagna buka igne theo kaisei naikno teke lasedi tifa re, nu gognaro na mae Jisas Kraes la famane fataklehi. Tutuani, God neke fatakleni igne ka mae Jisas mala ke tathakle mana ka nogna mae glokure eigna glepo igre na theome raugha thakle meidire. Kraes neke kuruni nogna engel na mala fatakle glepo igre ka iara nogna mae gloku na.

Thakle 1:11

Mana ne cheke eghu ka iara, “Ghema Jone, iagho rioriso soru unha teke filodi iagho re, eghuteuna fatei buka igne ka khiloau te au ka fitu namono igre, Efesus, Smana, Pegamum, Teatira, Sadis, Filadelfia, nei Leodisia.”

Thakle 22:7

Mae Jisas neke cheke eghu, “Iagho fanomho fakeli! Iara ginauna theome raugha ke pulo mei! Iheire te leghudi chekegna God te risodi ke lamnagna buka na igre, mare keli tadi fara.”