Thakle 21:12 - Buka Blahi Ka Cheke Holo

¹² Namono biꞌo igne au kaisei gringni thina biꞌo te haghe fara kligna. Eghuteuna, gringni thina igne au nabotho phei grengatha, eghuteuna nabotho phei engel te kegra te mala riereghidi nabotho phei grengatha igre. Eghuteuna nanghadi nabotho phei vikegna Israel re rioriso ka grengatha igre.

Thakle 21:12 ပူးပေါင်းရင်းမြစ်များ

Profet Isaia 54:12

Iara ginauna babana ka thina ukru suga te mala toetoe namono biꞌo igne. Eghuteuna iara ginauna bara lithui namono biꞌo igne ka famane thina mala thofno keli fara fifilogna na. Eghuteuna iara ginauna hohoro grengathagna namono igne ka famane thina te siasigla mala jateula khaꞌaghi te phae ra eghu.

Nodi Khoje Hatimare Mae Jiu 122:7

Jame te keli na naikno te gnafa te au ka namono igne mala athini nakarha te keli na, nei hatimare mae biꞌo ka namono igne na mala au fakeli.”

Profet Isaia 60:18

Ghotilo ginauna na theome nomhini naogla gna magra na ke lamnagna nomi kantri ghotilo igne. Eghuteuna hatimare mae naoka na theome tangomana te mei goigoni nomi namono ghotilo igne. Iara ginauna reireghi ghami ghotilo, nei bara ghami eghu ghotilo, jateula bara thina te ringni ligoho ghami ghotilo igne eghu. Eghuteuna ka narane tuana, ghotilo ginauna cheke fakeli ghau iara, naugna iara neke fakarhi ghami ghotilo.

Nodi Khoje Hatimare Mae Jiu 51:18

God, iagho filo kokhoni ghami ghehati naikno te au ka Thogele Saion. Eghuteuna togho mei ghami ghehati mala fakegra hagheni gringni thina biꞌo Jerusalem.

Nehemaea 12:27

Kate tarabana ghehati te mala fablahi gringni gna namono biꞌo Jerusalem gne teuna, mare tei ne hirodi hatimare mae Livaet ka namonodi re, mala mei Jerusalem ka narane biꞌo igne. Mare mei mala koje kilo fnakno nei mala koje ka simbol nei ka thua nafnata gita.

Mae Khuru 26:7

Eghuteuna nabotho phei vikemi ghehati re neke pogho soru ka God bongi narane, naugna mare ofou mala filoni thoke meigna u nhaꞌa cheke igne. King Agripa, hatimare mae Jiu gre fathoro ghau iara gognaro na naugna iara jaola ofoni nhaꞌa cheke igne!

Esra 9:9

Tutuani, ghehati neke au jateula naikno sneka neku, nu iagho nomi God neke theome tei koko ghami ghehati. Iagho ghatho tahu ghami ghehati fara neke cheke ka nagnafagna king gna Pesia mala togho ghami nei snakre ghami te mala karha teu ghehati mala teke babana fapulo nou Sugablahi iagho teke goigoni mae naoka ra. Eghuteuna iagho neke tusu lao gaoghatho te keli ka mare neke togho ghami nei tusu ranghi ghami glepo te mala eni gloku igne. Eghuteuna gognarona ghehati au ka pharikeli agne Juda nei Jerusalem.

Hibru 1:14

Mae unha si engel grea? Mare khogla tharunga kolho, mala loku ranghini God. Eghuteuna God kurudi mare mala toghodi iheire te athini u thofno karha na.

Luku 16:22

“Leghu lahu na mae Lasaros ne lehe. Eghuteuna engel re palani mana ne tei mala gnokro rhegna mae Ebraham kligna. Mae dedei na jaola lehe ne giugilu.

Luku 15:10

Na jateula tuana eghu nogna engel God re ginauna na gleale'a biꞌo fara kate hogri nagnafa kaisei naikno te diꞌa na.”

Matiu 18:10

Mae Jisas ne cheke eghu, “Fiofilo ghami ghotilo ia, thosei filo soruni kaisei sua ka igre. Nu te chekeni iara ka ghotilo na, nodi engel sua igre au fabrahu kligna balugna mae Mama.

Eksodas 28:21

Ka puhi igne, mare na famamhaku nabotho phei thina te nabadi thugna Jekop, igre nabotho phei vikegna Israel. Eghuteuna ke kligna di nabotho phei thina igre, mare ghagra nanghadi nabotho phei thugna Jekop, eghuteuna thina te gnafa igre au kaisei nangha tagna.

Thakle 21:13

Ke maghati thilo grengatha, ke mata thilo grengatha, ke raru thilo grengatha, ke mosu thilo grengatha.

Thakle 21:15

Engel te cheke mei ka iara igne au kaisei gaju brahu te horo ka gol mala fafaja namono biꞌo igne balugna gringni thina na, nei nabotho phei grengatha re eghu.

Thakle 22:14

“Naiknore te theo nakhibodi naugna Lam na neke thofa dadaragna na neke lehe, mare keli tadi tutuani fara. Naugna mare nabadi te ima sisigna gaju te tusu mei karha fei tifa na, eghuteuna mare naba dila te ruma ke lamnagna grengathagna namono biꞌo na mala au balugna God.