Thakle 2:28 - Buka Blahi Ka Cheke Holo

²⁸ Naugna nolaghi teke tusu mei mae Mama ka iara igne, iara jaola nake tusu lao ka mare. Eghuteuna iara ginauna jaola tusu lao ka mare u Nathunu Rane igne.

Thakle 2:28 ပူးပေါင်းရင်းမြစ်များ

Thakle 22:16

“Iara mae Jisas, iara neke kuru ari ka ghotilo nogu engel na mala toutonudi glepo igre ka ghotilo te au ka khiloau are. Iara neke karha mei ka vikegna mae kuꞌeda Devet. Iara jateula nathunu rane te siasigla ia eghu.”

Fapea Pita 1:19

Eigna igne, ghehati thofno fatutuanidi fara unha teke chekedi hatimare mae profet ra. Eghume, te keli na ghotilo jame jaola loku famaku nodi cheke hatimare mae profet ra, naugna cheke igre jateula kaisei juta te phae kate romno ia eghu. Juta tuana ginauna phae ghilei rane, eghuteuna naphaegna nathunu rane na jateula naphaegna mae Kraes eghu, eghuteuna ginauna phae ke lamnadi nagnafami ghotilo re.

Profet Isaia 14:12

“King gna Babilonia! Iagho neke haghe fara jateula nathunu rane neku ka tathadi naiknore. Nu gognarona, iagho khoko la soru funu kligna ka maloa ro. Tifa na iagho neke kaisei mae nheta ka magra neke uludi kmana kantri, nu gognarona Lord la koko soru nigho iagho pari.

Ululahu Jone 3:2

Uve kheraguro, gognaro na tahati goro thugna God, nu tahati theome laseni jateula unha teu thogheiro na. Nu tahati laseni kate thakle mei mae Kraes na, tahati ginauna na jateula mana. Naugna tahati ginauna na thofno filoni mana.