Thakle 21:8 - Buka Blahi Ka Cheke Holo

⁸ Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Thakle 21:8 ပူးပေါင်းရင်းမြစ်များ

Thakle 2:11

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau iara fabrahu te ghilei lehe na, mare ginauna na theome au papara kate kafe au papara naikno te diꞌare kau khaꞌaghi te theo ka huigna.”

Thakle 22:15

Nu keha naiknore theome nabadi te tei lamna na. Igre naikno te leghudi puhi te chara, nei iheire te au naitu khoraphaꞌu, nei iheire te gnognoro, nei iheire te falehe naikno, nei iheire te pogho soru ka mumuju, nei iheire te lase chaichaghi fara.

Proveb 19:9

Chaghi ka fate na, iagho ginauna au papara. Te chaghi fabrahu na, iagho ginauna lehe.

Ululahu Jone 3:15

Ihei te tirognani kheragna fofodu na mae tuana kaisei naikno aknu poru ka nagnafagna na. Ghotilo lasenihi theo kaisei naikno aknu poru te hatani karha fei tifa na.

Profet Malakai 3:5

Lord mae ihei te au nolaghi fateoteꞌo igne ne cheke eghu, “Iara ginauna mei mala fate ghami ghotilo. Eghuteuna iara ginauna ghosei cheke thakleni nanghagna ihei te au naitu khora pha'u, nei iheire te theome leghuni puhigna tholaghi na, nei iheire te cheke chaichaghi ka fate, nei mae funei te taba fadiꞌadi nodi mae glokure, nei iheire te fakokhoanadi goro naikno biꞌo tela lehehi khetodi, nei goro sua glehe kokoi, nei iheire te theome kokhonidi naikno te posa mei ka sugadire teu igre. Uve, naikno te gnafa te edi puhi te diꞌa igre ginauna theome ghatho tahu ghau iara.”

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.

Hibru 13:4

Naikno te gnafa gre mala ghatho tahuni puhi tholaghi na. Mae tholaghi nei gaꞌase tholaghi teure mala reireghidi thedi jateula teke nhaꞌa cheke thedi repa ia eghu, naugna God ginauna na fatedi naikno te theome leghuni vetula gna tholaghi na baludi iheire te eni tafri puhi te diꞌa are.

Ululahu Timoti 4:2

Nafnata farirhiu igre mei ka puhidi naikno te theome doglo nu lase chaichaghi fara, eigna gaoghathodi teke doglore la lehehi, jateula teke nhako ka khaꞌaghi te ngaja ia eghu.

Matiu 8:26

Ka vido tuana mae Jisas ne cheke eghu ka mare, “Thosei mhaghu, theo kaisei nafugna te mhaghu ghotilo na! Ghotilo theome biꞌo kolho nomi fatutuani na ka God.” Mana kegra haghe ne cheke eghu faheta ka nuri na, “Beata sagho!” Eghuteuna ke jaola ka galore mala sola. Ka vido tuana nhorora na ne lehe soru ne beata fara.

Thakle 9:21

Naikno igre jaola theome tughu nagnafa nei figri tagrudi eghu puhi te faghoreho poru ba eni puhi te diꞌa ba blau ba edi meresin te diꞌa mala falehe naikno.

Jone 8:44

Ghotilo mae kmami na mae Satan. Ghotilo nogna naikno mana eghuteuna ghotilo magnahaghei edi unha glepo te magnahaghedi mana re. Mana kaisei mae falehe naikno funu tifa. Mana theome magnahaghei te leghuni u nabrou te tutuani na, naugna theo kaisei tutuani ke lamnagna mana. Mana kaisei mae chaichaghi, eghuteuna mana jateula chaichaghi te chekedi thegna tuare eghu. Eghuteuna, u chaichaghi te gnafare mei funudi ka mana.

Matiu 10:28

Thosei mhaghudi naiknore, naugna mare tangomanadi kolho te faleheni thini na. Nu mae ihei te mala mhaghuni ghotilo na God. Naugna mana au nolaghi te mala kafe falehedi thini ghe tharungare ka namono te mala au papara te kiloi Gehena.

Proveb 19:5

Te chaghi ka fate na, iagho ginauna au papara. Te chaghi fabrahu na, iagho ginauna theome snagla.

Diutronomi 20:8

Eghuteuna goro mae biꞌo re ginauna jaola cheke eghu, ‘Jame gaoghathogna kaisei mae na glaꞌe soru ba mana mhaghu nogna, mana ke pulo ka namono. Glahula eni mana igne jaola glaꞌe soru gaoghathogna keha mae soldia na.’

Ululahu Jone 2:22

Eghume ihei gne naikno te chaichaghi na eghu? Naikno te chekeni mae Jisas na theome mae Kraes teu igne. Nafnata naikno tuana nogna naoka mae Kraes. Mana theome fatutuani ni Mama ba Thugna.

Profet Isaia 9:15

Phaꞌudi mae igre na mae biꞌo igre, baludi naikno te fnakno nanghadire. Eghuteuna sekodi mae igre na hatimare mae profet te cheke chaichaghi koba igre.

Ululahu Jone 5:10

Ihei te fatutuani ni Thugna God na, mana laseni ka nagnafagna na cheke igne thofno tutuani fara. Nu ihei te theome fatutuani ni God na, unha God te chekeni eigna mae Thugna na, mana kiloni God kaisei mae chaichaghi, naugna mana theome fatutuani ni unha te chekeni God eigna mae Thugna na.

Profet Isaia 57:11

“Ghotilo chaghi ghau iara fabrahu, naugna ghotilo mhaghudi fara god te chaichaghi igre. Naugna igne, ghotilo la ghatho iho ghauhi iara. Ba, ne au kmu fabrahu iara neu ne theome ghatho tahu ghau iara si ghotilo ia?

Thakle 2:2

Iara lase ghamihi ghotilo thofno loku heta fara ranghi ghau iara nei au heta ka nomi fatutuani na eghu kolho. Iara jaola lase ghami ghotilo te theome magnahaghedi naikno te leghudi puhi te diꞌare. Eghuteuna iara lase ghami ghotilo te lasedihi iheire te chaichaghi te kilodi thedi mae khuru, nei ghotilo la glanidihi te chaichaghi kolho mare re.

Profet Isaia 51:12

Lord ne cheke eghu ka nogna naiknore, “Kaisei iara ngala te kokhoni ghami nei farheta ghami teu ghotilo na. Eghume naugna unha si ghotilo te mhaghudi naikno grea? Naikno tuare ginauna ghosei lehe dofidi jateula buburu te theome au raugha ra eghu kolho.

Fapea Tesalonika 2:9

Mae mala huhughuni vetula igne ginau mei ka nogna nolaghi mae Satan, eghuteuna mana ginauna edi kmana kofubobhoi chaichaghi, fagaglana nei glepo biꞌo mala jaglo naiknore.

Hibru 12:24

Ghotilo mei ka Jisas, mae ihei teke thofno farhetani nogna nhaꞌa cheke majaghani God na. Ghotilo mei mala fagagae ka dadaragna mae Jisas te au kaisei nonomho te keli te uluni dadaragna mae Ebol. Naugna mae Jisas neke lehe te mala falalase ka naiknore nogna namha biꞌo God, nu mae Ebol neke lehe naugna mae thabusigna thegna na neke faleheni mana.

Taetus 1:16

Neubane cheke eghu mana, “Iara laseni fara God” neu, iagho ginauna na laseni ka puhigna nei nogna gloku teu mana re te theome laseni God na. Igne tutuani fara, naugna mana mae thono diꞌa fara, mae huhughu nei mae ihei te theome tangomana leghudi u puhi te kelire eghu.

Thakle 9:17

Aonu iara ne filodi hose igre baludi mae iheire te gnokro teu ke klignadi. Mare fahaghe phoko aean te ukru fara, pipito, nei rija eghu. Pha'udi hose igre jateula pha'u lion eghu. Hose igre jifla mei khaꞌaghi, gagahu, nei thina ngaja eghu ka foflodire.

Thakle 14:10

God ginauna parani naikno tuana. Tutuani, naikno tuana ginauna mala ko'uni kapu waen te fodu ka diꞌatagna God na. Waen tuana thono raha fara eghuteuna God ginauna jaola rahani fara kate paradire. Eghuteuna naikno tuana ginauna au papara ka khaꞌaghi te brana fara nei ka thina te ngaja ke uludi hatimare mae engel nei ke ulugna Lam.

Thakle 21:27

Nu glepo te thona ba naikno te edi unha te diꞌa ba te chaichaghi koba teu igre theome nabadi te mei ke lamnagna namono biꞌo igne. Nu naikno te rioriso nanghadire ka nogna buka Lam na igre ngala nate au fabrahu tifa tifa ke lamnagna namono biꞌo igne.

Matiu 25:25

Eghume iara mhaghu nogu nigho ne tei titifuni nou sileni iagho re ke lamna glose. Igne duku sileni iagho te tusu mei ka iara tifa ia.’

Nonomho Te Keli Teke Risoi Mae Mak 9:44

Jare Gehena na siosilodire theome lehe, nei khaꞌaghi gna na theome lehe.