Thakle 20:4 - Buka Blahi Ka Cheke Holo

⁴ Iara ne filodi keha nodi sape nafnakno mae king. Tharungadi naikno teke kusu mare pha'udire tifa ra gnokro neu jare. Nogna naoka God re neke falehedi mare naugna mare neke fatutuani ni fabrahu chekegna God na nei toutonuni eigna u cheke tuana. Mae igre neke theome pogho soru ka bosu ba ka mumuju gna na. Eghuteuna mare jaola neke theome hata nogna fagaglana bosu na ka greredire ba ka khamedire. Nu mare neke karha fapulo mala funei fruni balugna Kraes kaisei thogha finogha.

Thakle 20:4 ပူးပေါင်းရင်းမြစ်များ

Profet Daniel 7:27

Eghuteuna nodi nolaghi nei nafnakno teu mae king te gnafa ka nauthoglu na igre, God mae ihei te fnakno ka maloa kligna igne ginauna hata fadelei ka mare nolaghi igne mala tusu lao ka nogna naiknore. Eghuteuna nodi funei fruni nogna naikno mana igre ginauna theo ka huigna. Eghuteuna mae king te gnafa ka nauthoglu na igre ginauna ghatho tahudi nei leghudi eghu mare.’

Profet Daniel 7:18

Nu ke leghugna igne, nogna naikno God igre ginauna funei frunini nauthoglu igne tifa tifa.’

Matiu 19:28

Mae Jisas ne cheke eghu ka mare, “Tutuani fara, te chekeni iara ka ghotilo na. Kate thoke mei nogna nauthoglu majaghani God na iara mae teke mei funu kligna na ginauna gnokro ka sape nafnakno. Eghuteuna ghotilo te gnafa te leghu ghau iara gre ginauna jaola gnokro ka nabotho phei sape nafnaknore. Eghuteuna ghotilo ginauna funei frunidi nabotho phei vikegna Israel.

Thakle 6:9

Mae Lam na ne hata koko falima loke gna buka na. Aonu iara ne filodi keha tharunga ke parigna olta na. Tharunga igre, tharungadi naikno teke falelehe mare tifa ra, naugna mare neke fatutuani ni fabrahu chekegna God na nei toutonuni eigna u cheke tuana.

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.

Fapea Timoti 2:12

Jame te fatutuani ni fabrahu tahati mae Jisas Kraes na, neubane au papara, tahati ginauna funei balugna mana ka nogna nauthoglu te theo ka huigna. Nu jame te chekeni tahati ne theome laseni mana teuna, mana ginauna jaola chekeni ne theome lase ghita teuna.

Profet Daniel 7:22

Nu God mae ihei te au fabrahu funu tifa igne ne fateni hona ikoi igne ne cheke thakleni, hona igne la eni kaisei najafra biꞌo ranghidi nogna naikno God te au kligna. Eghuteuna God mae ihei te fnakno igne ginauna tusu lao nolaghi ka nogna naiknore mala funei fruni jateula king eghu.

Thakle 20:6

Naikno teke kulu fakarha fapulodi God kau glehe igre mare keli tadi fara, naugna mare ginauna na theome papara kate kafe papara naikno te diꞌare kau khaꞌaghi te theo ka gnafagna. Mare nogna naikno blahi God. Mare ginauna jaola mala nogna mae pris God nei nogna Kraes, eghuteuna mare ginauna funei fruni balugna Kraes kaisei thogha finogha.

Profet Daniel 7:9

“Kate filo teu iara na, “kaisei mae hata ne mei sape nafnakno na. Eghuteuna God mae te au funu tifa igne mei ne gnokro ka nogna sape nafnakno te mala fate naikno na. Nogna pohe na vegha fara, eghuteuna khaklagnare vegha fara la. Nogna sape nafnakno mana igne deudeplu ka khaꞌaghi, eghuteuna wil gna sape nafnakno igne ngire jateula khaꞌaghi eghu.

Luku 22:30

Eghuteuna ghotilo ginauna mala gnokro balugu iara ka tevo na mala ghamu nei koꞌu eghu ka nogu nauthoglu majaghani iara na. Ghotilo ginauna na gnokro ka sape nafnakno te mala fatedi nabotho phei vikegna Israel.”

Thakle 22:5

Jare ginauna theome bongi. Tutuani, mare theome magnahaghei juta ba naprai, naugna noda Lord God ginauna tusu ranghidi u naphae. Mare ginauna funei fruni jateula king eghu fabrahu balugna God tifa tifa.

Thakle 12:11

Hatimare mae kherada ka khiloau gne neke tapla sorunihi mana naugna Lam na neke thofa dadaragna na neke lehe. Hatimare jaola neke tapla soruni mana naugna mare neke toutonuni ni u cheke te tutuani na. Mare theome mhaghu mala lehe malagna God nu mare neke snakre lao nakarhadire ranghini mana.

Thakle 1:9

Iara mae Jone, kaisei mae kherami ghotilo ka khiloau eigna tahati te gnafa na kafe fatutuani ni mae Jisas. Kraes na noda King eghuteuna tahati mala kegra heta fodu, neubane para ghita naiknore. Tutuani, mare lilisei ghau iara ka suga sosolo ka moumolu ikoi Patmos, eigna iara ne toutonuni chekegna God na nei cheke ka tutuani eigna mae Jisas.

Letas Teke Riso Tei Mae Pol Ka Khiloau Rom 8:17

Eghuteuna naugna te goro thugna God tahati na, tahati ginauna hatini glepo malada tahati teku God na. God ginauna na jaola tusu ranghi ghita glepo igre teke tusu ranghini kherada Jisas Kraes. Naugna tahati au papara jateula Kraes jaola teke au papara, tahati ginauna jaola hatini u thofno nakarha teke hatahi Kraes te ulu tulao igne.

Thakle 15:2

Aonu iara ne filoni kaisei nhorora jateula thiro balu khaꞌaghi eghu. Eghuteuna iara jaola ne filodi naikno te magra te tapla soruni bosu nei mumuju gna na nei mae te au figas nabagna nanghagna na. Mare ne kegra neu rhegna nhorora te jateula thiro teuna, eghuteuna mare ne hata gita teke tusu ranghidi God re.

Thakle 14:11

Eghuteuna gagahugna khaꞌaghi te paradi mare na ginauna haghe fabrahu tifa tifa. Iheire fateo te pogho soru ka bosu nei mumuju gna nei lilisei fagaglana gna nanghagna mana teuna, mare ginauna theome gnafa ka papara bongi narane.”

Thakle 11:7

Ke leghugna te toutonuni phiamare chekegna God na, bosu te au ka glave te mamhara fara na ginau jifla mei mala magridi phiamare. Bosu igne ginauna tapla sorudi nei falehedi eghu phiamare.

Jone 14:19

Na theome raugha naiknogna nauthoglu igne na theome filo ghau iara. Nu ghotilo na filo ghau iara, naugna iara na karhau ngala. Eghuteuna ghotilo na karha la, naugna iara ginauna nake kegra fapulo kau karha.

Profet Daniel 2:44

“Ka nodi narane mae king igre, God gna kligna na ginauna funei frunidi naikno te gnafa heva te heva ka nauthoglu igne. Theo kaisei king nate tangomana te roꞌeni ba nate uluni mana. Nu mana ginauna goigonidi kantri te gnafare, eghuteuna mana funei frunidi naikno nei glose heva heva tifa te tifa.

Thakle 17:8

Bosu te filoni iagho igne tifa na neke karha, nu gognaro kela theome karha eghu. Eghuteuna bosu tuana ginauna theome raugha jifla mei ka glave te mamhara fara ana. Nu ke leghu na, God ginauna roꞌeni mana. Kmana naikno ka nauthoglu igne ginauna filodi kofubobhoi biꞌo nei jaglo nodi fara eghu gaoghathodire kate filoni bosu na. Tutuani, mare jaglo nodi naugna bosu igne tifa na neke karha eghuteuna gognaro na kela theome karha eghu, nu naꞌa ginauna nake pulo mei. Naikno igre theo nanghadi ka nogna buka God na. Kate vuavuhagna nauthoglu igne, God neke rioriso soru nanghadi naikno te mala karha fabrahu tifa tifa ka buka igne.

Thakle 11:15

Aonu fafitu engel na ne ifu nogna khufli na. Eghuteuna iara ne nomhidi cheke te mei funu kligna re, ne eha eghu fabiꞌo, “Nolaghi te mala funei frunidi naiknogna nauthoglu gne gognaro nogna noda Lord nei nogna Kraes. Mana ginauna funei frunidi fabrahu tifa tifa.”

Thakle 11:11

Nu ke leghu thilo narane vidogna, God phaphanga lao ke klignadi neke fakarha fapulodi phiamare. Eghuteuna kate filodi phiamare teke nonolo na, naiknore ne mhaghu nodi fara.

Thakle 11:3

Eghuteuna ke lamnadi narane igre, iara ginauna tusu lao nolaghi ka phei nogu mae profet igre mala toutonuni phiamare chekegna God na. Phiamare ginauna pipichi pohe pipito teke hohoro ka khakla nanigot, fagaglana gna nodi diꞌanagnafa na.”

Letas Teke Riso Tei Mae Pol Ka Khiloau Rom 11:15

Naugna kate figri fadelei God ka ghehati mae Jiu gre, keha naikno ka nauthoglu gne na tangomana teke kheragna God na. Ginauna jateula unha eghu kate keli tagna God ka mae Jiu gre? Mae Jiu gre ginauna jateula teke karha fapulo ka glehe eghu!

Luku 1:17

Mana ginauna mala kulu tei ke ulugna Lord, eghu ka nogna nanheta nei nolaghi eghu God na mana jateula ngau mae profet Elija eghu. Mana mala loku fodudi mae kmadire ka mae thudire. Mana mala ke hata fapulodi iheire teke tutufu kau nabrou gaoghatho te doglo. Jaola, mana mala kulu tarabana naiknore malagna God.”

Profet Malakai 4:5

“Nogu narane biꞌo iara na ginauna mei, eghuteuna naiknore ginauna mhaghu nodi fififri fara kate thokei meigna narane igne. Nu ulu lahu na iara na kuru meini mae profet Elija ka ghotilo ame thoke mei nga narane te mala fatedi naiknore.

Nonomho Te Keli Teke Risoi Mae Mak 9:11

Aonu, thilomare ne ghusna eghu ka mae Jisas, “Naugna unha si te chekeni mae velepuhigna vetula nogna mae Moses gre mae Elija na mala kulu mei teu na ia?”

Nonomho Te Keli Teke Risoi Mae Mak 6:27

Mae king ghosei ne kuruni kaisei mae soldia mala tei hata mei pha'ugna mae Jone na. Mae soldia tuana tei ne kukusu pha'ugna mae Jone na ka suga sosolo na.

Nonomho Te Keli Teke Risoi Mae Mak 6:16

Kate nomhidi mae Herod thoutonu igre, mana ne cheke eghu, “Mae Jone Apublahi teke kusu iara pha'ugna na tifa ia kela karha fapulo!”

Matiu 24:10

Ka narane tuana kmana naikno teke fatutuanire ginauna nake theome fatutuani. Mare ginauna majora fari thedi, eghuteuna kehare ginauna theome magnahaghedi kehare.

Luku 14:14

Te eghu iagho na, iagho tangomana te gleale'a na. Naugna neubane theome ke tughuni mare gaghamu teke eni iagho tuana, God ginauna nake tughu fapuloni ka iagho, kau narane nate kegra fapulodi naikno te kelire.”

Thakle 1:2

Aonu iara mae Jone neke rioriso glepo teke filodi thegu igre. Chekegna God na thofno tutuani fara teke cheke mei mae Jisas Kraes igre.

Thakle 2:26

Iheire te leghu ghau fabrahu te ghilei lehe, nei edi nogu gloku iara re teu te ghilei hui nauthoglu igne na, iara ginauna tusu ranghidi nolaghi te mala funei frunidi namono te gnafa te au ka nauthoglu igne.

Thakle 4:4

Eghuteuna falithuni nogna sape nafnakno mae King na, varadaki fati sape nafnakno aula jare. Aonu ka sape nafnakno igre iara filodi varadaki fati mae biꞌo ka khiloaure ne gnokro neu ke klignadi. Eghuteuna mare pipichi pohe vegha, nei fahaghe khepi nafnakno teke hohoro ka gol.

Thakle 7:3

Mana ne cheke eghu ka fati engel re, “Thosei goigonini glose ba gaju ba nhorora. Ghehati na kulu lilisei fagaglana ka greredi iheire te loku fabrahu ranghini noda God.”