Thakle 22:19 - Buka Blahi Ka Cheke Holo

¹⁹ Eghuteuna jame ihei te hata fadelei keha chekegna God te au ke lamnagna buka na igre, God ginauna theome snakreni mana te mala hata fablahi te chekeni ka buka igne. Mae tuana ginauna theome au ka namono blahi na nei mana ginauna na theome tangomana te hata kaisei sisi ka gaju te tusu meini u karha te theo ka gnafagna na.

Thakle 22:19 ပူးပေါင်းရင်းမြစ်များ

Diutronomi 4:2

Ghotilo thosei ke nhaꞌa lao ba hata koko kaisei phugra cheke ikoi kate tusu ari iara ka ghotilo igre. Cheke igre nogna cheke Lord mala leghudi ghotilo.

Luku 11:52

“Puhi biꞌo ka ghotilo, mae velepuhigna vetula nogna mae Moses ra! Naugna ghotilo ne pophoru ki gna suga te mala filo glanini puhigna God na. Eghuteuna ghotilo themi na theome nanga nomi kolho la te mala ruma ka suga tuana, nei ghotilo fanogradi naikno te fariuriu ruma lamna.”

Thakle 22:2

te loloro soru farihotei nabrou biꞌo ka namono na. Gaju te tusu meini u karha ka iheire te ima sisigna na kotu ka phei gerigna khoꞌu na. Gaju igne ure leuleghu nhigra nabotho phei fata ure ke lamnagna kaisei finogha. Eghuteuna khaklagnare, naiknodi namono te gnafa ka nauthoglu gne tangomana te hata mala faghaotadi naikno te fogra re.

Thakle 21:2

Eghuteuna iara ne filoni kaisei namono blahi funugna ka God ne soru mei. Namono blahi igne Jerusalem majaghani. Namono igne neke kulu tarabanahi jateula kaisei gaꞌase te mala tolaghi te pipichi famane pohe te tarabana teu te mala tei balugna khetogna na te mala tolaghi ia eghu.

Thakle 1:3

Mae ihei nate iu'ijudi chekegna God igre ginauna gleale'a fara. Eghuteuna iheire te nomhini nei leghuni teu chekegna God igre mare na jaola gleale'a fara. Naugna narane te mala thakle meidi glepo igre ranghidi naiknore la namohi.

Nodi Khoje Hatimare Mae Jiu 69:28

Te keli na iagho ghiha koko nanghadi mae naokare ka buka te au nanghadi naikno te au ka karhare, thosei kaha fodu baludi ka nou naikno iagho re.

Thakle 22:12

Mae Jisas ne cheke eghu, “Iagho fanomho fakeli! Iara ginauna theome raugha nake pulo mei! Iara ginauna hata mei balugu taba te mala tabadi nogu naiknore. Tutuani, iara ginauna tabadi leghuni unha teke eni mare na.

Thakle 3:12

Iheire te leghu ghau fabrahu te ghilei lehe na, mare ginauna au balugna God fabrahu nei pogho soru ranghini mana tifa tifa. Iara ginauna rioriso ke klignadi nanghagna nogu God Mama, nei nanghagu thegu te majaghani na, nei nanghagna namono biꞌo Jerusalem. God ginauna kuru meini Jerusalem majaghani na funu kligna.

Thakle 14:13

Aonu iara ne nomhini kaisei cheke ne cheke eghu funu kligna, “Iagho rioriso soru cheke igre. ‘Funu gognaro, naikno teke falelehe mare eigna nodi fatutuani ka Lord na ginauna gleale'a fara.’ ” Tharunga te Blahi na ne cheke eghu, “Uve, tuana tutuani fara! Mare ginauna gnafa nodi ka gloku te biꞌora naugna tabagna unha teke eni mare na ginauna au fabrahu baludi.”

Thakle 13:8

Aonu naikno te gnafa ka nauthoglu gne, mare ginauna pogho soru ranghini bosu te diꞌa tuana. Nu iheire teke rioriso soru nanghadire ka nogna buka God na, mare ngala nate theome pogho soruni bosu na. Igne nogna buka Lam, mae ihei God teke ghaoghaho eigna mana kani theome vuvuha nga teku nauthoglu gne te mala ginauna lehe ranghidi nogna naiknore.

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.

Thakle 2:26

Iheire te leghu ghau fabrahu te ghilei lehe, nei edi nogu gloku iara re teu te ghilei hui nauthoglu igne na, iara ginauna tusu ranghidi nolaghi te mala funei frunidi namono te gnafa te au ka nauthoglu igne.

Thakle 2:11

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau iara fabrahu te ghilei lehe na, mare ginauna na theome au papara kate kafe au papara naikno te diꞌare kau khaꞌaghi te theo ka huigna.”

Thakle 2:7

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau fabrahu te ghilei lehe na, iara ginauna snakredi mala ghamu sisigna gaju te tusu mei karha te kotu kau nagare te khuakhuda te au tagna God na.”

Eksodas 32:33

Nu Lord ne cheke eghu, “Iheire teke eni nakhibo igne ranghi ghau iara na, iara ginauna ghiha koko nanghadire ka nogu buka na.

Diutronomi 12:32

“Eghume, ghotilo mala edi gobigna lepo tela chekedihi iara ka ghotilo ra. Ghotilo thosei ke nhaꞌa lao keha chekei, eghuteuna ghotilo thosei ke hata koko kaisei cheke tagna.”

Proveb 30:6

Thosei tuthughu nogna cheke mana na, glahu diꞌatagna mana ka iagho, eghuteuna ke leghu na naiknore na laseni te kaisei mae chaichaghi iagho na.

Thakle 11:2

Nu iagho thosei fananaba vido ke kosigna Sugablahi ana, naugna vido tuana la snakrenihi mare ka hatimare mae te theome Jiu are. Mare ginauna goigoni ni Jerusalem naba phia tutu phei nhigra.

Thakle 21:5

Aonu mae ihei te gnokro ka nogna sape nafnakno mae King na ne cheke eghu, “Filo sagho, iara nake hohoro famajaghani thua lepore!” Aonu mana neke cheke eghu ka iara, “Iagho rioriso soru cheke igre, naugna cheke igre thofno tutuani fara eghuteuna iagho tangomana te fatutuanidire.”

Thakle 22:7

Mae Jisas neke cheke eghu, “Iagho fanomho fakeli! Iara ginauna theome raugha ke pulo mei! Iheire te leghudi chekegna God te risodi ke lamnagna buka na igre, mare keli tadi fara.”