Thakle 20:10 - Buka Blahi Ka Cheke Holo

¹⁰ Aonu mare ginauna koko laoni mae Satan ka kholo khaꞌaghi te ngire ka thina te ngaja fara. Satan, mae ihei te chaichaghidi naiknore, ginauna au baludi bosu ghe mae profet chaichaghi. Thilomare na au jare mala papara bongi narane tifa tifa.

Thakle 20:10 ပူးပေါင်းရင်းမြစ်များ

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Thakle 19:20

Nu kate magra na, mae ihei te saghe ka hose vegha na igne ne hata bosu na, balugna mae profet chaichaghi na. Mae profet chaichaghi igne mana neke eꞌei kofubobhoi ke ulugna bosu na tifa. Eghuteuna ka puhi igne mana chaichaghidi fara naiknore teke hata mare fagaglana gna bosu na nei pogho soru ka mumuju gna na. Aonu mae profet chaichaghi ghe bosu gre karha neu ne koko lao mare ka kholo khaꞌaghi te ngire ka thina te ngaja na.

Matiu 25:46

“Naikno igre ginauna tei au ka vido mala au papara na bongi narane. Eghuteuna, naikno te doglo ke ulugna God igre ginauna au ka nakarha te theo ka huigna.”

Thakle 20:8

Mana ginauna jifla mala ke chaichaghidi naiknore ka namono te gnafa ka nauthoglu igne. Mare kilodi namono igre Gog ghe Magog. Mae Satan ginauna salo fodu naiknodi namono te gnafa igre mala magra ka nogna naikno God re. Naikno te phile ka mae Satan gre ginauna kmana fara jateula nusu ka glilihi na are eghu.

Thakle 16:13

Eghuteuna iara jaola ne filodi thilo naiture ne jateula groma neu. Thilo groma igre ne jifla mei, kaisei ka foflogna pholi biꞌo na, nei kaisei ka foflogna bosu na, nei kaisei ka foflogna mae profet te chaichaghi na.

Profet Daniel 7:11

“Kate filo teu iara na, iara ne nomhini hona ikoi te au ka phaꞌugna fafati glepo igne ne cheke fahaehaghe ne fafnaknoni thegna. Aonu iara ne filodi mare te faleheni fafati glepo igne ne koko lao thinigna na ka khaꞌaghi ne nhako fahui.

Matiu 7:15

Mae Jisas ne cheke eghu, “Fiofilo ghami ka mae profet chaichaghi are. Ke kosi na jateula te famane sipu eghu filodire. Nu tutuani, mare goigonidi naiknore jateula khuma fakaukathu eghu naugna gaoghathodire jafra fara.

Thakle 9:17

Aonu iara ne filodi hose igre baludi mae iheire te gnokro teu ke klignadi. Mare fahaghe phoko aean te ukru fara, pipito, nei rija eghu. Pha'udi hose igre jateula pha'u lion eghu. Hose igre jifla mei khaꞌaghi, gagahu, nei thina ngaja eghu ka foflodire.

Nonomho Te Keli Teke Risoi Mae Mak 9:44

Jare Gehena na siosilodire theome lehe, nei khaꞌaghi gna na theome lehe.