Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Thakle 20:9 - Buka Blahi Ka Cheke Holo

9 Aonu mare ginauna tei heva heva ka namono te gnafa ka nauthoglu igne, eghuteuna mare ginauna kegra faligohodi namono aheva te au nogna naikno God re. Tuana namono biꞌo te namhani fara God na. Neuba, khaꞌaghi na ginau soru mei funu kligna mala nako fahuidi nogna naoka God re.

အခန်းကိုကြည့်ပါ။ ကော်ပီ




Thakle 20:9
33 ပူးပေါင်းရင်းမြစ်များ  

Ghotilo ginauna mei toku tafrudi nogu naikno iara Israel igre, jateula kaisei khoveo biꞌo balu nakhete te soru te toku tafrudi namono ra eghu. King Gog! Ka narane tuana, iara ginauna kuru nigho tei lamna ka nogu namono iara igne, mala laseni naiknodi keha kantri igre te iara Lord na mae blahi.


Iara ginauna kuru mei khaꞌaghi ka nou kantri iagho igne Megog, nei ka namono geri thongna aheva naiknore te au fakeli nodi kolho tagna, eghuteuna naikno te gnafa igre ginauna laseni te iara Lord.


Iara ginauna paradi fara mae igre. Iara ginauna falehedi ka fogra nei ka magra. Iara ginauna snakre mei nakhete biꞌo balu thina aes, nei khaꞌaghi balu thina ngire nei sisibe brana te deudeplu mala khoko soru ka mana baludi nogna soldia mana re, nei ka naiknodi keha kantri te loku fodu balugna mana.


Iagho balugna nou armi na nei nodi armi keha kantri te tei balumu iagho are eghu, ghotilo ginauna mei jateula saeklon eghu mala goigonini nodi namono mare na, eghuteuna ghotilo ginauna toku tafruni namono tuana jateula khoveo te soru te toku tafrudi thogele ra eghu.


Mana ginau mei funu kligna balu khaꞌaghi ngaja mala fatedi iheire te theome laseni God, nei iheire te tirodi leghuni u Nonomho te Keli eigna noda Lord Jisas Kraes.


God ne kuru soruni khaꞌaghi na ke klignadi naikno teke leghudi phia mare re ne nhako ne theo tokadi.


Lord na kulu kuru fajifla khaꞌaghi mala tei nakodi nogna naoka te au faligohoni teu mana re.


Eghuteuna fapea bosu na ne edi kofubobhoi biꞌo mala filoni naiknore nogna nolaghi na. Tutuani, kate filo teu naiknore, mana tangomana te eꞌei khaꞌaghi te mala soru mei ka nauthoglu igne funu kligna.


Jame ihei te fariuriu goigonidi phei mae igre na, khaꞌaghi ginau jifla mei ka foflodi phei mae igre mala roꞌedi nei falehedi eghu nodi naokare.


Nu ka narane te rikha kokoni mae Lot namono te diꞌa Sodom, khaꞌaghi balu thina ngaja ne soru mei funu kligna ne kafe falehedi naikno te diꞌare.


Kate filoni igne, mae Jemes ghe mae Jone ne cheke eghu ka mae Jisas, “Lord, iagho magnahaghei ghami ghepa te chekeni khaꞌaghi na mala soru mei funu kligna mala roꞌedi naikno tuare?”


Aonu ka bongi igne kaisei engel nogna Lord ne mei ka vido te au teu mae soldiadi Asiria igre ne aknu falehe kaisei gobi nhana salei glima thogha ka mare. Kate dofra haghe mare hamerane boibongi na, mare ne filodi thinidi mae soldia te lehere.


Aonu Lord ne famei khaꞌaghi na ne nako fahui phei gobi glimafulu mae teke tufa insens.


Aonu naiknore ne funu cheke faparini Lord, naugna mare ne au mei fara kmana puhi tadi. Kate nomhini igne, Lord ne thofno diꞌatagna fara, ne fasoru khaꞌaghi na ka mare, eghuteuna keha naikno ka mare ne lehe, eghuteuna keha vido, nei suga teu te au mare re ne nhako ka khaꞌaghi biꞌo na.


Eghume tahati mala tei ka mae Jisas mala au balugna mana ke kosi namono kate para ghita naiknore jateula teke eni mare ka mana ia eghu.


Iara ginauna tusu lao nolaghi ka naiknodi Babilonia, iheire te glalama nei iheire te diꞌa puhidire. Maedi Babilonia igre tei ka namono te gnafa ka nauthoglu igne mala hata nodi namono keha naiknore.


Ka narane tuana, Lord ginauna ei nabrou maladi nogna naiknore, aheva mana ginauna atha fajifladi mare ka kantri te khaba aheva mare teke huhurudi mare mala au tagna. Mare ginauna jifla ka namono te khaba igre, eghuteuna mare ginauna snagla. Lord kolho ginauna nodi king mare, eghuteuna mana thegna ginauna batudi mare mala kafe jifla ka namono tuana mala ke pulo ka nodi thofno namono na.”


Lord tarabanahi kaisei glave biꞌo mala horo khaꞌaghi mala gnubrani king biꞌogna Asiria. Glave igne mamhara fara, eghuteuna mare tarabanahi kmana gaju jare. Eghuteuna Lord ginauna phanga mei khaꞌaghi brana. Naugna phaphanga gna Lord na brana fara jateula khaꞌaghi eghu.


Hamerane boibongi, nogna mae gloku mae Elisa igne ne dofra haghe ne jifla kosi. Aonu nogna mae gloku Elisa na ne filodi nodi armi mae Siria balu hose nei chariot, mare mei ne kegra ligohoni namono igne. Aonu mana figri ka mae Elisa ne cheke eghu ka mana, “Tore, mae funei! Maedi Siria gre la mei kegra faligoho ghitahi. Unha nate eni tahati ginauna?”


Aonu Lord ne tofa soru kaisei nakhete thina ngire balu khaꞌaghi ke klignadi namono Sodom ghe Gomora.


Mae Jisas ne cheke eghu, “Kate filodi ghotilo mae soldia te kafe khegra falithuni Jerusalem, ghotilo na laseni mare namo phaꞌe namono biꞌo Jerusalem.


Tutuani, narane nate mei nomi naoka ghotilo re na mei magra. Eghuteuna mare ginauna mei kegra falithui ghami ghotilo, eghuteuna mare na fothi ghami ghotilo mala theome tangomana kaisei naikno te rikha na.


Ghotilo edi glepo igre naugna Lord nomi God ghotilo igne, mana au balumi ghotilo, eghuteuna mana ginauna reireghi ghami ghotilo, eghuteuna mana ginauna togho ghami ghotilo mala tangomana ghotilo te uludi nomi naokare. Eghume vido te au ghotilo igne mala kaisei vido blahi, eghuteuna Lord theome magnahagheni te filoni kaisei glepo te famamaja ikno ka ghotilo, ba glahu figri tagru ghami mana.”


Lord na magnahagheni fara namono Jerusalem ke tulaodi keha namono te au Israel.


Ba, iagho laseni krepagna nauthoglu igne? Jame te laseni iagho na, iagho cheke mei ka iara!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ