Thakle 22:18 - Buka Blahi Ka Cheke Holo

¹⁸ Iara mae Jone cheke faheta ka ghotilo te nomhidi chekegna God te au ke lamnagna buka igne. Tutuani jame ihei teke lisei lao keha cheke baludi cheke tela auhi ka buka na igre, God ginauna nake lisei lao keha papara ka mana tela kulu chekenihi ka buka igne.

Thakle 22:18 ပူးပေါင်းရင်းမြစ်များ

Diutronomi 12:32

“Eghume, ghotilo mala edi gobigna lepo tela chekedihi iara ka ghotilo ra. Ghotilo thosei ke nhaꞌa lao keha chekei, eghuteuna ghotilo thosei ke hata koko kaisei cheke tagna.”

Diutronomi 4:2

Ghotilo thosei ke nhaꞌa lao ba hata koko kaisei phugra cheke ikoi kate tusu ari iara ka ghotilo igre. Cheke igre nogna cheke Lord mala leghudi ghotilo.

Proveb 30:6

Thosei tuthughu nogna cheke mana na, glahu diꞌatagna mana ka iagho, eghuteuna ke leghu na naiknore na laseni te kaisei mae chaichaghi iagho na.

Thakle 1:3

Mae ihei nate iu'ijudi chekegna God igre ginauna gleale'a fara. Eghuteuna iheire te nomhini nei leghuni teu chekegna God igre mare na jaola gleale'a fara. Naugna narane te mala thakle meidi glepo igre ranghidi naiknore la namohi.

Thakle 22:7

Mae Jisas neke cheke eghu, “Iagho fanomho fakeli! Iara ginauna theome raugha ke pulo mei! Iheire te leghudi chekegna God te risodi ke lamnagna buka na igre, mare keli tadi fara.”

Levitikas 26:18

“Eghuteuna jame ghotilo theome leghu ghau iara ke leghudi papara igre, iara ginauna para ghami ghotilo fitu fata salaꞌudi nakhibomi ghotilo re.

Levitikas 26:28

iara ginauna diꞌatagu fara nei theome keli ranghi ghami eghu ghotilo. Eghuteuna iara thegu ginauna thofno para ghami ghotilo fabrahu.

Thakle 15:1

Ke leghu na iara ne filoni kaisei fagaglana biꞌo ka maloa na, ne jaglo nogu fara. Iara ne filodi fitu engel re ne hata ne mei fitu papara biꞌo. Igre papara leghu lahure. Naugna kate gnafa igre ginauna, diꞌatagna God na, na jaola gnafa.

Ululahu Tesalonika 4:6

Eghume theome tangomana kaisei mae te eꞌei puhi diꞌa ranghini mae kheragna fofodu na ka puhi igne. God ginauna fatedi naikno te edi glepo igre. Ghehati kulu cheke faheta ka ghotilo eigna igne.

Matiu 15:13

Mae Jisas neke cheke eghu, “Mae Farasi gre jateula gaju teke theome joꞌu mae Kmagu iara te au kligna ia eghu. Mana ginauna kafe rathu koko balu glathidi.

Thakle 22:16

“Iara mae Jisas, iara neke kuru ari ka ghotilo nogu engel na mala toutonudi glepo igre ka ghotilo te au ka khiloau are. Iara neke karha mei ka vikegna mae kuꞌeda Devet. Iara jateula nathunu rane te siasigla ia eghu.”

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.

Thakle 15:6

Aonu fitu engel te hata te mei fitu papara biꞌo leghu lahu igre, mare ne jifla mei ka Sugablahi na. Mare ne pipichi pohe vegha te siasigla fara. Eghuteuna mare jaola ne haru kaisei nhugha teke hohoro ka gol ke paridi baedire.

Thakle 3:14

Mae igne neke cheke eghu ka iara, “Iagho rioriso tei kaisei letas ranghini engel gna khiloau Leodisia, eghuteuna iagho cheke eghu ka mana: Igne nogu cheke iara na mae ihei te mala falalase ari nogna nhaꞌa cheke God gre thofno tutuani fara. Eghuteuna iara kaisei mae mala toutonudi nogna cheke mana re ka thofno puhi te tutuani fabrahu tifa tifa. Eghuteuna gobigna lepo teke vuavuha God igre, neke mei funu ka iara.

Efesus 4:17

Ka nanghagna Lord, iara magnahaghei te cheke heta ka ghotilo, thosei au fabrahu jateula naikno te theome fatutuani ni God eghu. Gaoghathodire theo nafudi kolho.

Thakle 20:15

Eghuteuna ihei te theome rioriso soru nanghagna na ke lamnagna nogna buka God na, mala koko lao ke lamnagna kholo te deudeplu ka khaꞌaghi na.

Thakle 20:10

Aonu mare ginauna koko laoni mae Satan ka kholo khaꞌaghi te ngire ka thina te ngaja fara. Satan, mae ihei te chaichaghidi naiknore, ginauna au baludi bosu ghe mae profet chaichaghi. Thilomare na au jare mala papara bongi narane tifa tifa.

Thakle 22:9

Nu mana ne cheke eghu ka iara, “Ghema, theo, thosei pogho soru ka iara! Pogho soruni God kolho! Naugna iara kaisei mae gloku jateula iagho eghu kolho, nei mae thabusimu hatimare mae profet ra. Iara kaisei mae gloku jateula iheire te gnafa te leghudi u cheke te au ke lamnagna buka igne.”

Thakle 22:10

Mae engel na ne cheke eghu ka iara, “Thosei pophoru chekegna God te au ke lamnagna buka na igre, naugna ginauna glepo igre na theome raugha thakle mei.