Thakle 22:17 - Buka Blahi Ka Cheke Holo

¹⁷ Tharunga te Blahi ghe khetogna Lam na, repa ne cheke eghu, “Mei sagho!” Naikno te gnafa te nomhini cheke igne mala jaola cheke eghu, “Mei sagho!” Iheire te magnahaghei hatani u karha te theo ka gnafagna na, ghotilo mei mala koꞌu kolho ka khoꞌu te tusu mei karha igne.

Thakle 22:17 ပူးပေါင်းရင်းမြစ်များ

Jone 4:14

Nu ihei te koꞌu ka khoꞌu te tusu ranghini iara na, mana ginauna nake theome roi koꞌu. U khoꞌu nate tusu mei iara igne na jateula ngau glokha eghu na fura mei fabrahu ke lamnagna mana. U khoꞌu igne ginauna na tusu ranghini mana u karha fei tifa na.”

Thakle 21:6

Mana ne cheke eghu ka iara, “Uve, gognaro na iara funei frunidi gobigna lepore naugna iara ne tapla sorudi nogu naoka re. Iara kulu au neke vuavuha nga gobigna lepo igre nei iara na au fabrahu kate ari te gnafadi gobigna lepore. Jame ihei te magnahaghei karha te tifa na, iara ginauna snakreni mana mala koꞌu kolho ka glokha khoꞌu te tusu mei karha na.

Jone 7:37

Narane leghu lahu igne ngala narane biꞌo fara ka gaghamu na. Kau narane tuana mae Jisas kegra haghe farihoteigna nakhapru na ne cheke eghu fabiꞌo, “Mae ihei te roi koꞌu na mei ka iara mala koꞌu.

Profet Isaia 12:3

Ghotilo ginauna keli tami fara, naugna God ne thofno fakarhi ghami ghotilo.

Jone 4:10

Aonu mae Jisas ne cheke eghu ka gaꞌase na, “Naikno biꞌo, iagho theome laseni nogna khokofakasai God ranghini naikno na, nu iagho theome laseni mae ihei te tore khoꞌu teu ka iagho gne. Jame laseni iagho na, iagho tangomana te tore ghau iara na, eghuteuna iara tangomana te tusu ari ka iagho u khoꞌu karha na.”

Nodi Khoje Hatimare Mae Jiu 34:8

Ghotilo mei ka Lord mala au balugna mana. Ghotilo ginauna filoni mana. Iheire te mei ka mana re ginauna keli tadi fara naugna mare ginauna laseni Lord te reireghidire.

Profet Isaia 2:5

Ghotilo vikegna mae Jekop ra, mei mala leghuni tahati Lord mae ihei teke falalase ranghi ghita nabrou karha na.

Thakle 22:1

Mae engel na ne falalase ka iara u khoꞌu te tusu mei karha na. Kho'u igne siasigla jateula thiro eghu nei fura mei ka nogna sape nafnakno God na nei nogna Lam

Thakle 21:9

Aonu kaisei engel ne mei ka iara. Igne kaisei mae ka fitu engel teke hata fitu dis te fodu ka fitu papara leghu lahu ra. Mana ne cheke eghu ka iara, “Mei sagho mala falalase nigho iara gaꞌase khetogna Lam na.”

Thakle 21:2

Eghuteuna iara ne filoni kaisei namono blahi funugna ka God ne soru mei. Namono blahi igne Jerusalem majaghani. Namono igne neke kulu tarabanahi jateula kaisei gaꞌase te mala tolaghi te pipichi famane pohe te tarabana teu te mala tei balugna khetogna na te mala tolaghi ia eghu.

Letas Teke Riso Tei Mae Pol Ka Khiloau Rom 3:24

Nu God na namha ne eni kaisei nabrou te mala doglo tahati na. Eghuteuna mana neke eni igne ka nogna khokofakasai na neke kuru meini mae Jisas Kraes mala hata fasnagladi ka nakhibo.

Profet Isaia 2:3

Kmana naikno ginauna mei cheke eghu, “Mei, tahati na kafe haghe ka nogna thogele Lord, nogna God mae Jekop. Uve, tahati na ari mala pogho soruni mana ka Sugablahi na. Eghuteuna Lord ginauna farirhiu ghita mala leghuni tahati puhigna mana na.” Uve, mana ginauna eni igne, naugna chekegna Lord na ginauna jifla Jerusalem, eghuteuna mana ginauna farirhiudi naiknore heva heva ka puhigna mana na.

Thakle 22:16

“Iara mae Jisas, iara neke kuru ari ka ghotilo nogu engel na mala toutonudi glepo igre ka ghotilo te au ka khiloau are. Iara neke karha mei ka vikegna mae kuꞌeda Devet. Iara jateula nathunu rane te siasigla ia eghu.”

Thakle 2:7

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau fabrahu te ghilei lehe na, iara ginauna snakredi mala ghamu sisigna gaju te tusu mei karha te kotu kau nagare te khuakhuda te au tagna God na.”

Profet Jeremaea 50:5

Mare ginauna ghusnani nabrou aheva te mala leghuni mare te tei posa Jerusalem na. Eghuteuna mare ginauna eni kaisei nhaꞌa cheke te theo ka huigna balugu iara.

Ululahu Korin 2:12

Tharunga te Blahi tela hatahi tahati naikno khiloau gre mei funu ka God mala laseni tahati u khokofakasai teke tusu mei mana ka tahati na. Tahati leghuni mana, theome leghuni gaoghathogna nauthoglu igne.

Profet Maeka 4:2

Kmana naikno ginauna mei cheke eghu, “Mei, tahati na kafe haghe ka nogna thogele Lord, nogna God mae Jekop. Uve, tahati na ari mala pogho soruni mana ka Sugablahi na. Eghuteuna Lord ginauna farirhiu ghita mala leghuni tahati puhigna mana na.” Uve, mana ginauna eni igne, naugna chekegna Lord na ginauna jifla mei Jerusalem, eghuteuna mana ginauna farirhiudi naiknore puhigna mana heva heva.

Jone 4:29

“Ghotilo re, kaisei mae na ne chekedi ka iara gobigna lepo teke edi iara tifa re. Mei si ghotilo filoni mana. Glahula me mae igne ngala mae Kraes na!”

Profet Esikiel 47:1

Mae igne hata ghau iara neke figri ka grengatha gna Sugablahi na. Iara ne jaglo nogu te filoni katha khoꞌu te loloro mei ke parigna grengatha te figri tei ke maghati. Eghuteuna khoꞌu igne loloro tei ke maghati. Eghuteuna iara jaola filoni khoꞌu igne loloro mei ke parigna grengatha gna Sugablahi na phile ke mata, eghuteuna tei salaꞌu ke mata olta.

Jone 4:11

Gaꞌase na ne cheke eghu ka mana, “Mae biꞌo, khoꞌu na au pari fara, iagho theo kaisei glepo te mala krisu khoꞌu na. Na tei atha aheva saghoi u khoꞌu karha te chekeni iagho tuana?

Thakle 7:17

Naugna Lam na te au ka nogna sape nafnakno mae King na, mana ginauna reireghidi jateula kaisei mae te reireghidi nogna sipura eghu. Mana ginauna baubatudi mala tei koꞌu ka khoꞌu glokha te tusu ranghidiu u karha. Eghuteuna God ginauna nuju koko kholo te gnafa ka tathadire mala theome tangomana mare te diꞌanagnafa na.”

Thakle 14:13

Aonu iara ne nomhini kaisei cheke ne cheke eghu funu kligna, “Iagho rioriso soru cheke igre. ‘Funu gognaro, naikno teke falelehe mare eigna nodi fatutuani ka Lord na ginauna gleale'a fara.’ ” Tharunga te Blahi na ne cheke eghu, “Uve, tuana tutuani fara! Mare ginauna gnafa nodi ka gloku te biꞌora naugna tabagna unha teke eni mare na ginauna au fabrahu baludi.”

Jone 1:37

Aonu kate nomhini phei mae fanomhore cheke mana igne, phiamare kegra haghe ne tei ke leghugna mae Jisas.