Thakle 21:23 - Buka Blahi Ka Cheke Holo

²³ Naprai ba glaba theome phae soru ke kligna gna namono biꞌo tuana, naugna nogna nolaghi biꞌo God na siasigla mei fabrahu tagna. Eghuteuna Lam na u naphaegna namono tuana.

Thakle 21:23 ပူးပေါင်းရင်းမြစ်များ

Thakle 22:5

Jare ginauna theome bongi. Tutuani, mare theome magnahaghei juta ba naprai, naugna noda Lord God ginauna tusu ranghidi u naphae. Mare ginauna funei fruni jateula king eghu fabrahu balugna God tifa tifa.

Thakle 21:11

Eghuteuna siasigla gna nogna nolaghi God na ne siasigla lao ka namono na. Siasigla fara jateula kaisei famane thina jaspa te klino fara jateula thiro eghu.

Jone 1:9

Thofno naphae igne ne mei kau nauthoglu gne mala kafe faphaedi naikno te gnafare.

Profet Isaia 24:23

Ka narane igne, naprai ghe glaba gre ginauna jaola theome agha. Naugna Lord mae ihei te au nolaghi fateote'o igne ginauna funei fruni jateula king eghu. Mana ginauna funei Jerusalem ke kligna Thogele blahi Saion, eghuteuna noda mae mala baubatu tahati igre ginauna filoni siasiglagna nogna nolaghi biꞌo mana na.

Thakle 18:1

Ke leghudi glepo igre, iara ne filoni keha engel na ne soru mei funu kligna. Engel igne au nolaghi biꞌo, eghuteuna siasigla gna nogna nolaghi mana na ne siasigla faligohoni mana, ne tei thoke ka namono te gnafa ka nauthoglu igne.

Luku 2:32

Mana jateula kaisei juta eghu mala faphaedi naikno te theome mae Jiure mala filo glani nigho mare. Mana ginauna jaola hata mei nafnakno ka nou naikno Israel.”

Jone 5:23

Mae Mama ne eni igne mala ghatho tahu ghau iara mae Thugna na naikno te gnafare, jateula ngau mare te ghatho tahu nila mae Kmagu iara na. Mae ihei te theome ghatho tahu ghau iara na, naikno tuana theome ghatho tahu nila mae Mama mae ihei teke kuru mei ghau iara na.”

Jone 1:18

Funu tifa te ghilei thoke ka narane gognarogne, theo kaisei naikno te thofno filoni God na. Nu mae Jisas Kraes thofno mae Thugna God te au balugna Mama na ngala te mei fatakleni God ka tahati na.

Jone 1:14

Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Jone 1:4

Thofno karha na neke funu mei ka mana. Eghuteuna, karha tuana jateu langau u naphae eghu mala faphaedi naiknore.

Profet Habaku 3:3

God te Blahi, iagho neke jifla mei funu ka namono nagou Idom, nei ka thogele Paran. Nou nolaghi iagho na jateula naprai eghu thafru ka vido te gnafa ka maloa kligna. Eghuteuna naikno te gnafa ka nauthoglu igne filoni nou nolaghi biꞌo iagho igne ne cheke fakeli nigho.

Mae Khuru 22:11

Iara theome tangomana te fifilo na, naugna naphae te thono siasigla fara na ne fadofu ghau iara. Aonu mae teke tei balugu iara re ne baubatu ghau iara ne thoke Damaskas.

Nonomho Te Keli Teke Risoi Mae Mak 8:38

Eghume iheire te tirodi ghau iara nei tirodini chekegu iara na ke uludi naikno te diꞌa kau nauthoglu igne, iara ginauna na tirogudi naikno te tirodi ghau iara tuare ka narane na teke pulo mei iara balu nogna nolaghi biꞌo mae Mama nei balu engel te blahi.”

Matiu 16:27

Tutuani fara, iara mae teke mei funu ka God na ginauna nake pulo mei ka nauthoglu igne balu nogna nolaghi biꞌo mae Mama. Eghuteuna, nogna engel mae Mama re ginauna mei balugu iara. Ka narane tuana iara ginauna tabadi naiknore eidi unha gloku teke edi mare.

Jone 17:24

“Mama, iara magnahaghedi naikno teke tusu mei iagho ka iara igre mala au balugu iara ka namono aheva te au iara na, mala filoni mare nogu nolaghi biꞌo iara na. Nolaghi biꞌo teke famei iagho ka iara ia naugna iagho neke kulu namha ghau iara neke vuvuha nga nauthoglu igne.

Profet Isaia 2:21

Jaola ka narane igne, naiknore ginauna mhaghu rikha tei poru lamna khora glose nei ka thogele, naugna Lord mae ihei te king, mae au nolaghi fateote'o, eghuteuna mana ginauna fakakhana nogna nolaghi na kate diꞌatagna na.

Profet Isaia 2:19

Ka narane Lord mae ihei te king nei mae ihei te au nolaghi fateote'o igne te diꞌatagna nei fakakhana nogna nolaghi na teuna, naiknore ginauna mhaghu nodi fara na rikha tei ka gluma thina, ba dokha khora mala poru lamna.

Profet Isaia 2:10

Naiknore ginauna fariuriu rikha tei ka gluma, ba dokha khora mala poru lamna, naugna mare ne mhaghuni Lord mae ihei te au nolaghi biꞌo fateote'o!

Nodi Khoje Hatimare Mae Jiu 84:11

Lord God, kaisei iagho ngala God na, eghuteuna iaghou ngala te saghe leghu ghami nei taji fakeli ghami teuna. Uve, iagho ngala te keli ranghi ghami nei tusu ranghi ghami teu u nafnakno na. Lord God, leuleghu fata na iagho tusu lao kolho glepo te kelire ka iheire te edi unha te doglore.

Profet Isaia 30:26

Fei bongiro na glaba gne ginauna phae jateula naprai eghu, eghuteuna fei narane na, naprai gne ginauna brana salaꞌuni fitu fata. Glepo igre ginauna thakle mei kate fakeli fapulodi Lord thubu teke paradi mana nogna naiknore.

Thakle 5:6

Aonu iara ne filoni kaisei Lam kegra teu ke ulugna nogna sape nafnakno mae King na farihoteidi fati glepo te karha igre nei hatimare mae biꞌo ka khiloau te kegra falithuini teu nogna sape nafnakno mae King na. Eghuteuna Lam igne jateula teke falelehehi mare eghu filogna na. Mana au fitu honagna nei fitu tathagna. Igre fitu tharunga keli nogna God teke kurudi mana te tei heva heva ka nauthoglu igne.

Thakle 7:17

Naugna Lam na te au ka nogna sape nafnakno mae King na, mana ginauna reireghidi jateula kaisei mae te reireghidi nogna sipura eghu. Mana ginauna baubatudi mala tei koꞌu ka khoꞌu glokha te tusu ranghidiu u karha. Eghuteuna God ginauna nuju koko kholo te gnafa ka tathadire mala theome tangomana mare te diꞌanagnafa na.”

Thakle 14:4

Mae igre neke theome eni kaisei nakhibo jateula iheire te gnognoro. Nu mare au klino nodi fabrahu. Mare leghuni Lam fabrahu ka namono te gnafa aheva te tei mana na. God neke foli fajifladi ka naiknogna nauthoglu gne, mala thofno naikno malagna thegna nei malagna Lam.