Thakle 21:7 - Buka Blahi Ka Cheke Holo

⁷ Tutuani, iheire te leghu ghau fabrahu te ghilei lehe na, iara ginauna tusu ranghini karha te theo ka gnafagna. Eghume iara ginauna nogna God mana, eghuteuna mana thugu iara.

Thakle 21:7 ပူးပေါင်းရင်းမြစ်များ

Fapea Korin 6:18

“Eghuteuna iara ginauna jateula Kmami eghu ghotilo, eghuteuna ghotilo ginauna jateula thugu nalhaꞌu nei gaꞌase eghu iara. Iara God mae ihei te au nolaghi te gnafa te chekeni igne.”

Hibru 8:10

Nu igne u nhaꞌa cheke nate chekeni iara ka naiknodi Israel re: Kate thokei mei narane tuare iara ginauna lilisei nogu vetula na ka nagnafadi nei jaola rioriso ka gaoghathodi. Iara ginauna nodi God mare, mare jaola nogu naikno iara.

Thakle 21:3

Aonu iara ne nomhini kaisei cheke ne jifla mei ka nogna sape nafnakno mae King na, ne eha eghu fabiꞌo, “Filo si ghotilo, gognaro na God au baludi nogna naiknore. Tutuani fara, God thegna ginauna au baludi mala nodi God mare.

Thakle 2:11

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau iara fabrahu te ghilei lehe na, mare ginauna na theome au papara kate kafe au papara naikno te diꞌare kau khaꞌaghi te theo ka huigna.”

Matiu 25:34

“Aonu iara mae King na ginauna cheke eghu ka naikno te keli fei nhetagure, ‘Mei, ghotilo naikno teke fablahi ghamihi mae Mama ra mala ruma ka nogna nauthoglu majaghani mana teke kulu tarabana malami ghotilo teku ka fufunu gna nauthoglu pari igne.

Thakle 2:17

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghuni fabrahu mae Kraes te ghilei lehe na, iara ginauna tusu ranghini mana u gano te kiloni ‘manna’ mala ghamu. Naiknore neke pophoru ‘manna’ igne tifa na. Eghuteuna iara ginauna jaola tusu ranghini kaisei thina vegha te rioriso kaisei nangha majaghani tagna. Nangha majaghani igne, theo kaisei naikno te laseni, nu mae ihei te hatini thina igne ngala te laseni u nangha igne na.”

Matiu 19:29

Eghuteuna mae ihei te lisei faleghu sugagna, tahigna, greghagna, kmagna, idogna, goro thugna, ba nogna vido glose, te leghu ghau iara na, mana ginauna hata kaisei gobi fata ke uludi gobigna lepo teke lisei faleghu mana igre. Eghuteuna mana ginauna hatini nakarha fei tifa na.

Thakle 2:7

Ihei te magnahaghei te lase fakelini unha te chekeni iara na, mana fanomho fakeli ka unha te chekedi mae Tharunga te Blahi na ka khiloau igre. Iheire te leghu ghau fabrahu te ghilei lehe na, iara ginauna snakredi mala ghamu sisigna gaju te tusu mei karha te kotu kau nagare te khuakhuda te au tagna God na.”

Profet Sekaraea 8:8

Iara nake atha fapulodi Jerusalem. Mare ginauna nogu naikno iara, eghuteuna iara ginauna nodi God mare. Eghuteuna iara ginauna ghatho tahudi fabrahu, eghuteuna funei frunidi ka puhi te doglo.”

Proveb 3:35

Naikno te au tagna gaoghatho te keli na ginauna fnakno nanghagna na. Nu naikno te fameomekro na ginauna fnakno ka nangha te diꞌa.

Ululahu Samuel 2:8

Mana tangomana te pala haghe nakarhadi mae te kuma re. Uve, mana tangomana te kuru teidi iheire te au ka nakarha te diꞌa. Mana tangomana te toghodi mare mala kheradi mae funei, eghuteuna mana tangomana te fafnaknodi mare, mala gnokro mare baludi goro mae biꞌo. “Mana tangomana te edi glepo igre naugna famamhaku gna nauthoglu igne au ka khamegna mana kolho, mana neke fakegra hagheni nauthoglu igne ka thina te maku igne.

Ululahu Pita 3:9

Jame kaisei mae ei puhi diꞌa ka ghotilo, thosei foli fapulo puhi te diꞌa tuana ka mana. Eghuteuna jame kaisei mae cheke diꞌa ka ghotilo, thosei cheke diꞌa fapulo ka mana. Blahi fara. Nu te keli na, ghotilo tarai ka God mala fablahini mana. Naugna tifa na God neke kilo ghami ghotilo, mana neke nhaꞌa cheke mala fablahi ghami ghotilo.

Thakle 2:25

Uve, te chekeni iara ka ghotilo na, loku famaku ka puhi te keli te au ka ghotilo are ghilei thokeni narane nate ke pulo mei iara na.’

Nonomho Te Keli Teke Risoi Mae Mak 10:17

Kate jifla te tei mae Jisas na, kaisei mae dedei chari ne mei tuturupuku ke ulugna mana ne cheke eghu, “Mae velepuhi te keli, unha nate eni iara te mala hatini nakarha fei tifa na?”

Profet Isaia 65:9

Iara ginauna fablahi ghami ghotilo mala vuragha vikegna mae Jekop. Eghuteuna iheire teke karha mei ke leghu ka vikegna mae Juda ra ginauna khotogna nogu namono iara ka thogele are. Iheire teke vahidi iara mala nogu mae gloku teku igre ginauna khotogna namono igne mala au tagna.

Jenesis 17:8

Namono Kenan te au teu iagho gognaro igne nodi namono keha vikei. Nu iara ginauna na tusu ari ka iagho nei ka thumu iagho nate karha mei ke leghumu iagho re eghu namono igne, eghuteuna namono igne ginauna na nomi ghotilo fabrahu tifa e tifa. Eghuteuna iara ginauna mala nodi God thumu iagho re ngala.”

Fapea Samuel 7:14

Iara ginauna kmagna mana, eghuteuna mana ginauna thugu iara. Eghuteuna jame te eni mana kaisei puhi te diꞌa na, iara ginauna parani mana jateula kaisei mae te parani thugna na ia eghu.

Nodi Khoje Hatimare Mae Jiu 89:26

Mae Devet ginau cheke eghu ka iara, ‘Iagho nogu God iara, nei iagho kmagu iara na. Uve, iaghou ngala te mala saghe leghu ghau nei fakarhi ghau teu iara na.’

Matiu 25:21

“Aonu, mae funei na ne cheke eghu ka nogna mae gloku na, ‘Ghema, iagho kaisei mae gloku keli fara! Eghuteuna iagho ghathodi koba unha te chekedire. Eghume, naugna te ghatho branani iagho nou gloku na ka sileni ikoi teke tusu ari iara ia, gognarona iara na tusu ari kmana glepo ke biꞌodi igrei ka iagho mala reireghidi iagho. Aonu iagho mei mala gleale'a balugu iara.’

Letas Teke Riso Tei Mae Pol Ka Khiloau Rom 8:14

Tutuani, iheire te snakreni Tharunga gna God te batudire, mare goro thugna God.

Letas Teke Riso Tei Mae Pol Ka Khiloau Rom 8:19

Gobigna lepo teke vuavuha God igre ofou kolho mala thokeni narane nate falalase God iheire te thofno thugna mana re.

Fapea Korin 6:16

Nogna Sugablahi God na theome mala fodu ka mumuju. Jaola ghotilo laseni eigna tahati na nogna Sugablahi God mae ihei te karha te tifa! Naugna God neke cheke eghu, “Iara ginauna mala au baludi nogu naiknore, eghuteuna iara ginauna mala tei baludi. Iara ginauna mala nodi God mare, eghuteuna mare ginauna mala nogu naikno iara.”