Thakle 21:11 - Buka Blahi Ka Cheke Holo

¹¹ Eghuteuna siasigla gna nogna nolaghi God na ne siasigla lao ka namono na. Siasigla fara jateula kaisei famane thina jaspa te klino fara jateula thiro eghu.

Thakle 21:11 ပူးပေါင်းရင်းမြစ်များ

Thakle 22:5

Jare ginauna theome bongi. Tutuani, mare theome magnahaghei juta ba naprai, naugna noda Lord God ginauna tusu ranghidi u naphae. Mare ginauna funei fruni jateula king eghu fabrahu balugna God tifa tifa.

Thakle 4:6

Eghuteuna ke ulugna nogna sape nafnakno mae King na au glepo jateula nhorora eghu, nu jateula thiro eghu te tangomana iara te filo laoni. Aonu fati glepo te karha ne kegra falithui ka fati philegna nogna sape nafnakno mae King na. Glepo te karha igre au kmana tatha ka thinidire, ke ulu nei ke leghu.

Thakle 22:1

Mae engel na ne falalase ka iara u khoꞌu te tusu mei karha na. Kho'u igne siasigla jateula thiro eghu nei fura mei ka nogna sape nafnakno God na nei nogna Lam

Profet Esikiel 1:22

Ke klignadi phaꞌudi glepo te karha igre au kaisei glepo jateula suga biꞌo eghu, nu siasigla fara jateula thiro eghu. Eghuteuna kate filo laoni glepo igne, naiknore ne thono mhaghu nodi fara.

Thakle 4:3

Eghuteuna mae ihei te gnokro teu ka nogna sape nafnakno mae King na igne, iara filoni thinigna mana na siasigla jateula phei famane thina jaspa nei konilian eghu. Eghuteuna falithuni nogna sape nafnakno mae King igne iara jaola filoni kaisei maja te siasigla jateula kaisei famane thina emaral.

Profet Esikiel 48:35

“Brahugna gringni thina te tei falithuni namono igne nheva kilomita. “Eghuteuna funu ka narane tuana, ghotilo ginauna kiloni namono igne, Lord-Sama, gaoghathogna na Lord na au jare.”

Profet Esikiel 1:26

Ke klignadi mare ka suga igne, kaisei glepo jateula nogna sape nafnakno king teke horo ka famane thina te kiloni sapia eghu au tagna. Eghuteuna iara ne filoni kaisei glepo jateula kaisei mae eghu gnokrou tagna.

Profet Isaia 4:5

Ka narane igne, Lord ginauna kuruni kaisei khoveo mala mei jateula gagahu eghu toku tafruni Thogele Saion baludi naikno te salofodu te tarai teu jare, eghuteuna bongiro na mana ginauna kuru mei khaꞌaghi. Mana ginauna toku soru ke klignadi nogna nolaghi na jateula kaisei suga tapuale eghu.

Thoutonu Eigna Mae Job 28:17

Neubane gol ba kaisei famane glas, glalase te keli na keli salaꞌudi gol nei famane thina. Eghuteuna theo kaisei naikno tangomana te tughu famane gol na te mala hata glalase te keli na.

Thakle 15:8

Ke lamnagna Sugablahi na fodu ka gagahu. Gagahu igne ne mei funu ka God, mae ihei te au nolaghi te biꞌo fara nei nafnakno. Eghuteuna theome tangomana kaisei naikno te ruma haghe ka Sugablahi igne ghilei sala'u ari fitu papara teke hata teke mei fitu engel igre.

Profet Esikiel 43:2

Jare iara ne filoni siasiglagna nogna nolaghi biꞌo nodi God maedi Israel igne megei nga ne thakle mei ke maghati. Naoglagna te mei mana na oa'ongha jateula te poha galo ka khalaꞌera eghu, eghuteuna namono thongana igne ne agha ka siasiglagna nogna nolaghi biꞌo mana na.

Profet Esikiel 28:16

Iagho rugusi fara ka bisnis baludi keha naiknore, eghuteuna ka nafnata puhi igne te mala magra iagho te mala au nakhibomu iagho na. Iagho engel te mala reireghi ia! Naugna puhi igne, iara famamaja nigho iagho eghuteuna khi fajifla nigho iagho ka nogu thogele blahi igne, mala theome tangomana iagho teke nonolo ka famane thina te siasigla igre.