Thakle 22:10 - Buka Blahi Ka Cheke Holo

¹⁰ Mae engel na ne cheke eghu ka iara, “Thosei pophoru chekegna God te au ke lamnagna buka na igre, naugna ginauna glepo igre na theome raugha thakle mei.

Thakle 22:10 ပူးပေါင်းရင်းမြစ်များ

Profet Daniel 8:26

“Unha te filodi iagho ka mifi igne king te theome snakredi naiknore te fafara bongi narane teu igne thofno tutuani fara. Nu iagho thosei toutonu ka keha naiknore eigna mifi igne, naugna glepo igre ginauna theome faghose thakle mei.”

Thakle 1:3

Mae ihei nate iu'ijudi chekegna God igre ginauna gleale'a fara. Eghuteuna iheire te nomhini nei leghuni teu chekegna God igre mare na jaola gleale'a fara. Naugna narane te mala thakle meidi glepo igre ranghidi naiknore la namohi.

Ululahu Pita 4:7

Nu tahati la mei namohi ka narane gobigna lepo ka nauthoglu igne ginauna hui. Eghume te keli na ghotilo ghaoghatho fakeli, nei filo fakeli eghu mala tangomana ghotilo te tarai na.

Thakle 10:4

Kate cheke te gnafa fitu filare, iara ne funu rioriso unha teke chekedi mare re. Nu ka vido tuana iara ne nomhini kaisei cheke ne soru mei funu kligna, ne cheke eghu, “Iagho thosei rioriso unha teke chekedi fitu filara. Nu iagho phophoru fakeli glepo igre.”

Matiu 10:27

Unha te chekedi iara ka ghotilo kolho te nomhidi ghotilo igre, ghotilo ginauna tei cheke ranghidi naiknore mala kafe nomhidi mare.

Profet Daniel 12:9

Mana ne cheke eghu ka iara, “Ghema Daniel, iagho thosei nanga nou ka glepo igre. Naugna cheke igre mala theome thakle ghilei thokeni narane leghu lahu na.

Profet Daniel 12:4

Aonu mana ne cheke eghu ka iara, “Ghema Daniel, fofotho sagho buka na, eghuteuna iagho lilisei kaisei fagaglana tagna mala theome laseni kaisei naikno ghilei thokeni narane leghu lahu na. Ame thoke mei nga narane leghu lahu teuna, kmana naikno ginauna magnahaghei te lasedi gaoghathodi cheke te au ke lamnagna buka na igre.”

Profet Esikiel 12:23

Eghume, iagho cheke eghu ka mare, ‘Lord ne cheke eghu: Iara ginauna fatetheo cheke igne, mala theome ke chekeni mare nafnata cheke igne agne Israel. Narane te mala thoke meidi cheke igre la namohi.’

Letas Teke Riso Tei Mae Pol Ka Khiloau Rom 13:12

Noda narane tahati ka nauthoglu gne la namo sala'uihi jateula bongi te la namo sala'u ari ia eghu. Eghuteuna narane mala ke pulo meigna mae Jisas na la namohi. Eghume tahati mala lilisei fadelei puhi te diꞌa te edi naiknore nei tarabana fabrahu mala eni kolho glepo te doglo, nabagna nogna naikno mae Jisas Kraes na.

Thakle 22:16

“Iara mae Jisas, iara neke kuru ari ka ghotilo nogu engel na mala toutonudi glepo igre ka ghotilo te au ka khiloau are. Iara neke karha mei ka vikegna mae kuꞌeda Devet. Iara jateula nathunu rane te siasigla ia eghu.”

Thakle 5:1

Aonu iara ne filoni kaisei pepa brahu te louloku fei khame nhetagna mae ihei te gnokro teu ka nogna sape nafnakno mae King na. Pepa brahu igne mare haru phei gaju ikodi ka phei philegnare neke piphiri. Mare te rioriso ka phei philegnare. Eghuteuna, mare famamhaku pepa igne ka fitu loke.

Fapea Tesalonika 2:3

Thosei snakreni kaisei naikno me chaghi ghami, naugna narane meigna noda Lord Jisas Kraes na theome tangomana te mei ghilei thoke mei narane kmana naikno nate figri tagruni God. Eghuteuna mae tuana mare kiloni mana, “Mae mala huhughuni vetula,” mana na kulu meila. God ginauna roꞌeni mae te diꞌa tuana.

Profet Isaia 13:6

“Ghotilo tanhi! Naugna nogna Narane Biꞌo Lord te mala fatedi naiknore la namo meihi. Ka narane igne, mae ihei te au nolaghi fateote'o igne ginauna mei roꞌedi gobigna lepo fateote'o re.

Profet Isaia 8:16

Ghotilo iheire te leghudi nogu farirhiu iara ra! Ghotilo tajidi farirhiu teke tusu mei God ranghi ghita tahati nogna naikno mana ra.

Thakle 22:20

Jisas mae ihei teke chekedi gobigna lepo te au ke lamnagna buka igne na ne cheke eghu, “Uve, tutuani fara. Iara ginauna theome raugha ke pulo mei.” Amen. Lord Jisas, mei!

Letas Teke Riso Tei Mae Pol Ka Khiloau Rom 13:11

Iara chekeni ka ghotilo eigna nabrou te doglo te mala karha na, naugna ghotilo laseni tahati gognaro na au ka narane te ulu tulao. Uve, gognaro na thokeni narane te mala dofra fakeli tahati na jateula iheire te theome thuru. Naugna gognaro na la namo fara te mala mei God te mala fakarhi ghita na, uluni narane teke funu fatutuani tahati ia.

Thakle 1:11

Mana ne cheke eghu ka iara, “Ghema Jone, iagho rioriso soru unha teke filodi iagho re, eghuteuna fatei buka igne ka khiloau te au ka fitu namono igre, Efesus, Smana, Pegamum, Teatira, Sadis, Filadelfia, nei Leodisia.”

Thakle 22:7

Mae Jisas neke cheke eghu, “Iagho fanomho fakeli! Iara ginauna theome raugha ke pulo mei! Iheire te leghudi chekegna God te risodi ke lamnagna buka na igre, mare keli tadi fara.”

Thakle 22:9

Nu mana ne cheke eghu ka iara, “Ghema, theo, thosei pogho soru ka iara! Pogho soruni God kolho! Naugna iara kaisei mae gloku jateula iagho eghu kolho, nei mae thabusimu hatimare mae profet ra. Iara kaisei mae gloku jateula iheire te gnafa te leghudi u cheke te au ke lamnagna buka igne.”

Thakle 22:18

Iara mae Jone cheke faheta ka ghotilo te nomhidi chekegna God te au ke lamnagna buka igne. Tutuani jame ihei teke lisei lao keha cheke baludi cheke tela auhi ka buka na igre, God ginauna nake lisei lao keha papara ka mana tela kulu chekenihi ka buka igne.